VOV.Xơ Đăng - Ƀă tơdroăng pơkâ pêi hơnăm 2029 kô klêi ƀă ăm xúa troăng kân ăm rơxế kơtâu têi Quy Nhơn – Pleiku, nôkố kong pơlê Gia Lai dế mơ-eăm xo tơnêi vâ gu pro tơbăng, hlối tơbleăng pro kơtăng mâu troăng klôh, kông a mâu troăng prôk. Ƀă tuăn mơno “tơkâ kong tô, luâ kong mêi”, kong pơlê dế khŏm mơ-eăm mơdêk rĕng tơdroăng ki pro la xuân ối rak tơniăn ki lĕm dêi troăng prôk ƀă tơniăn tơdroăng rêh kâ ối ăm kuăn pơlê kơpong pro tơdroăng tơkêa mê.

VOV.Xơ Đăng - A Hà Nội, Ƀơrô cheăng Kăn xiâm hnê ngăn tơnêi têa tơkŭm po hôp tơbleăng Pơkâ dêi Kăn xiâm hnê ngăn tơnêi têa ‘na 9 Luât hiăng châ Hneăng hôp má Môi, Kuô̆k hô̆i XVI tơbleăng.

VOV.Xơ Đăng - Khu pêi dêi hnoăng cheăng dêi Tơdroăng Mơjiâng Khu lâp kong têa (UNDP) ƀă Khu Pơkuâ rak ngăn Tơnêi têa mâu tơdroăng tơkêa bro hno têa (CPO) ai rôh pêi cheăng ƀă Vi ƀan hnê ngăn kong pơlê Dak Lak vâ lêi tah mâu tơdroăng ki ối tơvâ tơvân tung tơbleăng pro mâu tơdroăng tơkêa hmâ ƀă kong prâi pơhlêh.

VOV.Xơ Đăng - Kơxê lơ 13/5, Khu pơkuâ hnê ngăn Đảng ủi kong pơlê Dak Lak hôp Khu hnê mơhno mơ’no liăn mơjiâng hngêi trung hriâm ăm mâu cheăm tơkăng kong, pơkâ troăng pêi mơhnhôk khu cheăng tŏng gum hngêi trung vâ teăm tơdrêng djâ hngêi trung ăm hriâm tâp hơnăm hriâm nếo.

VOV.Xơ Đăng - Tung hơnăm kố, kuăn pơlê kô tơdah châ khăm ivá rêm hneăng tê kơtê xua liăn ngân tơnêi têa ăm liăn.

VOV.Xơ Đăng - Vi ƀan hnê ngăn kong pơlê Lâm Đồng hiăng pơkâ Túa ki ‘no liăn ngân pêi cheăng tơdjuôm hơnăm 2026, ki xiâm cho vâ mơ-eăm pêi pro ‘no liăn ngân ăm mâu túa pơkâ pêi ki châ pơcháu, vâ rak tơniăn thăm mơnhông “2 kơxô̆”.

VOV.Xơ Đăng - Hâi lơ 13/5, a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ roh pêi cheăng ƀă mâu khu xiâm, kơvâ cheăng, kơ koan ‘na tơkŭm po pêi cheăng, tơdroăng pêi dêi Khu hnê mơhno Tơnêi têa ‘na kêi đeăng troăng pơkâ pêi, luât ƀă Khu hnê mơhno Rơnêu nếo ‘na luât Tơnêi têa.

VOV.Xơ Đăng - Kăn hnê ngăn Tíu xiâm Đảng, Kăn hnê ngăn Đảng ủi Măt trâ̆n tơnêi têa, mâu khu grup Tíu xiâm, Kăn hnê ngăn Vi ƀan Tíu xiâm Măt trâ̆n tơnêi têa Việt Nam hneăng 10 - jâ Bùi Thị Minh Hoài, pơtối châ rah xo, hôp tơpui ‘na tơdroăng pơtối pro Kăn hnê ngăn Vi ƀan Tíu xiâm Măt trâ̆n tơnêi têa Việt Nam hneăng 11, hneăng 2026-2031.

VOV.Xơ Đăng - Kơxo hâi lơ 13/5, po tơbâ mâu lêng hlâ xua tơplâ a Gạc Ma (kong pơlê Khánh hòa, Khu kăn kơxô̆ 17 lăm pôu hlối pêi cheăng a mâu rơlố dêi Kơpong Trường Sa (kong pơlê Khánh Hòa) ƀă hngêi trá xŏn DK1 hiăng tơkŭm po leh chôu nhang tơbâ kơ 64 ngế kăn ƀô̆, mâu lêng tuk kuăn pơlê Việt Nam ki hiăng hlâ xua tơplâ tung rôh tơplâ Gạc Ma hâi lơ 14/3/1988.

VOV.Xơ Đăng - Kơxo lơ 13/5, pôa Trần Thanh Mẫn, Kăn xiâm hnê ngăn Kuô̆k hô̆i pơkuâ po rôh pêi cheăng ƀă Khu hnê mơhno dêi Kuô̆k hô̆i ‘na mơjiâng khoa hok, kong ngê̆, pơhlêh nếo tơmiât pêi rơkê, pơhlêh kơxô̆ tơnêi têa ƀă Khu hnê mơhno pơhlêh kơxô̆ dêi Kuô̆k hô̆i.