VOV.Xơ Đăng - Hâi lơ 11/3, pôa Lương Nguyễn Minh Triết, Kăn pơkuâ hnê ngăn cheăng Đảng kong pơlê Dak Lak hiăng séa ngăn tơdroăng pro mâu tơmeăm, tơdroăng tơkêa bro ki xiâm tung kong pơlê, tối rơdêi pơkâ tah lôi tíu kreăng vâ mơjiâng ivá ăm pơkâ tơtêk cheăng kâ péa kơxô̆ dêi kong pơlê tung hneăng cheăng.

VOV.Xơ Đăng - Kơxê lơ 11/3, pôa Lương Nguyễn Minh Triết, Kăn pơkuâ hnê ngăn cheăng Đảng kong pơlê Dak Lak hiăng séa ngăn tơdroăng hbrâ a mâu kơpong tâ phĭu rah xo kăn teăng mâ Kuô̆k hô̆i hneăng má XVI ƀă kăn teăng mâ Hô̆i đong kuăn pơlê hneăng hơnăm 2026 – 2031.

VOV.Xơ Đăng - Kơxê lơ 11/3, a Tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn pơkuâ Khu hnê mơhno pơkuâ roh hôp pái khế apoăng hơnăm hnê mơhno má môi Khu hnê mơhno Tơnêi têa ‘na kêi đeăng tơdroăng pơkâ ƀă Luât.

VOV.Xơ Đăng - Hâi lơ 11/3, a kong pơlê Ninh Bình, Khu ki lăm, séa ngăn tíu a kơxô̆ 12 dêi Khu xiâm pơkuâ cheăng kal kí, Khu pơkuâ ngăn Đảng xua pôa Trần Cẩm Tú, Kăn pơkuâ ngăn Đảng pro kăn pơkuâ djâ khu kăn kố hiăng ai rôh pêi cheăng ƀă Khu pơkuâ ngăn Đảng ủi Kuân đoân 12.

VOV.Xơ Đăng - Cheăng rak vế tơniăn ăm rôh tâ phĭu pôk kăn Kuô̆k hô̆i hneăng XVI ƀă kăn Hô̆i đong hnê ngăn kuăn pơlê rêm râ pơla hơnăm 2026-2031 a Dak Lak dế châ tơbleăng pêi tơdâng tơ’mô, kơtăng, vâ rêm kơtâ phĭu dêi kuăn pơlê châ pêi pro tung tíu ki tơniăn ƀă tro luât.

VOV.Xơ Đăng - Hâi lơ 11/3, pôa Tô Lâm, kăn xiâm pơkuâ hnê ngăn cheăng Đảng veăng ai mâ a Leh tơbâ 75 hơnăm hâi hlá tơbeăng Nhân dân kơxô̆ chêh mơ’no ki apoăng (11/03/1951-11/03/2026), ƀă pơkuâ po rôh pêi cheăng ƀă Hlá tơbeăng Nhân dân.

VOV4.Xơ Đăng - Tung mâu hâi ki kố, ƀă kuăn pơlê tung lâp kong pơlê Lâm Đồng, kuăn pơlê hdroâng kuăn ngo a kơpong peăng Mâ hai Lo kong pơlê dế tơvâ hên tơdroăng pêi pro, hâk ro hdrối vâ troh hâi tâ phĭu pôk khu kăn xiâm. Ing cheăm Bắc Bình troh a cheăm Tuy Phong (dêi kong pơlê Bình Thuận hdrối nah)- tíu ki ai hên hdroâng kuăn ngo Chăm, Raglai, tơdroăng hbrâ vâ troh hâi leh kân dêi tơnêi têa dế tơbleăng troh lâp lu mâu thôn pơlê.

VOV.Xơ Đăng - Kơxo hâi lơ 11/3, a Tíu pêi cheăng Chin phuh, pôa Phạm Minh Chính Ngế pro xiâm hnê ngăn tơnêi têa pơkuâ Hôp mơ’no tơdrêng ‘na tơdroăng mơnhông cheăng kâ tơdjâk troh mâu hơnăm hiăng krâ ƀă luât pơkâ tŏng gum, troăng hơlâ pêi pro dêi Việt Nam.

VOV.Xơ Đăng - Tơdrêng ƀă lâp tơnêi têa, Lâm Đồng dế hbrâ pê klêi mâu pơkâ hbrâ, tơniăn ăm rôh tâ phĭu rah xo kăn Kuô̆k hô̆i hneăng 16 ƀă mâu kăn Hô̆i đong kuăn pơlê rêm râ hneăng 2026-2031 po tơniăn, tro pơkâ, cho hâi leh dêi tâi tâng kuăn pơlê.

VOV.Xơ Đăng - Kơxê măng hâi lơ 10/3, a tíu pêi cheăng Chin phuh, pôa Phạm Minh Chính Ngế pro xiâm hnê ngăn Chin phuh pơkuâ hôp ƀă Tôh pêi cheăng tơniăn ‘na on tơhrik, tơpui mâu troăng hơlâ vâ tơniăn xiâm on tơhrik, tơniăn yă têa châu.