VOV.Xơ Đăng - Kơxo hâi lơ 7/5, Hngêi trung Đại học Tây Nguyên tơrŭm ƀă Khu ngăn Kơno tuk - Têa kơxĭ kong pơlê Dak Lak tơkŭm po tăng cheăng pêi, tơbleăng rơpâu tơdroăng cheăng rôh ki tơ’lêi ăm mâu sinh viên kơpong Tơdế tơnêi têa - Tây Nguyên, malối ‘na kơvâ cheăng logistic.

VOV.Xơ Đăng - Tung pơla kong tô mơdrăng khăng khoăng ó a Tây Nguyên, tơdroăng ki tơbriât dêi rơpó chiâ têa klôh tăng têa mŏng, rế hía rế hên kô ôh tá mơhúa. Sap ing ƀăng tơnêi kơphế ki nếo pêt a Lâm Đồng troh mâu ƀăng klâng mơdâ pêt báu a Dak Lak, kuăn pơlê pơtối chiâ têa klôh trâu tâ, la xuân ôh tá ai têa, mơhrê liăn tê kơtê. Ki khât kố ôh tá xê tối to ‘na tơdroăng tơkôm rế hía rế hên tung mâu têa mŏng dế ôh tá ai xếo, mê ối tối ‘na mâu tơdroăng tơdjâk ‘mêi troh kong prâi, tơnêi tơníu.

VOV.Xơ Đăng - Drêng ai tơdroăng hên tơdroăng tơkêa bro hngêi trung phôh thong hdroâng kuăn ngo ai tíu kâ koi ối pơtê tơdjêp râ a kơpong tơkăng kong hrá mơjiâng pro klêi, Vi ƀan kong pơlê Gia Lai môi tuăn troăng hlâ mơhnhôk mâu tíu cheăng khu lêng tŏng gum mơngế pêi cheăng mơjiâng pro vâ rĕng kêi đeăng tiô pơkâ.

VOV.Xơ Đăng - Kơxo lơ 6/5, Khu pơkuâ Tĭnh ŭy Dak Lak hôp tơpui ‘na pêi pro pơkâ tơtêk cheăng kâ péa kơxô̆ hneăng hơnăm 2026 – 2030, tơkŭm kêi đeăng chêh bro tơtêk cheăng kâ, tah lôi tíu kreăng mơ’no liăn cheăng tơnêi têa, pro mơ-éa rêh ối cheăng kâ ƀă tơnêi têa ƀă tăng ƀăng tơnêi.

VOV.Xơ Đăng - Hâi lơ 6/5, a pơlê kong xiâm New Delhi, klêi kơ’nâi Leh tơdah râ Tơnêi têa châ tơkŭm po kân krip tiô tơdroăng po kân má môi ăm kăn xiâm tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơpui tơno ƀă pôa Narendra Modi, Ngế pro xiâm hnê ngăn tơnêi têa.

VOV.Xơ Đăng - Tung rôh pôu râ tơnêi têa dêi pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa a Ấn Độ, pôa Nguyễn Duy Ngọc, Ngế cheăng tung Khu xiâm kal kí, Kăn pơkuâ hnê ngăn xiâm Đảng, Ngế xiâm pơkuâ djâ Khu tơrŭm Tơnêi têa hiăng troh pôu ƀă pêi cheăng ƀă Kơ koan pơkuâ ngăn kơmăi ki chêh ‘măn tơdroăng kal tơnêi têa kơxô̆ Aadhaar dêi Ấn Độ.

VOV.Xơ Đăng - Hâi lơ 6/5, bêng Ea Kao, kong pơlê Dak Lak tơbleăng Rôh mơhnhôk ‘Cheăng kơphô̆, cheăng pơlê, tơnêi mêa xuân pleăng” ƀă tơdroăng “Kơdĭng Búa liềm vàng”,, vâ pro châ tơdroăng môi tuăn tung Kuăn pơlê, lêi tah tơdroăng pá ‘na xo tơnêi, mơhnhôk veăng tơlo liăn mơjiâng pro troăng prôk.

VOV.Xơ Đăng - A Tíu pêi cheăng Chin phuh, pôa Hồ Quốc Dũng, Phŏ Ngế pro xiâm hnê ngăn Chin phuh pơkuâ po rôh hôp ƀă mâu Khu xiâm, kơvâ cheăng, kong pơlê ‘na tơdroăng ki pêi pro Pơkâ kơxô̆ 05 dêi Ngế pro xiâm hnê ngăn Chin phuh ‘na rĕng tơkŭm mâu kơxô̆ liăn mơdêk rĕng tơdroăng ki vê chêh pro lơgât tơnêi; chêh inâi tơnêi; chêh hô sơ tơnêi ƀă mơjiâng tíu ki chêh ‘măn rak tung kơmăi dêi tơnêi têa ‘na tơnêi.

VOV.Xơ Đăng - Hâi lơ 5/5, tăng ngăn tơnêi tíu pêi pro tơdroăng tơkêa bro ki kal a Kơpong pêi cheăng kâ peăng Hdroh Phú Yên, pôa Lương Nguyễn Minh Triết, Kăn pơkuâ hnê ngăn Đảng kong pơlê Dak Lak ƀă pôa Đỗ Hữu Huy, Kăn hnê ngăn Vi ƀan Kuăn pơlê dêi kong pơlê pơkâ thế tơbleăng pêi rĕng ôh tá pơtê “60 hâi măng’’, mơ-eăm pê klêi dâng 95% gu tơbăng tơnêi pêi chiâk, tơniăn vâ pêi pro tơmeăm khoăng a pôăng khế 9.

VOV.Xơ Đăng - Hâi lơ 5/5, tung rôh lăm pôu râ Kăn xiâm troh kong têa Ấn Độ dêi pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơdah pôa Ajit Kumar Doval, Ngế pêi hnoăng cheăng kring tơniăn kong têa Ấn Độ.