VOV.Xơ Đăng - Kơxê lơ 11/1, a Thái Nguyên, pôa Phạm Minh Chính, Ngế pro xiâm hnê ngăn Chin phuh veăng a Leh pơxiâm pro 03 to tơdroăng tơkêa, kơƀăng tăng ‘nân ăm mâu Hngêi trung ki phá krê – Hngêi trung phôh thong kơpong kong ngo Việt Bắc, Hngêi trung Dư̆ ƀĭ đăi hok Pơlê kong kân Hồ Chí Minh ƀă Hngêi trung Yư̆ ƀĭ Đăi hok Yân hok Sầm Sơn, kong pơlê Thanh Hóa.

VOV.Xơ Đăng - Hâi lơ 11/1, a Đà Lạt, Khu ki pêi dêi hnoăng cheăng dêi Khu xiâm mơjiâng pro tơmeăm xua pôa Trần Hồng Minh, Ngế xiâm ngăn Khu mơjiâng pro tơmeăm pro kăn pơkuâ khu kố hiăng pêi cheăng ƀă kong pơlê Lâm Đồng ‘na tơbleăng pêi hnoăng cheăng túa pơkâ, mơjiâng troăng klông, mơjiâng pro tơmeăm khoăng.

VOV.Xơ Đăng - Drêng mot tung hneăng ki xúa kŏng ngê̆ kơxô̆ tung hnoăng pơkuâ ngăn cheăng tơnêi têa, Vi ƀan hnê ngăn bêng Hội Phú, kong pơlê Gia Lai hiăng djâ troăng ahdrối tung mơ’no liăn cheăng, djâ robot AI ki rơkê plĕng tung tơdroăng veăng gum ăm kuăn pơlê chêh bro mâu hlá mơ-éa ki kal a Tíu xiâm veăng gum chêh bro hlá mơ-eá akố. Kố châ ngăn cho bêng ki apoăng tung kong pơlê pơkâ pêi pro túa cheăng ki kố, veăng gum mơdêk ki rơkê tơtro tung pơkuâ ngăn, kơdroh hnoăng cheăng ki hngăm ăm kăn bô̆ ƀă kuăn pơlê, ƀă hiăng châ mơnhên hnoăng pêi pro kố ai pơxúa khât ăm kuăn pơlê.

VOV.Xơ Đăng - Drêng pôa Thongloun Sisoulith châ pôk pro Kăn xiâm hnê ngăn Đảng Nhân yân Kăch măng Lếo hneăng 12, hâi lơ 8/1/2026, pôa  Tô Lâm, Kăn xiâm pơkuâ hnê ngăn Khu xiâm Đảng Kŏng san Việt Nam hiăng pơtroh kơthô rơkâu kơ pôa Thongloun Sisoulith.

VOV.Xơ Đăng - Kơxê hâi lơ 8/1, a Hngêi pêi cheăng Kuô̆k hô̆i, pôa Trần Thanh Mẫn, Kăn xiâm hnê ngăn Đảng ủy Kuô̆k hô̆i hiăng pơkuâ Hôp Khu kăn Đảng ủy Kuô̆k hô̆i ƀă Vi ƀan Pơkuâ cheăng Kuô̆k hô̆i vâ séa ngăn, ăm veăng hnê tối ‘na mơngế ki lo tơbriât pro kăn Kuô̆k hô̆i pơkuâ cheăng hneăng 16 a Tíu xiâm.

VOV.Xơ Đăng - Hâi lơ 8/1, Khu kăn séa ngăn, tăng ngăn dêi Tiểu ban pro tơniăn pơlê pơla - Hô̆i đong Tâ phĭu xah xo kăn têi tơnêi têa hiăng pêi cheăng ƀă Ƀơrô Kăn sát cơ động, Kŏng an kong pơlê Dak Lak ƀă Tiêuh đoân 303, Trung đoân 584, Khu xiâm pơkuâ ngăn lêng kong pơlê ‘na tơdroăng cheăng hbrâ tơplâ, tơniăn tung rôh tâ phĭu rah xo kăn Kuô̆k hô̆i hneăng 16 ƀă mâu kăn Hô̆i đong kuăn pơlê rêm râ hneăng 2026-2031.

VOV.Xơ Đăng - Vâ rak tơniăn troăng klông ƀă tah lôi păng ‘nâng tơdroăng ki ai tơhnâp râ ó a troăng kân văng Prenn – tíu peăng Hdroh mot a Tíu xiâm Đà Lạt, kong pơlê Lâm Đồng pơtân prôk môi iâ văng Prenn tung 6 hâi, sap ing hâi lơ 9/1 troh hâi lơ 15/1/2026.

VOV.Xơ Đăng - Hâi lơ 9/1, Hôp tối mơgêi tơdroăng cheăng hơnăm 2025, tơbleăng tơdroăng cheăng pêi hơnăm 2026 dêi Chin phuh ƀă mâu kăn dêi kong pơlê châ tơkŭm po mơ’no tơdrêng.

VOV.Xơ Đăng - Hô̆i đong tối, xoăng râ tơmeăm OCOP râ kong pơlê Dak Lak hiăng mơnhên tơ’nôm 10 tơmeăm khoăng châ pơxá 4 hơlŏng hơnăm 2025 klêi mơnhên ngăn, châm điêm mâu tơmeăm ki tơbleăng mơhno “Rêm cheăm môi tơmeăm”.

VOV.Xơ Đăng - Kơ’nâi lối 20 khế pro, 2 kloh mot tơkâ luâ ngo a Văng Phượng Hoàng a troăng kân tơdrăng lĕm Buôn Ma Thuột - Khánh hoà, hiăng po.