VOV.Xơ Đăng - Mơnhên troăng mơnhông Tây Nguyên klêi kơ’nâi Hneăng hôp má XIV dêi Đảng cho tơkŭm a troăng pêi tơtêk tơ’lêi hlâu, ai drêng trâm pá puât, ai drêng trâm niân nok, xúa ing ki rơkê plĕng dêi khoa hok - kŏng ngê̆ ƀă pơhlêh xúa kŏng ngê̆ pro ki mơdêk, vêh mơnhông pêi chiâk deăng kŏng ngê̆ rơxông nếo. Ki xiâm cho mơjiâng hngêi trăng, troăng klông, rak vế kong, tơniăn rak kơnhŏng têa, mơdêk tơdroăng rêh ối hdroâng mơngế ƀă mơjiâng thôn pơlê nếo krá tơniăn.

VOV.Xơ Đăng - Ƀă tơdroăng veăng tơmâng pêi kơtăng dêi khu cheăng kal kí ƀă kuăn pơlê, Tây Nguyên- Nam Trung Bộ hiăng  ƀă rĕng ‘mâi mơnhông klêi rôh khía mơhot kân têa lân lu hơnăm kố nah, nôkố dế pêi cheăng mơnhông krá tơniăn, púi vâ mơjiâng pơlê dêi kuăn pơlê ƀă tuăn mơno vâ pleăng hnoăng tơná dêi mâu hơnăm ối nếo Tây Nguyên tung hơnăm nếo Bính Ngọ 2026

VOV.Xơ Đăng - Rơtế ƀă lâp tơnêi têa koh tơdah rơnó Hơngui nếo Bính Ngọ, kuăn pơlê mâu hdroâng kuăn ngo Tây Nguyên xuân hâk tơngăm ƀă mâu tơdroăng klâi hiăng pơhlêh dêi pơlê cheăm, tơrŭm tơmiât troh hơnăm nếo tơdroăng rêh ối rế phâi hơtôu, hơniâp ro tâ.

VOV.Xơ Đăng - Klêi kơ’nâi tơ’mot chiâng môi ƀă kong pơlê Bình Định hdrối nah, kong pơlê Gia Lai nếo ai tíu mơnhông mơdêk kân rơdâ, ing kơpong tơnêi kân rơdâ chu tro a têa kơxĭ ƀă rơlố, mơjiâng chiâng ki tơ’lêi hlâu krip má môi ăm tơdroăng mơnhông ôm hyô, ƀă mâu tơmeăm hên hĭn tơmối vâ châ hlo châ tâ, tơdjêp pơla mâu kơpong. Kơnó inhên tơnêi rơlối mê, kong pơlê Gia Lai rĕng mơnhên troăng prôk dêi tơná, djâ kơvâ ôm hyô chiâng môi tung hơnăm ki xiâm cheăng kâ ki kal tung la ngiâ, hlối mơnhông ƀă rak vế, tăng cheăng pêi ăm kuăn pơlê ƀă pơkâ tơtêk krá tơniăn.

VOV.Xơ Đăng - A kơxo dêi hâi apoăng hơnăm nếo Bính Ngọ 2026, ngin pơtroh pó vâi krâ nhŏng o ƀă pú hmâ rơkong pơchuât Hlá Kơthô Rơkâu têt dêi pôa Lương Cường, Kăn xiâm hnê ngăn tơnêi têa troh tâi tâng kuăn pơlê, mố đô̆i tung lâp tơnêi têa.

VOV.Xơ Đăng - Klêi kơ’nâi tơ’mot pơla mâu kong pơlê, cheăm bêng, kơpong Tây Nguyên hiăng trối achê tâ ƀă têa kơxĭ ƀă kong tơbăng pá hdroh peăng Tơdế Tơnêi têa, ing mê, po chiâng môi kơpong ki mơnhông chiâng ki nếo tâi tâng. Ôh tá xê tot pơtê to ‘nâng tơdroăng ki tơkăng tơnêi, mê kơpong tơnêi kố dế hiăng ai hên tơdroăng ki pơhlêh kân rơdâ ‘na tơnêi tíu, ‘na tơdroăng roh nah, trối  “Kơpeăng kŏng ki vâ tơpông râng vê tơdroăng pêi cheăng kâ troh a têa kơxĭ, ing mê, chiâng ivá ki ó rơdêi vâ mơdêk tung cheăng kâ dêi tơnêi têa.

VOV.Xơ Đăng - Klêi kơ’nâi tơmot chiâng môi, kơpong Tây Nguyễn hiăng tơdjêp ƀă Duyên hải Nam Trung Bộ, po môi tíu mơnhông mơdêk nếo tâi tâng. Ôh tá tot to a tơdroăng pơhlêh tíu pơkuâ tơnêi têa, kơpong tơnêi kố dế châ hlo môi roh pơhlêh tơtêk ‘na troăng pêi kân ƀă tơdroăng pêi , môi tiah ‘’mơná mơnĕng’’ cheăng kâ lo a têa kơxĭ, chiâng tơdroăng ki tơtêk nếo dêi tơnêi têa.

VOV.Xơ Đăng - Hbrâ tơdah Têt hơnăm nếo Bính Ngọ, a Pơlê kong kân Hồ Chí Minh, pôa Trần Thanh Mẫn, Kăn xiâm hnê ngăn Kuô̆k hô̆i lăm pôu, rơkâu Têt ăm mâu kăn hnê ngăn Đảng, Tơnêi têa hneăng hdrối, pôa Nguyễn Minh Triết, pôa Trương Tấn Sang; pô Nguyễn Tấn Dũng, mâu Ngế pro xiâm hnê ngăn tơnêi têa hneăng hdrối; ƀă Kăn pơkuâ hnê ngăn Đảng, Đại tướng Lê Hồng Anh.

VOV.Xơ Đăng - Kơxo 12/2, a rôh hôp chuyên đề rôh má pơtăm, Hô̆i đong kuăn pơlê dêi kong pơlê Dak Lak hneăng 10, hneăng hơnăm 2021-2026 hiăng rah xo tơ’nôm inâi Phŏ kăn hnê ngăn hô̆i đong kuăn pơlê kong pơlê Dak Lak hneăng 10, hneăng 2021-2026 ƀă jâ Phúc Bình Niê Kdăm.

VOV.Xơ Đăng - Hôp hriâm tơ’nôm  ăm mau ngế nếo roh poăng lo tơbriât pro kăn Kuô̆k hô̆i po a kơxo hâi lơ 12/2 a hngêi Kuô̆k hô̆i, ƀă vâ chê 170 ngế lo tơbriât dêi 19 to kong pơlê, pơlê kong kân kơpong Peăng Kơnhŏng ƀă Tơdế tơnêi têa veăng hôp.