VOV.Xơ Đăng – Tơdế kong ngo Tây Bắc, tíu ki hmâ ƀă klâng chiâk a ngo, ‘nêk kơƀên, tê tơmeăm tơdrêng tung hyôh măng, nôkố hiăng hlo môi um méa ki nếo: Mâu phôn râng kŏng vâi krâ nhŏng o râng tơvế, djâ dêi a chiâk, a deăng. Sap ai măng pơlê pơla, tơdroăng tê mơdró tung điê̆n tưh, mơngế pêi chiâk dêi Lào Cai dế khên tơnôu hơ’muăn tơdroăng ‘na tơmeăm tơná, tơdjêp mơ’no tơdrêng ăm mơngế ki vâ rôe xúa. Môi tơdroăng pêi pro ki nếo ing chiâk deăng troh tơdroăng pêi pro ƀă kơxô̆ - dế po troăng pêi pro ki nếo, ăm ai pơxúa a kơpong kong ngo.

VOV.Xơ Đăng - Vâ rak vế tơniăn rôh tâ phĭu pôk kăn Kuô̆k hô̆i hneăng XVI ƀă kăn Hô̆i đong hnê ngăn kuăn pơlê rêm râ hneăng hơnăm 2026–2031 po tro luât, tơniăn, tơdrăng, kong pơlê Dak Lak mơjiâng 11 khu lăm ngăn vâ ngăn, tăng ‘nâi tŭm cheăng tâ phĭu a kong pơlê.

VOV.Xơ Đăng - Hâi lơ 14/1, a Hà Nội, pôa Tô Lâm, Kăn xiâm pơkuâ hnê ngăn cheăng Đảng, Kăn pơkuâ ngăn Đảng lêng Tơnêi têa veăng ai mâ a leh diâp Inâi Ngế khên tơnôu khu lêng kring vế kuăn pơlê ăm Khu xiâm Hậu cần - Kỹ thuật (Khu xiâm pơkuâ ngăn lêng).

VOV.Xơ Đăng -  Kơxê lơ 13/1, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hiăng tơdah jâ Chea Kimtha, Kăn teăng mâ pôu râng hnoăng cheăng kong têa Kul, pôa Marc Knapper - Kăn teăng mâ pôu râng tâi tâng hnoăng kong têa Mih troh koh pơlâng klăng roh mâu Kăn teăng mâ mơgêi hneăng pêi cheăng a Việt Nam.

VOV.Xơ Đăng - Kơxê hâi lơ (13/1) a tíu pêi cheăng Chin phuh, Khu hnê mơhno cheăng tơnêi têa pêi tơdrăng tơkâ luâ ƀom mìn ƀă tah trếo ‘mêi klêi ai tơdroăng tơplâ Việt Nam (Khu hnê mơhno cheăng 701) tơkŭm po Hôp tối mơgêi tơdroăng cheăng pêi pro dêi tơdroăng pêi pro lâp tơnêi têa tơkâ luâ hyôh ‘mêi ing ƀom mìn klêi kơ’nâi tơplâ  tung pơla hơnăm 2010-2025.

VOV.Xơ Đăng - Hâi lơ 13/1 tung rôh lăm pôu pêi cheăng Singapore, pôa Nguyễn Hòa Bình - Phŏ ngế pro xiâm hnê ngăn Chin phuh hôp tơpui ƀă pôa Lý Hiển Long Ngế xiâm hnê ngăn kong têa Singapore.

VOV.Xơ Đăng - A rôh Hôp tối mơgêi tơdroăng cheăng pêi hơnăm 2025, ƀă tơbleăng tơdroăng cheăng pêi tung 2026 dêi Vi ƀan kuăn pơlê kong pơlê Dak Lak, Kăn xiâm hnê ngăn kong pơlê tối, mơhé chiu tơdjâk ó xua kong prâi pro ôh tá tơniăn ƀă mâu tơdroăng tơvâ tơvân klêi tơ’mot tơ’djuôm tíu pêi cheăng, kong pơlê xuân ối rak tơdroăng mơnhông cheăng kâ, pro xiâm ki kal vâ mot tung mâu hơnăm pêi cheăng tơƀrê.

VOV.Xơ Đăng - Riân tơdjuôm 3 tơdroăng tơkêa pro, kơxô̆ hồ sơ chêl thiăn liăn ki xo tơnêi tíu châ kĭ vâ ăm liăn hiăng châ lối 87%.

VOV.Xơ Đăng - Kơxo hâi lơ 13/1, Khu pơkuâ ngăn lêng kong pơlê Lâm Đồng tơkŭm po rôh hôp mơgêi pêi pro “Cheăng pêi thâ Quang Trung”, mơnhên tối klêi kơ’nâi tŏng gum ‘mêng pro hngêi ối ăm kuăn pơlê ki tro tơdjâk xua kong mê khía mơhot têa kân lân lu.

VOV.Xơ Đăng - Kăn pơkuâ hnê ngăn Đảng pơkâ thế mâu tíu pêi cheăng pơtối tơrŭm krá tơniăn, séa ngăn nhên vâ ‘mêng pro tơrêm tơdroăng cheăng, hbrâ rơnáu krâu ăm rôh kĭ tơkêa Hneăng hôp Đảng.