VOV.Xơ Đăng - Pôa Tô Lâm, Kăn xiâm pơkuâ hnê ngăn Đảng trâm mâ mâu kăn ƀô̆ xiâm kong an râ ki pêi cheăng ing mâu rơxông hdrối.

VOV.Xơ Đăng - Tơbâ 96 hơnăm Hâi mơjiâng Đảng Kŏng san Việt Nam (3/2), kơxo lơ 4/2, a Tíu pêi cheăng xiâm Đảng, Khu xiâm pơkuâ tơdroăng kal kí, Kăn pơkuâ ngăn Đảng tơkŭm po rôh trâm mâ mâu kăn cheăng tung tíu xiâm Đảng mâu hneăng, hâk phiu rơnó Hơngui Bính Ngọ 2026.

VOV.Xơ Đăng - Khu kăn pêi hnoăng cheăng kong pơlê Dak Lak hiăng lăm pôu, rơkâu Têt ăm Khu kăn pơkuâ ngăn Mô đô̆i gak tíu tơkăng kong dêi kong pơlê.

VOV.Xơ Đăng - Ôh tá pơklât thế pêi pro, xuân ôh tá tơkôm chêl thiăn liăn, mâu troăng kân a cheăm Ia Hiao, kong pơlê Gia Lai hiăng po tơdâ ing tuăn tơmiât dêi kuăn pơlê vâ ƀă hlối môi tuăn dêi kuăn pơlê. Ing tơdroăng pleăng tơrêm met tơnêi, tah mâu kơnâng, tuăn loi pơla Đảng ƀă kuăn pơlê hiăng châ tơbêng, pro chiâng ai troăng kân, pơxá inâi “Tuăn vâ dêi Đảng - hiâm mơno kuăn pơlê” po tơngah mơnhông mơdêk nếo ăm kơpong pơlê klêi tơ’mot tơdjuôm.

VOV.Xơ Đăng - Kơmăng hâi lơ 3/2, a Hngêi hơdruê xuăng Hồ Gươm (Hà Nội), tơbâ 96 hơnăm Hâi mơjiâng Đảng Kŏng san Việt Nam (3/2/1930 – 3/2/2026), Khu tơrŭm cheăng Tíu xiâm tơrŭm ƀă Hlá tơbeăng Kŏng san Việt Nam tơkŭm po Leh khĕn kơdeăn kăn hnê ngăn chi ƀô̆ kơhnâ rơkê ƀă tơbleăng, mơhá Pri Búa liềm Vàng rôh má 10 hơnăm 2025.

VOV.Xơ Đăng - Kơxê hâi lơ 3/2 a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa tơdah Tiê̆n sih Philipp Rösler, Kăn xiâm hnê ngăn khu cheăng kâ Swiss - Việt Nam, dó inâi (SVEF) rơtế ƀă 20 khu mơdró Swiss ƀă châu Âu troh tăng ‘nâi plĕng tăng rôh tơrŭm ‘no liăn pêi cheăng a Việt Nam.

VOV.Xơ Đăng - Kơxê lơ 3/2, a tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn cheăng Đảng hiăng tơdah pôa pôa Mazen Turki El Qadi, Kăn xiâm hnê ngăn Kuô̆k hô̆i râ má péa Jordan drêng pôu păng ‘nâng Việt Nam.

VOV.Xơ Đăng - Kơxê lơ 3/2, Vi ƀan hnê ngăn kong pơlê Lâm Đồng tơkŭm po rôh hôp diâp Pơkâ ‘mâi pơhlêh troăng hơlâ ‘no liăn pêi cheăng ăm tơdroăng tơkêa Po rơdâ, ‘mâi mơnhông ivá pêi cheăng Hngêi kơmăi alumin Nhân Cơ ƀă tơdroăng tơkêa Khu ngăn ‘na chiâ xo bauxite – nhôm Lâm Đồng ăm Grup Kŏng ngiê̆p Kơchâ – Tơmeăm khoăng Việt Nam (TKV).

VOV.Xơ Đăng - Hâi lơ 3/2, a kong pơlê Dak Lak, Khu pêi cheăng dêi Khu xiâm tăng ‘nâi plĕng mâu lêng Việt Nam xua Trung tươ̆ng Nguyễn Bá Lực, Phŏ xiâm tăng ‘nâi plĕng mâu tơdroăng pro ngế pơkuâ djâ khu kăn hiăng troh lăm séa ngăn tơdroăng cheăng hbrâ hriâm tâp hơnăm 2026 a Lữ đoàn Đặc công 198 - Binh chủng Đặc công.

VOV.Xơ Đăng - Drêng troh tơbâ 96 hơnăm Hâi mơjiâng Đảng Kŏng san Việt Nam (3/2/1930 - 3/2/2026), kơxo hâi lơ 3/2 Khu kăn Tíu xiâm Đảng, Kuô̆k hô̆i, Kăn xiâm hnê ngăn tơnêi têa, Chin phuh, Vi ƀan Tíu xiâm Măt trâ̆n Tơnêi têa Việt Nam hiăng pleăng ‘măn rơvĭng reăng a Hngêi ‘măn poăng Pôa Hồ Chí Minh.