VOV.Xơ Đăng - Kơxo lơ 9/3, Khu ki lăm ngăn, séa ngăn dêi Hô̆i đong Tâ phĭu tơnêi têa xua pôa Trần Sỹ Thanh, Ngế cheăng tung Khu xiâm kal kí, Kăn pơkuâ ngăn xiâm Đảng, Kăn hnê ngăn Vi ƀan Séa ngăn Tơnêi têa, Ngế cheăng tung Hô̆i đong Tâ phĭu tơnêi têa pro kăn pơkuâ djâ khu kăn kố hiăng lăm ngăn ki khât ƀă pêi cheăng ƀă Vi ƀan Tâ phĭu kong pơlê Dak Lak.

VOV.Xơ Đăng - Kơxo lơ 9/3, a Hà Nội, pôa Trần Thanh Mẫn, Kăn xiâm hnê ngăn Kuô̆k hô̆i, Kăn pơkuâ ngăn Đảng ủi Kuô̆k hô̆i, Ngế xiâm pơkuâ djâ khu kăn lăm ngăn, séa ngăn kơxô̆ 11 dêi Khu xiâm kal kí, Khu pơkuâ hnê ngăn Đảng pơkuâ po rôh pêi cheăng ƀă Khu pơkuâ ngăn Đảng ủi mâu kơ koan Đảng Tơnêi têa.

VOV.Xơ Đăng - Klêi kơ’nâi tơniăn tơ’mot chiâng môi vâ mơnhông, Dak Lak mot a hơnăm 2026 ƀă tơdroăng tơmiât pêi nếo: kong pơlê pêi chiâk deăng thâ dêi hnoăng cheăng kâ a têa kơxĭ. Ing mâu troăng kân ki xiâm Peăng mâ hâi Lo – Peăng mâ hâi Lu, môi tơdroăng cheăng kâ ‘’kong ngo – têa kơxĭ’’ dế mơjiâng, xut tah ki kơtăn pơla tơnêi tơníu ton vâ pơtối hnoăng cheăng ki nếo vâ mơnhông mơdêk krá tơniăn ăm tơnêi tíu xiâm Tây Nguyên.

VOV.Xơ Đăng - Hâi lơ 8/3, a 20 kơpong tâ phĭu a mâu rơlố ối tung Kơpong cheăng kâ Trường Sa, kong pơlê Khánh Hòa hiăng tơkŭm po tâ phĭu rah xo Kăn teăng mâ Kuô̆k hô̆i  hneăng má XVI ƀă kăn teăng mâ Hô̆i đong kuăn pơlê mâu râ hneăng hơnăm 2026 – 2031, rĕng tâ môi măng tĭng tâng pơchông ƀă hâi tâ phĭu tơdjuôm dêi lâp tơnêi têa.

VOV.Xơ Đăng - Pôa Nguyễn Thanh Nghị, Kăn cheăng tung Khu xiâm kal kí, Kăn pơkuâ tơdroăng cheăng Đảng tơnêi têa, Kăn pơkuâ Troăng hơlâ, troăng pêi cheăng ton xŏn Tơnêi têa châ Hô̆i đong tâ phĭu Tơnêi têa xing xoăng mâu kăn tơbriêt to pro kăn Kuô̆k hô̆i hneăng má XVI hneăng hơnăm 2026 a kong pơlê Dak Lak.

VOV.Xơ Đăng - Khu râ kăn mơnhên ngăn, séa ngăn kơxô̆ 10 dêi khu xiâm kal kí, Khu pơkuâ tơdroăng cheăng Đảng xua pôa Tô Lâm, Kăn xiâm pơkuâ hnê ngăn Đảng Pơkuâ djâ khu râ kăn nếo tơkŭm po hneăng hôp tơbleăng pơkâ mơnhên ngăn, séa ngăn hơnăm 2026 ƀă Khu pơkuâ tơdroăng cheăng Đảng pơlê kong kân Hà Nội.

VOV.Xơ Đăng - Kơxê hâi lơ 8/3, pôa Phạm Minh Chính Ngế pro xiâm hnê ngăn tơnêi têa pêi cheăng ƀă kong pơlê Điện Biên  ‘na tơdroăng cheăng pêi mơnhông cheăng kâ - pơlê pơla a kong pơlê.

VOV.Xơ Đăng - Hâi lơ 8/3, Khu pêi tơdroăng cheăng dêi Vi ƀan tâ phĭu kong pơlê Dak Lak hiăng séa ngăn ki khât ƀă séa ngăn tơdroăng hbrâ hâi tâ phĭu la ngiâ.

VOV.Xơ Đăng - Drêng hlo ai păng ‘nâng dâng hrĭng rơpâu tơdroăng tơkêa bro a kong pơlê Lâm Đồng pêi lối hrá, kreăng tơvâ ton hơnăm, thăm nếo pơkâ pêi pro pơrá phá dêi pó, pơhlêh troăng pơkâ ƀă hnoăng ki vâ séa mơnhên, tơleăng ngăn, kơxô̆ liăn ngân ki mơ’no  hên dế tro kreăng a hlá mơ-éa. Klêi kơ’nâi ai pơkâ kal athế mơdêk hnoăng cheăng pêi, pêi lo liăn hên, kong pơlê rơtế ƀă mâu khu râ, kơvâ cheăng dêi Tíu xiâm tơnêi têa dế tơkŭm tơleăng mơnhên, tah lôi rơdêi khât tơdroăng ki ối kreăng tơvâ mê, tro tiô luât pơkâ, tơdrêng amê, hnối pêi pro tro tiô túa cheăng ki hdrối ki ‘nâi, rak vế tơniăn ƀă vâ môi tiah dêi pó ‘na hnoăng cheăng pơkâ, ing mê, veăng mơjiâng ivá cheăng ki mơnhông krá tơniăn.

.VOV.Xơ Đăng - Kơxê hâi lơ 5/3, a Hà Nội, pôa Tô Lâmm Kăn xiâm pơkuâ hnê ngăn Đảng hiăng ai rôh pêi cheăng ƀă Vi ƀan Séa ngăn Tíu xiâm ‘na tơdroăng hiăng pêi pro tro tiô tơdroăng veăng mơjiâng, pê klêi luât pơkâ ăm hbrâ Hôp roh má péa Khu kăn Xiâm Đảng hneăng 14.