VOV.Xơ Đăng - Kong pơlê Dak Lak dế tơkŭm hên mơngế pêi cheăng vâ pêi kêi đeăng mơjiâng pro hngêi ăm kuăn pơlê tro tơdjâk xua kong prâi, mơ-eăm pơcháu hdrối hâi lơ 15/1 tiô hnê mơhno dêi Ngế pro xiâm hnê ngăn Chin phuh.

VOV.Xơ Đăng - Kơxê lơ 7/1, Khu râ kăn mơnhên ngăn, séa ngăn dêi Hô̆i đong Tâ phĭu Tơnêi têa hiăng pêi cheăng a kong pơlê Dak Lak vâ séa ngăn, mơnhên tơdroăng pêi pro tơdroăng tâ phĭu ƀă mâu troăng tơniăn kring tơniăn, ối tơniăn, hmiân lâp pơlê pơla tung kong pơlê.

VOV.Xơ Đăng - Kơmăng lơ 7/1, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ Roh hôp roh má pŭn Khu hnê mơhno mơjiâng hngêi kơmăi on tơhrik kơtâu ƀă trếo tik nik.

VOV.Xơ Đăng - Hâi lơ 7/1, Đảng ủi Khu lêng kong pơlê Dak Lak tơkŭm po Rôh hôp tơbleăng klêi kơ’nâi Rôh hôp má 15 Khu pơkuâ ngăn xiâm Đảng hneăng XIII ƀă cheăng hnê tối, pơkâ troăng tơmiât pêi hbrâ rơnáu Hneăng hôp khu kăn lâp tơnêi têa rôh má XIV dêi Đảng; pôk kăn Kuô̆k hô̆i hneăng XVI, Hô̆i đong hnê ngăn rêm râ hơnăm 2026 – 2031.

VOV.Xơ Đăng Kơxo hâi lơ 7/1, a Tíu pêi cheăng kăn xiâm hnê ngăn Tơnêi têa, pôa Lương Cường pơkuâ hâi leh diâp pơkâ pôk Ngế phŏ pơkuâ Hngêi tơleăng Kuăn pơlê ki xiâm ƀă mâu kăn tơleăng dêi hngêi tơleăng Xiâm kuăn pơlê ki xiâm: Lê Tiến ƀă Nguyễn Biên Thùy.

VOV.Xơ Đăng - Kơxo lơ 7/1, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ po rôh hôp tơmâng pơchuât tơdroăng pêi pro “Cheăng pêi thâ Quang Trung” rĕng ‘mâi pro, ‘mêng hngêi ối ăm mâu rơpŏng ki ai hngêi tơ’nhiê tơhnâp xua kong mê khía mơhot têa kân lân lu pơla hdrối nah a mâu kong pơlê Tơdế tơnêi têa – Tây Nguyên.

VOV.Xơ Đăng - Kơxo lơ 7/1, a Hà Nội, pôa Tô Lâm, Kăn xiâm pơkuâ hnê ngăn cheăng Đảng pôu ƀă pơkuâ po rôh pêi cheăng ƀă Khu ngăn troăng hơlâ tŏng gum ƀă Cheăng tung la ngiâ Tơnêi têa ‘na mợịâng pro mâu Pơkâ pơtroh ăm Rôh hôp Tơnêi têa hneăng 14.

VOV.Xơ Đăng –  Troh nôkố, kơlo mơhá Têt Lo hơnăm nếo Bính Ngọ 2026 dêi mơngế pêi cheăng tung kong pơlê Lâm Đồng hên má môi châ mơnhên ối tung môi khu tê mơdró Tơnêi têa, ƀă kơlo mơhá 180 rơtuh liăn ăm rêm ngế pêi cheăng.

VOV.Xơ Đăng - Kơxê lơ 8/1, pôa Phạm Minh Chính, Ngế pro xiâm hnê ngăn Chin phuh veăng hôp tối mơgêi tơdroăng cheăng hơnăm 2025, tơbleăng tơdroăng cheăng pêi hơnăm 2026 dêi Kơvâ liăn ngân.

VOV.Xơ Đăng - Kong pơlê Gia Lai nếo tơbleăng pơkâ tơkŭm tơbleăng tơ’noăng yă, tơ’noăng ‘no liăn vâ pêi 138 tơdroăng tơkêa pro ki kal tung hơnăm 2026, vâ tăng pêi ai pơxúa xiâm tơnêi, tơ’mot mâu khu ‘no liăn cheăng ai ivá, pêi cheăng mơnhông tơbrê cheăng kâ - pơlê pơla dêi kong pơlê.