VOV.Xơ Đăng - Ƀă inâi pơxá “Dak Lak - Tơrŭm cheăng ƀă Xông tơƀrê”, hơnăm 2026, kong pơlê Dak Lak tơbleăng pêi hên tơdroăng mơhnhôk tơmối troh ôm hyô ing tơdroăng po mơdĭng, tơdroăng mê pêi pro ton tung plâ hơnăm.

VOV.Xơ Đăng - Tơbâ 96 hơnăm Hâi mơjiâng Đảng Kŏng san Việt Nam, koh hâk Hneăng hôp khu kăn lâp tơnêi têa rôh má XIV ƀlêi chiâng tơniăn lĕm, kơxo lơ 3/2, a tíu pêi cheăng xiâm Đảng hiăng po leh diâp Me dái 45 hơnăm ối tung Đảng ăm pôa Tô Lâm, Kăn xiâm pơkuâ hnê ngăn cheăng Đảng Kŏng san Việt Nam.

VOV.Xơ Đăng - Kơchơ tê mơdró tơmeăm Têt a kong pơlê Dak Lak pơxiâm hlo tơdroăng roê tơmeăm dêi kuăn pơlê dế tâk hên dâng 30% tâng vâ pơchông ƀă rêm khế. Hlo tơdroăng ki roê hên tơmeăm kố, kơvâ cheăng ai tơdjâk troh a Dak Lak rơtế ƀă khu tơrŭm, mâu ngế krê ki tê mơdró mâu tơmeăm roê xúa tung rôh Têt hiăng ƀă dế tơbleăng hên tơdroăng pêi pro tơniăn yă, hbrâ rơnáu tŭm mâu tơmeăm, vâ bê tơmeăm tê, ing mê rak vế hnoăng pơxúa ƀă pro tơdroăng púi rơhêng vâ roê dêi kuăn pơlê.

VOV.Xơ Đăng - Kơxê lơ 2/2, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh tơdah pôa Bruno Rodríguez Parrilla - Kăn teăng mâ Đảng Kŏng san Tơnêi têa Cuba, Ngế cheăng tung Khu xiâm kal kí, Ngế xiâm tơpui kâ dế pôu ƀă pêi cheăng a Việt Nam.

VOV.Xơ Đăng - Kơxê lơ 2/2, a Hà Nội, Khu xiâm ngăn Túa lĕm tro, Tơ’noăng ivá ƀă Ôm hyô tơrŭm ƀă Vi ƀan hnê ngăn kong pơlê Gia Lai hôp tơbleăng Hơnăm Ôm hyô tơnêi têa – Gia Lai 2026”.

VOV.Xơ Đăng - Kơmăng hâi lơ 2/2 a Hà Nội, pôa Tô Lâm, Kăn xiâm pơkuâ hnê ngăn Đảng, Kăn hnê ngăn Đảng lêng veăng leh mơgêi, diâp pro Hneăng tơ’noăng chêh hlá tơbeăng “Khên tơnôu hvêa prôk tiô hlá cờ Đảng” chêh ‘na Đảng pơtroh tơdroăng hâk ro, Pôa Hồ rơkê ó khât.

VOV.Xơ Đăng - Hâi lơ 2/2, Vi ƀan Măt trâ̆n tơnêi têa Việt Nam kong pơlê Dak Lak tơkŭm po Hôp tiah hmâ rêm hơnăm rôh má péa, môi tuăn ƀă inâi chêh hâi teăm tŭm 22 ngế châ tơbleăng inâi lo tơbriât pro kăn Kuô̆k hô̆i hneăng 16, hneăng hơnăm 2026-2031.

VOV.Xơ Đăng - Kơchơ rơnó hơngui 2026 pơxiâm po kơxo hâi lơ 2/2 a Tíu xiâm Mơđah tơbleăng um tơmeăm Việt Nam, pơxá “Tơdjêp hơniâp - Tơdah rơnó Hơngui ki krip ro”.

VOV.Xơ Đăng - Klêi kơ’nâi Hneăng hôp khu kăn lâp tơnêi têa rôh má XIV dêi Đảng ƀlêi chiâng tơniăn lĕm, mâu kong pơlê kơpong Tây Nguyên ƀă kĭng têa kơxĭ Nam Trung Ƀô̆ hiăng pêi pêi pro pơkâ ƀă mâu tơdroăng pơlâ, túa chêh pơkâ pêi ai pơxúa. Tiah mê, kong pơlê Dak Lak mơ-eăm kơdroh kơtiê krá ton, tŏng gum túa rêh kâ ối ăm kuăn pơlê hdroâng kuăn ngo; Kong pơlê Khánh Hòa khŏm mơ-eăm thăm mơnhông, pơhlêh tơdroăng ki ‘no liăn cheăng, pro troăng prôk. Khu Mố đô̆i gâk tơkăng kong mâu kong pơlê rak vế krá rơdêi hnoăng pơkuâ, gâk kring tung kơpong.

VOV.Xơ Đăng - Kơxo lơ 2/2 a Hngêi Kuô̆k hô̆i, klăng tơbâ 96 hơnăm Hâi mơjiâng Đảng lơ 3/2, pôa Trần Thanh Mẫn, Kăn pơkuâ Đảng ủi Kuô̆k hô̆i, Kăn xiâm hnê ngăn Kuô̆k hô̆i hiăng pơkuâ Leh diâp Mê dái 45 hơnăm, 30 hơnăm ối tung Đảng dêi Đảng ƀô̆ Kuô̆k hô̆i.