VOV.Xơ Đăng - Pơla hơnăm 2025–2027, kong pơlê Lâm Đồng tơbleăng pro 5 toăng hngêi trung hriâm ai tíu kâ koi, ối pơtê a mâu cheăm tơkăng kong a tơnêi ‘lâng Dak Wil, Thuận An, Thuận Hạnh, Tuy Đức ƀă Quảng Trực tiô troăng hơlâ dêi Khu xiâm cheăng kal kí. Tung mê, péa to hngêi trung pơxiâm pro a mơ’nui hơnăm 2025, tiô pơkâ kô pro klêi a khế 8 hơnăm kố hlối ăm xúa. Hlo ‘na ki xơpá tung pơla pro, ngế ki ‘no liăn pro, ngế ki xo pro rơtế ƀă kơvâ cheăng ai tơdjâk ƀă kong pơlê dế mơ-eăm vâ pro klêi, tơkŭm mơjiâng pro hâi măng vâ rĕng pro klêi tro tơdroăng hiăng tơhrâ.

VOV.Xơ Đăng –  Kơxê hâi lơ 2/6, a Tíu pêi cheăng Chin phuh phuh, pôa Lê Minh Hưng, Ngế pro xiâm hnê ngăn tơnêi têa pơkuâ rôh hôp ƀă kăn ƀô̆, kơvâ cheăng ƀă khu râ kăn pơkuâ Pơlê kong kân Hồ Chí Minh, Pơlê kong kân Đà Nẵng ‘na pêi pro mơjiâng, xúa ƀă mơjiâng Tíu xiâm pơkuâ liăn ngân lâp plâi tơnêi a Việt Nam.

VOV.Xơ Đăng - Kơxo lơ 2/6, a tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa, Ngế pơkuâ hnê mơhno pơkuâ rôh hôp Khu hnê mơhno Tíu xiâm ‘na mơgêi 1 hơnăm pêi cheăng tiô túa tơkŭm mơgêi tâi tâng tơdroăng cheăng kal kí ƀă túa pêi cheăng mâu kăn 3 râ.

VOV.Xơ Đăng - Hâi lơ 2/6, a Tíu pêi cheăng Chin phuh, pôa Phạm Gia Túc, Phŏ ngế pro xiâm hnê ngăn tơnêi têa, Kăn xiâm hnê ngăn Vi ƀan tơnêi têa APEC 2027 pơkuâ hôp rôh má pái dêi Vi ƀan, tơdjêp mơ’no tơdrêng troh a tíu hôp mơ’no tơdrêng Vi ban kuăn pơlê dêi kong pơlê An Giang.

VOV.Xơ Đăng - Hâi lơ 2/6, Kuân đoân 34 (Khu xiâm pơkuâ ngăn lêng) hiăng klêi tăng ngăn vâ mơhnhôk mâu kăn ƀô̆, mâu lêng veăng kum kong pơlê Gia Lai rĕng pro klêi mâu hngêi trung phôh thong hnê kuăn ngo ai tíu kâ koi pơtê ai 2 to râ mơhriâm a péa to cheăm tơkăng kong Ia O ƀă Ia Chía.

VOV.Xơ Đăng - Klêi kơ’nâi ‘mâi rơnêu khu pêi cheăng tơrŭm, mê kong pơlê Lâm Đồng dế tơ’lêi vâ po rơdâ tơnêi tíu, kơpong ki vâ mơnhông ai hên kế tơmeăm, tơ’lêi vâ mơnhông ‘na pêi chiâk pêi deăng, xúa kŏng ngê̆ ki rơkê chal nếo mơdêk kơvâ ôm hyô, thăm mơjiâng hên hyôh on tơhrik bă tơdroăng tơnăng ká xixŏng, tê mơdró kâ ing têa kơxĭ. Méluâ ti mê, vâ tơnăng ká xixŏng châ tơƀrê ƀă châ pêi lo hên kế tơmeăm, kong pơlê pơkal athế ai ivá cheăng ki nếo, túa cheăng ki pơhlêh nếo ƀă tuăn tơmiât mơnhông tơtro khât ƀă hnoăng xúa kơxô̆, pêi lo hên liăn ngân, kế tơmeăm.

VOV.Xơ Đăng - Vi ƀan kong pơlê Dak Lak tơrŭm ƀă Kơ koan xiâm pơtâng tối Hyôh kong prâi ƀă Tơdroăng mơnhông mơdêk Khu lâp kong têa tơkŭm po tơmâng xo rơkong tơpui ƀă pơkâ pêi Tơdroăng tơkêa bro hbrâ mơdât tro lŭp ƀă ƀă lŭp xua kong prâi hơ’lêh.

VOV.Xơ Đăng - Kơxo lơ 2/6, pôa Hồ Quốc Dũng, Phŏ Ngế pro xiâm hnê ngăn tơnêi têa pơkuâ tơdroăng hôp mơ’no tơdrêng tung um tiô troăng hyôh măng ƀă 34 kong pơlê, pơlê kong kơdrâm mơgêi pơtân 1 khế pêi pro Mơ-éa tơbleăng kơxô̆ 38 dêi Ngế pro xiâm hnê ngăn Chin phuh ‘na tơplâ, mơdât ƀă pơxâu phak tơdroăng xôi hnoăng pơkuâ tuăn ngôa rơkê.

VOV.Xơ Đăng - Hên tơdroăng tơkêa bro ki kân hiăng châ ăm phep pêi pro a kong pơlê Khánh Hoà nếo achê pơla kố, tơdroăng ki mê ăm pin hlo, ivá ki tơ’mot khu mơdró kâ rế hía rế hên. Parŏng dêi mâu tơdroăng tơkêa bro châ lối rơpâu rơtal liăn cho tơdroăng ki kơdo mơ-eăm tung ‘mâi rơnêu pơhlêh túa cheăng, lêi tah lôi mâu tíu ki ối kreăng hên hơnăm, ing mê, mơjiâng hên ăm tơdroăng ki vâ pêi lo kế tơmeăm, pêi lo liăn ngân châ péa to kơxô̆.

VOV.Xơ Đăng - Klêi kơ’nâi môi hơnăm po rơdâ kơpong ki mơnhông “kong kế-têa kơxĭ”, Dak Lak dế khŏm kâi lêi tah lôi mâu tíu ki kreăng tung mơ’no liăn cheăng, thăm mơdêk po mâu tơdroăng tơkêa bro ôm hyô ki kal ƀă pơkâ troăng hơlâ ki pơtối pêt mơjiâng hên loăng nhâ ăm kơvâ ôm hyô ki mơhno tối krê dêi khôi túa, vêa vong. Ing mơnhông ôm hyô, pơtê pơto a kĭng têa kơxĭ troh a tơdroăng ki mơnhông ki kơnía git dêi khôi túa lĕm tro ‘na chêng koăng, kơphế ƀă ôm hyô pơlê pơla, mê kong pơlê kố dế chôa ‘lâng hvêa chêng prôk ki ai tŭm kế tơmeăm ki ó rơdêi vâ thăm mơdêk, ing mê, prôk troh a tơdroăng ki mơjiâng kơvâ ôm hyô chiâng kơvâ pêi cheăng kâ ki kal tung hneăng nếo.