VOV.Xơ Đăng - ‘Na tơkŭm mâu kăn kong pơlê péa râ, Kăn xiâm pơkuâ hnê ngăn Đảng hnê tối thế rĕng pro rế lĕm tíu pêi cheăng, tơmeăm khoăng tơnêi têa, mơdêk ki tơƀrê dêi mâu kăn ƀô̆ cheăm bêng, thế xoăng râ, xoăng hnoăng cheăng pêi.

VOV.Xơ Đăng - Kơxê hâi lơ 15/12, khu pơkuâ cheăng Tỉnh ủi Dak Lak hiăng tơkŭm po Hôp Khu pơkuâ cheăng Tỉnh ủi rôh má 7 vâ tối tâi tâng tơdroăng cheăng kâ - pơlê pơla hơnăm 2025, hlối ăm hnê tối ‘na tơdroăng chêh tâk mơdêk ƀă pơkâ ‘no pêi cheăng ăm tơnêi têa hơnăm 2026.

VOV.Xơ Đăng -  Khu râ kăn teăng mâ Kuô̆k hô̆i kong pơlê Dak Lak hiăng tơkŭm po ‘’Hneăng hôp trâm mâ kuăn pơlê klêi kơ’nâi Hneăng hôp má 10, Kuô̆k hô̆i hneăng má XV’’ tiô troăng mơ’no tơdrêng tung um tiô troăng tơdrêng tung um tơvi hlối mơ’no tơdrêng tung um tiô troăng hyôh măng troh 68 cheăm, bêng tung kong pơlê, pro tơ’lêi hlâu vâ kơdrâm kuăn pơlê veăng, séa ngăn ƀă veăng tơpui.

VOV.Xơ Đăng - Kơxo lơ 15/12, a Hà Nội, pôa Phạm Minh Chính, Ngế pro xiâm hnê ngăn Chin phuh veăng Hneăng hôp Kŏng an lâp tơnêi têa roh má 81.

VOV.Xơ Đăng - Kong mêi râ kân, têa đik, lân lu tung mâu khế mơ’nui hơnăm hiăng pro tơ’nhiê hên ó a mâu troăng prôk dêi kong pơlê Lâm Đồng. Tơdroăng ki tơnêi tơhnah, tro têa lu a hên tíu drô troăng prôk dêi kong pơlê hiăng pro tơdroăng prôk lăm dêi kuăn pơlê trâm hên xahpá ƀă xâu xía. Vâ tơniăn ăm troăng prôk a mâu tíu ki tro têa têa lân lu, tơnêi tơhnah, tơhnâp, mê khu kăn hnê ngăn ƀă mâu khu râ ai tơdjâk dêi kong pơlê Lâm Đồng xuân athế khŏm mơ-eăm plâ hâi măng gak ngăn drô troăng vâ tơniăn ăm rơxế, kuăn mơngế châ prôk lăm tơniăn, châ kơtâu, châ prôk troh a tíu ki kal vâ troh.

VOV.Xơ Đăng - Kơxo lơ 15/12, Ngế xiâm pơkuâ Cheăng Tơnêi têa Phan Đình Trạc veăng ai mâ a leh pơxiâm po tơdroăng Tơplâ Quang Trung a cheăm Hàm Thuận Bắc, kong pơlê Lâm Đồng (tơring Hàm Thuận Bắc, kong pơlê Bình Thuận hdrối nah).

VOV.Xơ Đăng - Pêi pro Tơdroăng trâm mâ kuăn pơlê klêi kơ’nâi Hneăng hôp rôh má 10, kơxo lơ 15/12, pôa Tô Lâm, Kăn xiâm pơkuâ hnê ngăn Đảng rơtế ƀă mâu kăn Kuô̆k hô̆i Pơlê kong kân Hà Nội, tíu pêi cheăng pôk kăn kơxô̆ 1, ai rôh trâm mâ kuăn pơlê 11 to bêng a pơlê kong kân vâ tơbleăng klêi kơ’nâi hneăng hôp ƀă tiâ mơnhên mâu rơkong tơpui, pâ thế dêi kuăn pơlê pơtroh ăm Kuô̆k hô̆i.

VOV.Xơ Đăng -  Viƀan hnê ngăn kong pơlê Gia Lai nếo tơbleăng troăng pêi rah xo lế lĕm tro, iâ mơngế pêi cheăng mâu tíu pêi cheăng tơnêi têa ối tung mâu kơ koan pêi cheăng dêi kong pơlê, tiô troăng prôk la ngiâ pơtối pêi pro Tơdroăng pơkâ kơxô̆ 18 dêi Tơnêi têa.

VOV.Xơ Đăng -  Ƀă ki hên kăn teăng mâ môi tuăn, kơxo lơ 14/2, Hô̆i đong kuăn pơlê kong kân Hà Nội hiăng tơbleăng ăm pêi pro Tơdroăng pơkâ kĭ troăng hơlâ mơ’no liăn cheăng Tơdroăng tơkêa bro mơ’no liăn mơjiâng troăng kân nhâ loăng reăng têa kroăng Hồng ƀă Tơdroăng pơkâ ‘na troăng hơlâ mơ’no liăn Tơdroăng tơkêa bro mơ’no liăn mơjiâng kơpong kơdrâm kuăn pơlê rêh ối tơ’noăng ivá Olympic.

VOV.Xơ Đăng - Kơxê lơ 14/12, séa ngăn tơdroăng tơkêa bro Tơraih tơƀai lâp plâi tơnêi Long Thành, Đồng Nai; pôa Phạm Minh Chính, Ngế pro xiâm hnê ngăn tơnêi têa mơnhên, 8 tơmeăm ki xiâm môi tiah: hngêi tơmối ối tơkôm, troăng tơƀai hdrâp chu, Kơmăi séa ngăn a rơvâ plêng, troăng tơdjêp, on tơhrik, têa, tíu drêng têa kơxăng têa châu, phon vâ tơdjêp tơpui, hiăng tơniăn mâu tơdroăng pơkâ vâ tơdah roh kơneăng apoăng a hâi lơ 19/12 la ngiâ.