VOV.Xơ Đăng - Mot tung hơnăm nếo 2026, drêng rơnó krí kơphế hiăng tâi, tơdroăng ki phiu ro tơdjâk troh lâp lu mâu pơlê cheăm kơpong Tây Nguyên. Klêi kơ’nâi môi hơnăm pêi cheăng kơhnâ, vâi krâ kuăn pơlê pêi chiâk phiu ro drêng tơdroăng cheăng kâ tơ’lêi hlâu, tơmeăm pêi lo ing chiâk deăng châ hên, yă tê kơnâ, tơdroăng rêh ối rế hía rế tơniăn tâ.

VOV.Xơ Đăng - Hơnăm 2025 hiăng tâi ƀă hên tơdroăng chôu pâ ki tơviah, ôh ti xê to hơnăm tâk hên vâ pê klêi mâu Pơkâ hneăng hôp 13, ai hên tơdroăng pêi tơƀrê koh hâk Hneăng hôp kân má 14 dêi Đảng, mê ối hdró mâu pơkâ hdró tơdroăng xing xoăng pro rế lĕm tung mơnhông tơnêi têa. Tơdroăng tơ’mot tơdjuôm mâu kong pơlê, tơkŭm mâu kăn kong pơlê péa râ hiăng po mơhno tơdroăng ki nếo ‘mâi mơnhông tiô troăng pêi krá tơniăn, tơrŭm ƀă pêi tơƀrê tâ. Tung um kơchuâ mê, Tây Nguyên – Pâ hdroh Tơdế Tơnêi têa po rơdâ mơjiâng tơmeăm khoăng - khên tơnôu hvêa prôk mot tung chal nếo.

VOV.Xơ Đăng - A mâu pơlê cheăm cho kơpong hngế hngo, kơpong hdroâng kuăn ngo dêi Tây Nguyên, ƀă tơdroăng ki tơmâng ngăn dêi Đảng, Tơnêi têa, hiâm mơno tơrŭm tơkâ luâ xơpá mơeăm mơnhông dêi kuăn pơlê, ƀă tơdroăng ki kơhnâ pêi cheăng, tơdroăng rêh kâ ối dêi vâi krâ nhŏng o dế rế hía ẻế mơnhông tơƀrê. Tơdah hơnăm nếo 2026, tơdroăng ro ƀă phiu niu hlo nhên a mâu pơlê cheăm Tây Nguyên, drêng vâi krâ nhŏng o hvái ngăn mâu tơdroăng pơhlêh dêi tơnêi têa, dêi kong pơlê ƀă dêi pơlê cheăm tơná.

VOV.Xơ Đăng - Tơdroăng hâi kố vêh tối 10 tơdroăng ki kal ki má môi tung tơnêi têa hơnăm 2025 xua Rơ’jíu Việt Nam rah: cho tơdroăng ki tơbâ ki kơnâ trâu hơhngế, mơnhên inhên tâ troăng tơmiêt pêi la ngiâ, tơdroăng khŏm mơ-eăm ƀă ivá ó rơdêi Việt Nam tung troăng prôk nếo.

VOV.Xơ Đăng - Koh tơdah hơnăm nếo 2026 ƀă mơhnhôk tơdroăng ôm hyô roh pơtê Têt Lo hơnăm nếo, kong pơlê Dak Lak, Gia Lai, Quảng Ngãi kô tơkŭm po hên tơdroăng khôi túa lĕm tro, ngê̆ thuât ki má môi.

VOV.Xơ Đăng - Hâi lơ 30/12, pôa Phạm Minh Chính, Ngế pro xiâm hnê ngăn tơnêi têa pơkuâ Hneăng hôp hlê plĕng pêi pro mâu Pơkâ dêi Kuô̆k hô̆i ‘na tah lôi pá puât ƀă mâu tơdroăng tơkêa bro ƀă Tơdroăng pơkâ xiâm tơnêi têa mơjiâng thôn pơlê nếo, kơdroh kơtiê krá tơniăn ƀă mơnhông cheăng kâ rêh ối pơlê pơla kơpong kuăn pơlê hdroâng kuăn ngo ƀă kong ngo.

VOV.Xơ Đăng - Kăn xiâm pơkuâ hnê ngăn Đảng pơkâ thế, tung la ngiâ Hok viê̆n Chĭn trĭ Kuô̆k ya Hồ Chí Minh tơkŭm pêi pro 6 mơnhên prôk la ngiâ ƀă hnoăng cheăng ki xiâm, pơtối pơhlêh nếo xiâm tơdroăng hnê mơjiâng, hnê tơ’nôm kăn ƀô̆ tiô troăng ki pơxúa, châ tơƀrê, tiô rơxông nếo.

VOV.Xơ Đăng - Tung mâu hâi mơ’nui hơnăm, Đảng ƀô̆ ƀă kuăn pơlê mâu hdrông kuăn ngo a Dak Lak dế thăm mơnhông mâu tơdroăng cheăng, cho rế vâ hbrâ koh tơdah hơnăm nếo 2026, rế vâ koh tơdah hneăng hop kân mâu kăn teăng mâ lâp tơnêi têa roh má 14 dêi Đảng. Hnoăng cheăng pêi xuân po lân rơdâ a hên mâu tơmeăm khoăng, hngêi trăng, troăng klông dêi Dak Lak. Mâu troăng prôk ki nếo po, mâu tơdroăng tơkêa bro ki kân hiăng dế châ mơjiâng pro, pêi pro ki păng ‘nâng Tơdroăng pơkâ dêi kong pơlê ƀă ki xiâm cho vâ thăm mơdêk pêi cheăng kâ châ 10% tung la ngiâ.

VOV.Xơ Đăng - Hâi lơ 30/12, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ po Rôh hôp mơgêi “Cheăng pêi thâ Quang Trung” rĕng pro, ‘mêng klêi hngêi ối ăm kuăn pơlê ki ai hngêi ối tro tơ’nhiê xua kong mê khía mơhot têa kân lân lu a kơpong Peăng Tơdế -Tây Nguyên.

VOV.Xơ Đăng - Kăn xiâm pơkuâ hnê ngăn Đảng pơkâ thế, Tíu xiâm chêh ‘măn tơdroăng kal tơnêi têa hnê kơtăng, tơbleăng pêi tro 5 troăng vâ pêi ki kân, tung mê tơkŭm mơjiâng Tíu xiâm chêh ‘măn tơdroăng kal tơnêi têa  kô chiâng “plâi nuih”.