VOV.Xơ Đăng - A kong pơlê Gia Lai, Khu ngăn mố đô̆i hơnăm hiăng krâ Việt Nam nếo po rôh trâm mâ mâu ngế ki kơhnâ rơkê tung hriâm tâp ƀă pêi pro tiô tuăn tơmiât, tuăn mơno lĕm, túa rêh ối Hồ Chí Minh pơla 2016-2026. Tơdroăng kố cho vâ ô eăng mâu mố đô̆i hơnăm hiăng krâ djâ troăng ahdrối tung mơnhông cheăng kâ, gum kuăn pơlê kơdroh kơtiê, rak vế tơrŭm tơroâ pú hmâ ƀă tơdjâk ki lĕm dêi Mố đô̆i Pôa Hồ ƀă mâu tơdroăng cheăng pêi ki lĕm, ai pơxúa tung tơdroăng rêh ối rêm hâi.

VOV.Xơ Đăng - Cho kong pơlê pơkâ tơdroăng tơkêa tung la ngiâ dêi kơpong Tây Nguyên, kong pơlê Dak Lak ai tíu ối phá tơviah krê ki kal ‘na tơdroăng cheăng kal kí, pơlê pơla cheăm bêng ƀă hnoăng kring vế tơniăn. Kố xuân cho tíu ki mâu khu ‘mêi hmâ tí tăng tơdroăng vâ pêi pro tiô dêi tuăn tơmiât tơná ‘na hdrông kuăn ngo, tơdroăng tiô khôp vâ mơhnhôk, pro tơklâ hnoăng tơrŭm tâi tâng kuăn pơlê. Laga, ki păng ‘nâng, sap ing mâu pơlê cheăm nôkố ăm hlo, drêng tơdroăng rêh ối kuăn pơlê châ mơnhông, túa rêh kâ ối rế hía rế tơniăn mê thăm mơnhông tuăn loi kơ Đảng, Tơnêi têa châ ‘mâi mơnhông krá tơniăn, chiâng tơdroăng ki kal rak vế hnoăng cheăng kal kí sap ing pơlê cheăm.

VOV.Xơ Đăng - Hâi lơ 21/5, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ai rôh pêi cheăng dêi Khu hnê mơhno tíu xiâm ‘na mơnhông khoa hok kŏng ngê̆, hơ’lêh nếo hriăn plĕng ki nếo ƀă pơ’lêh kơxô̆.

VOV.Xơ Đăng - Hlo hên cheăm, bêng ƀă kơpong ai kơxô̆ liăn ‘no vâ pêi cheăng iâ, Vi ƀan kuăn pơlê kong pơlê Lâm Đồng pơkâ thế mâu cheăm ki mê mơdêk rĕng, mơ-eăm troh hâi lơ 30/6 kô châ xo 40% tung kơxô̆ liăn pơkâ xo.

VOV.Xơ Đăng - Kơxê lơ 20/5, a Tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa tơdah pôa Ri Sung Guk, Kăn teăng mâ pơkuâ tơdroăng Kŏng hòa Yân chuh Nhân yân Triều Tiên a Việt Nam.

VOV.Xơ Đăng - Hâi lơ 20/5, Khu hnê mơhno má môi Tĭnh ủi Dak Lak tơkŭm po Hôp tơno tơdroăng kal hlê plĕng pêi pro mâu mơ-éa dêi Tơnêi têa ƀă dêi Tĭnh ủi ƀă troăng pêi cheăng tơdrêng tơrŭm mơ’no tơdrêng tung um tiô troăng hyôh măng troh khu kăn ƀô̆ ki xiâm mâu râ.

VOV.Xơ Đăng - Kơxê lơ 20/5, a Tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ roh pêi cheăng ƀă Đảng ủi Khu xiâm khăm pơlât ƀă ngăn pơkeăng ‘na tơdroăng pơlât tơdroăng châi xúa pơkeăng rêi nhâ hlá loăng vâi krâ nah Việt Nam.

VOV.Xơ Đăng - A pơkâ kơxô̆ 2216 hâi 19/5/2026, Vi ƀan hnê ngăn kong pơlê Lâm Đồng kĭ pơkâ tơdroăng cheăng pơkâ tơdjuôm, cheăm Đức Trọng châ pơkâ pêi chiâng tíu pêi cheăng chêh pro mơéa – cheăng kal kí nếo dêi kong pơlê.

VOV.Xơ Đăng - A Khu xiâm pơkuâ ngăn Kuân khu 5, Trung tươ̆ng Lê Ngọc Hải, Kăn pơkuâ Kuân khu 5 pơkuâ po rôh hôp tơmâng mâu kơ koan tối tơbleăng klêi kơ’nâi séa ngăn tơdroăng púi rơhêng vâ châ tŏng gum ƀă tơdroăng pơkâ mơjiâng pro hngêi trung hriâm ai tíu kâ koi ối pơtê péa râ râ má môi ƀă râ má péa a mâu cheăm tơkăng kong a tơnêi ‘lâng tung kơpong Peăng tơdế tơnêi têa – Tây Nguyên.

VOV.Xơ Đăng - Kơxo lơ 20/5, a Tíu pêi cheăng xiâm Đảng, Pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkuâ po rôh pêi cheăng ƀă mâu kơ koan ki ai tơdjâk troh vâ mơnhên tối mâu kơxô̆ liăn xúa tung pơla mơjiâng Tơnêi têa tung la ngiâ.