VOV.Xơ Đăng - Hâi lơ 5/3, a cheăm Ea Drăng, Khu pơkuâ cheăng Vi ƀan Măt trâ̆n tơnêi têa Việt Nam kong pơlê Dak Lak tơkŭm po hôp tơdrêng trâm mâ kuăn pơlê ƀă mâu ngế lo tơbriât bro kăn Kuô̆k hô̆i hneăng 16 (Tíu tâ phĭu kơxô̆ 4) ƀă mâu kăn Hô̆i đong kuăn pơlê dêi kong pơlê hneăng 11, hneăng hơnăm 2026-2032 (Tíu tâ phĭu kơxô̆ 22). Hôp châ pơtối mơ’no tơdrêng troh mâu cheăm Ea Khăl, Ea H’leo ƀă Ea Hiao.

VOV.Xơ Đăng - Kơxê lơ 5/3, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng trâm mâ 20 ngế kăn teăng mâ, ngế ki teăng mâ dêi Khu tơrŭm châu Âu ƀă mâu kong têa tơrŭm cheăng EU a Hà Nội drêng apoăng hơnăm nếo Bính Ngọ.

VOV.Xơ Đăng - Kơxê lơ 5/3, a Hà Nội, Khu xiâm tơpui kâ tơrŭm ƀă Vi ƀan hnê ngăn kong pơlê Gia Lai tơkŭm po hôp tơbleăng lâp plâi tơnêi tối ‘na tơdroăng Hơnăm Ôm hyô tơnêi têa – Gia Lai 2026.

VOV.Xơ Đăng - Hâi lơ 5/3, a Lữ đoàn Đặc công Nước 5 (bêng Đông Hải, kong pơlê Khánh Hòa), kơpong tâ phĭu kơxô̆ 4 hiăng tơkŭm po rôh tâ phĭu pôk kăn Kuô̆k hô̆i hneăng XVI ƀă kăn Hô̆i đong hnê ngăn kuăn pơlê rêm râ pơla hơnăm 2026 – 2031, ƀă mâu kuăn pơlê cho kăn ƀô̆, mố đô̆i ối tung Ƀinh chủng Đặc công, hbrâ rơnáu vâ lăm pêi pro dêi tơdroăng cheăng a mâu chuăn rơlố têa kơxĭ.

VOV.Xơ Đăng - Pôa Trần Quang Phương, Phŏ Kăn xiâm hnê ngăn Kuô̆k hô̆i rơtế khu râ kăn pêi cheăng nếo pêi cheăng a cheăm Nhơn Ái, pơlê kong kân Cần Thơ ‘na tơdroăng hbrâ tâ phĭu rah xo kăn teăng mâ Kuô̆k hô̆i hneăng má XVI ƀă kăn teăng mâ Hô̆i đong kuăn pơlê mâu râ.

VOV.Xơ Đăng - Kơxo hâi lơ 5/3, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ hôp rôh má 24 dêi khu hnê mơhno Tơnêi têa mâu tơmeăm khoăng, tơdroăng tơkêa bro ki kal tơnêi têa, ki xiâm dêi kơvâ troăng prôk rơxế kơtâu.

VOV.Xơ Đăng - Mâu kơ koan, tíu pêi cheăng khu râ pơkuâ cheăng dêi kong pơlê Dak Lak dế kơhnâ, hbrâ  tơdroăng tâ phĭu rĕng tâ a 11 kơpong ăm mâu lêng ki tơplâ a hâi lơ 14/3, rĕng tâ 1 hâi tâng vâ pơchông ƀă hâi tâ phĭu tung lâp tơnêi têa.

VOV.Xơ Đăng - Mâu khu lăm séa ngăn dêi Khu xiâm Kal kí, Khu kăn hnê ngăn dế tơbleăng tơdroăng séa ngăn hơnăm 2026 a Khánh Hòa ƀă Gia Lai, tơkŭm a tơdroăng pêi pro tiô Pơkâ hneăng hôp 14 dêi Đảng ƀă tơdroăng hbrâ tâ phĭu rah xo kăn Kuô̆k hô̆i hneăng 16, Hô̆i đong kuăn pơlê rêm râ hneăng hơnăm 2026-2031.

VOV.Xơ Đăng - Klêi kơ’nâi rôh pơtê Têt Lo hơnăm nếo, mâu khu mơdró kâ ki tê roê tơmeăm pêi lo ing chiâk deăng a Dak Lak hiăng rĕng vêh pêt mâu tơmeăm, pêi pro klêi tơmeăm ki vâi kok roê vâ tê ngi kong têa ê ƀă tê tung tơnêi têa pin. Tơdroăng ki hơniâp ro pêi cheăng thâ a mâu hngêi kơmăi uâ mơdiê, hnôu ‘măn mâu tơmeăm ƀă kơpong pêt tơmeăm ăm hlo ki hbrâ rơnáu ‘nâi nhên kơchơ mơdró, tơmiât troh môi hơnăm thăm mơnhông tơƀrê.

VOV.Xơ Đăng - Kơxê lơ 4/3, a bêng Nha Trang, kong pơlê Khánh Hòa, pôa Nguyễn Khắc Định, Phŏ kăn xiâm hnê ngăn Kuô̆k hô̆i rơtế ƀă mâu ngế ki tơbriât vâ to pro kăn teăng mâ Kuô̆k hô̆i hneăng XVI trâm mâ kuăn pơlê.