VOV.Xơ Đăng - Rôh apoăng hơnăm nếo ƀă veăng ai mâ a leh tơbleăng ‘Têt pêt loăng plâ rơxông chôu pâ Pôa Hồ”, kơxo lơ 23/2 (cho hâi má 7 têt Bính Ngọ), pôa Lương Cường, Kăn xiâm hnê ngăn tơnêi têa ƀă khu kăn ki pêi dêi hnoăng cheăng Tơnêi têa hiăng troh rơkâu têt Đảng ƀô̆, kăn pơkuâ, kuăn pơlê kong pơlê Lào Cai.

VOV.Xơ Đăng - Pêi pro tiô hneăng mơhnhôk tâ phĭu pôk kăn xiâm Kuô̆k hô̆i hneăng 15 ƀă kăn teăng mâ Hô̆i đong hnê ngăn rêm râ hneăng hơnăm 2026-2031, kong pơlê Lâm Đồng dế tơkŭm pơkuâ ngăn, tơdjâ, pơkâ pêi pro tŭm têk, tơdrêng mâu hnoăng cheăng tro tiô pơkâ dêi luât xiâm ƀă tơdroăng ki hiăng mơ’no athế pêi pro. Vâ hâi tâ phĭu pôk xo kăn xiâm Kuô̆k hô̆i ƀă mâu kăn Hô̆i đong hnê ngăn rêm râ a hâi lơ 15/3 la ngiâ châ po tơniăn lĕm, tro tiô tuăn kuăn pơlê pói rơhêng vâ păng ‘nâng cho roh ki pêi pro tiô hnoăng cheăng kal kí trâu rơdâ, mê ““Koh hâk hâi sôk phiu lâp tơnêi têa” a kong pơlê kố, hnoăng cheăng hnê mơhnhôk ‘na cheăng kal kí ki kal kố dêi tơnêi têa, mê kong pơlê Lâm Đồng dế thăm mơdêk tơdjâ tơrŭm môi tuăn, vâ môi i hiâm môi mơno tung Kuăn pơlê.

VOV.Xơ Đăng - Kơxo lơ 23/2, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng trâm mâ apoăng hơnăm ƀă kăn ƀô̆, kŏng chưk, viên chưk, mơngế pêi cheăng Ƀơrô Chin phuh, tơdrêng amê pêi pro hnoăng cheăng xiâm sap ing hâi pêi cheăng apoăng klêi kơ’nâi roh pơtê Têt.

VOV.Xơ Đăng - A Dak Lak ƀă Khánh Hòa, kuăn pơlê tơnăng ká phiu ro ‘na tơdroăng ki tơnăng châ hên ká xi xŏng a têa kơxĭ, rế mơdêk ki rơkê plĕng pêi pro kơtăng mâu tơdroăng pơkâ tung tơnăng ká xi xŏng, malối cho hbrâ mơdât tơnăng ká xi xŏng IUU.

VOV.Xơ Đăng - Rôh hơnăm nếo, kơxo lơ 23/2, pôa Tô Lâm, Kăn xiâm pơkuâ hnê ngăn cheăng Đảng veăng ai mâ ƀă pơkuâ po rôh trâm mâ, rơkâu Têt kăn ƀô̆, kong chưk, viên chưk, ngế pêi cheăng Ƀơrô cheăng xiâm Đảng.

VOV.Xơ Đăng - Um méa mâu ngế ki châ kuăn pơlê loi tơngah, Kăn pơkuâ hnê ngăn Chi ƀô̆ a pơlê, ôh tá pơ-eăng dêi hnoăng cheăng pôu hngăm tơná, la vâi rơtế veăng gum kuăn pơlê, tŏng tơveăng kuăn pơlê, mơjiâng pơlê pơla tơrŭm môi hiâm tuăn ƀă mơnhông mơdêk. Tơdroăng “Đảng tung tơdroăng rêh ối’’ hâi kố, Ngế chêh hlá tơbeăng Rơ’jíu Việt Nam ai tơpui tơno tơno ƀă ngoh Y Khăm Ta Niê (kot mâ hơnăm 1991, hdroâng kuăn ngo Jarai, Kăn pơkuâ Chi ƀô̆ ƀuôn A1, cheăm Ea Súp (ối tung tơring tơkăng kong Ea Súp ton), kong pơlê Dak Lak. Ngoh Y Khăm Ta Niê, môi tung mâu Kăn pơkuâ Chi ƀô̆ ki kơhnâ rơkê lâp tơnêi têa châ kheăn kơdeăn a Leh tơbâ 96 hơnăm Hâi mơjiâng Đảng Kŏng san Việt Nam tơkŭm po a hâi lơ 3/2 pơla kố nah a Hà Nội.

VOV.Xơ Đăng - Tung tơdroăng phiu ro Đảng, hâk ro rơnó Hơngui mâu hâi apoăng hơnăm nếo Bính Ngọ, kơxo lơ 22/2 a Hà Nội, pôa Tô Lâm, Kăn xiâm pơkuâ hnê ngăn Đảng veăng ƀă xông tơpui a Leh mơhnhôk pêi pro ‘’Têt pêt loăng troh tá ah pâ Pôa Hồ’’ rơnó Hơngui Bính Ngọ 2026.

VOV.Xơ Đăng - Kơxê hâi lơ 22/2, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ hôp tối tơdroăng Têt hơnăm nếo Bính Ngọ 2026 ƀă tơbleăng mâu tơdroăng cheăng pêi ki kal klêi Têt.

VOV.Xơ Đăng - Mâu hâi Têt lo hơnăm nếo, drêng hên rơpŏng tơkŭm dêi pó a djeăm hmê apoăng hơnăm, mê a tung dế têa kơxĭ  ai hên ká Trường Sa (kong pơlê Khánh Hòa), rơpâu kuăn pơlê tơnăng ká xi xŏng mâu kong pơlê Nam Trung Bộ xuân lo lăm a têa kơxĭ tơnăng, rế tơdah hơngưi tung dế têa kơxĭ rế tơnăng ká xi xŏng. Ƀă vâi, lo lăm tung dế têa kơxĭ Têt bu vêh drêng tung tuk pêng ká, tuk tro a kơno ká tơniăn.

VOV.Xơ Đăng -  “Rơnó Hơngưi tơdjuôm ivá rak têa kơxĭ – Têt pêng păm tuăn pâ pơla khu lêng ƀă kuăn pơlê’’ cho tơdroăng pơxá ngê̆ thuât xua Khu lêng pơkuâ lêng Kơpong 2 - Khu lêng gâk kring têa kơxĭ tơkŭm po klăng roh Têt Lo hơnăm nếo Bính Ngọ 2026. Tơdroăng mơđah tơbleăng tung hơtô, tuăn pâ ƀă tơdroăng ki veăng gum dêi mâu kăn teăng mâ mâu kơ koan, khu cheăng, kơvâ cheăng, khu râ kăn pơkuâ cheăm, bêng rơtế ƀă mâu rơpŏng ai hnoăng tơnêi têa, mâu kuăn muăn, cháu chái cho kuăn dêi vâi krâ kuăn pơlê tơnăng ká xi xŏng châ mô đô̆i khu lêng gâk kring têa kơxĭ tơdah roăng rak ƀă tơdroăng ki phiu ro dêi kăn ƀô̆, mâu lêng.