VOV.Xơ Đăng –  Pêi cheăng ƀă Vi ƀan pơkuâ tơdroăng ki kuăn pơlê vâ ƀă Séa ngăn a kơxê lơ 25/5, pôa Trần Thanh Mẫn, Kăn xiâm hnê ngăn Kuô̆k hô̆i tối rơdêi, mơngế ki tâ phĭu ƀă Kuăn pơlê lâp tơnêi têa dế pơkâ tơdroăng pói vâ kân ƀă Kuô̆k hô̆i hneăng kố, mê cho ôh tá xê to tơmâng mê thế tiô troh tá tui lui mâu tơdroăng; ôh tá xê to séa ngăn mê thế mơjiâng pơhlêh; ôh tá xê tơkŭm tâi tâng rơkong tơpui pâ thế, mê thế rĕng châ hlo tơdroăng, troăng hơlâ, tơbleăng ki ôh tá tơniăn pơkuâ ƀă mơdêk pôu râng hnoăng cheăng dêi mâu kơ koan ai hnoăng.

VOV.Xơ Đăng - Kơxê hâi lơ 25/5, a tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa pơkuâ rôh hôp pêi cheăng ƀă Vi ƀan kuăn pơlê dêi Pơlê kong kân Hà Nội ƀă mâu khu xiâm, kơvâ cheăng ‘na pro hên hngêi ối ăm mung tung pơlê kong xiâm.

VOV.Xơ Đăng - Kơxê hâi lơ 25/5, Khu rak ngăn Kơpong cheăng kâ Nam Phú Yên (kong pơlê Dak Lak) tơkŭm po trâm mâ, tơpui tơno ƀă khu ‘no liăn mơ jiâng pro tơmeăm khoăng, khu mơdró rôh má môi hơnăm 2026.

VOV.Xơ Đăng - Hâi lơ 25/5, Vi ƀan kuăn pơlê dêi kong pơlê Lâm Đồng tơkŭm po Hôp mơgêi 5 hơnăm pêi pro tiô tơdroăng Tơkêa bro mơdêk tơbrê tơdroăng tối ăm ‘nâi mâu tơdroăng a cheăm bêng ngăn tiô tơdroăng xúa ứng dụng kŏng ngê̆ thŏng tin tiô Hlá mơ-éa pơkâ 135 hơnăm 2020 dêi Ngế pro xiâm hnê ngăn Chin phuh.

VOV.Xơ Đăng - Kơxê lơ 25/5, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hiăng pơkuâ tơdroăng hôp ƀă Khu hnê mơhno má môi Viƀan Khoa hok, Kŏng ngê̆ ƀă Kong prâi dêi Kuô̆k hô̆i.

VOV.Xơ Đăng - Mơnhên rơnó mê têa kân hơnăm 2026 mơni kô lân lu pơtối ôh tá tơniăn, Vi ƀan hnê ngăn kong pơlê Lâm Đồng dế tơbleăng tơdâng tơ’mô hên troăng hơlâ pêi pro vâ hbrâ ví ƀă kong mê khía mơhot têa kân lân lu pro.

VOV.Xơ Đăng - Khu ngăn ‘na Khoa hok ƀă Kong ngê̆ kong pơlê Dak Lak tơkŭm po lâm hriâm ‘na pơkuâ ngăn tơdroăng cheăng Khoa hok ƀă Kong ngê̆ hơnăm 2026 ăm mâu kăn ƀô̆, kong chưk sap ing kong pơlê troh râ cheăm, bêng.

VOV.Xơ Đăng - Kơxo lơ 25/5, a Hà Nội, châ tơdroăng pơkâ thế dêi Ngế pro xiâm hnê ngăn Chin phuh, jâ Phạm Thị Thanh Trà, Phŏ Ngế pro xiâm hnê ngăn tơnêi têa hiăng diâp pơkâ tơdah xo, pôk tơ’nôm pôa Nguyễn Huy Dũng pro Phŏ Ngế xiâm Ngăn Túa lĕm tro, Tơ’noăng ivá ƀă Ôm hyô.

VOV.Xơ Đăng - Kơxo lơ 25/5/2026, a Tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa, Ngế xiâm Khu hnê mơhno Tơnêi têa ‘na mơjiâng khoa hok, kong ngê̆, pơhlêh nếo tơmiât pêi rơkê ƀă pơhlêh kơxô̆ pơkuâ po rôh pêi cheăng dêi Khu pơkuâ Hnê mơhno vâ ăm troăng hơlâ ‘na cheăng hriăn ngăn khoa hok.

VOV.Xơ Đăng - Klêi kơ’nâi vâ chê môi hơnăm pêi hnoăng cheăng hnê ngăn kuăn pơlê péa râ, hên mâu cheăm, bêng a kong pơlê Khánh Hoà dế trâm pá hên ‘nâng ‘na mơngế cheăng, ‘na liăn ngân mơhá mơngế cheăng ƀă hnoăng cheăng pơhlêh kơxô̆ tiô chal nếo. A roh hop tơpui tơno pơla Khu kăn pơkuâ hnê ngăn Đảng ủi kong pơlê Khánh Hoà ƀă mâu kăn ƀô̆, mơngế pơkuâ, mơgế cheăng a râ cheăm pơla hdrối kố nah ăm hlo, tơdroăng pơkâ thế pêi pro tơdrêng athế rĕng lêi tah lôi mâu tơdroăng ki tơvâ tơvân thăm mơdêk ki tơƀrê tung hnoăng cheăng dêi khu kăn hnê ngăn a cheăm bêng.