VOV.Xơ Đăng - Kơxê hâi lơ 28/5, khu lăm séa ngăn kơ xô̆ 31 dêi Khu xiâm Kal kí xua pôa Nguyễn Văn Quảng, Kăn hnê ngăn Tíu xiâm Đảng, Kăn tơleăng xiâm Kuăn pơlê pơkuâ djâ hiăng pêi cheăng ƀă Khu kăn Đảng kong pơlê Lâm Đồng ‘na tơdroăng cheăng ka kí a kong pơlê.

VOV.Xơ Đăng -  Hâi lơ 28/5, a Hà Nội, pôa Trần Thanh Mẫn, Kăn xiâm hnê ngăn Kuô̆k hô̆i pơkuâ Hôp tơno tơdroăng kal Hô̆i đong kuăn pơlê lâp tơnêi têa pêi pro troăng pêi la ngiâ, hnoăng cheăng hneăng 2026 – 2031.

VOV.Xơ Đăng - Hâi lơ 28/5, a hngêi pêi cheăng Chin phuh, Ngế pro xiâm hnê ngăn kong têa Siam ƀă kơdrâi pôa hiăng pơkuâ leh tơdah pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa rơtế ƀă kơdrâi pôa ƀă mâu kăn xiâm dêi Việt Nam. Klêi leh tơdah, pôa Tô Lâm prế Ngế pro xiâm hnê ngăn kong têa Siam hiăng tơpui tơno.

VOV.Xơ Đăng - A bêng Quy Nhơn, kong pơlê Gia Lai, Khu xiâm ngăn hnê hriâm ƀă hnê tuăn ngôa rơkê tơrŭm ƀă Kăn teăng mâ Pơhlăng a Việt Nam tơkŭm po hneăng hôp tơpui ‘na Hnê nâl Pơhlăng hơnăm 2026.

VOV.Xơ Đăng - Hâi lơ 28/5, Khu pơkuâ cheăng Đảng kong pơlê Khánh Hòa tơkŭm po hôp tơbleăng mâu pơkâ ‘na tơdroăng kăn ƀô̆ ‘mâi mơnhông khu tơrŭm dêi mâu kăn, mơdêk pêi tơƀrê tung rak ngăn, pơkuâ sap kong pơlê troh cheăm bêng.

VOV.Xơ Đăng - A kơpong hdrông kuăn ngo ki iâ mơngế, kong pơlê Gia Lai dế ối mơ-eăm mơjiâng tơdroăng tơrŭm tung kuăn pơlê krá rơdêi sap ing cheăm bêng. Ƀă tơdroăng ki veăng tŏng gum tơdâng tơ’mô dêi khu pơkuâ cheăng kal kí, hên mâu túa tơmiât ôh tá tro, pro pơxúa ăm dêi tơná ing tơdroăng khôp, mơhnhôk pro tơklâ khu tơrŭm mâu hdrông kuăn ngo hiăng châ mơdât. Rak vế tơniăn lĕm ăm pơlê cheăm hâi kố ôh tá xê to hnoăng cheăng rak vế gâk kring tơniăn, mê ối cho rôh plâ mơdât krá tơniăn vâ rak vế tuăn loi dêi kuăn pơlê ƀă Đảng, ƀă Tơnêi têa.

VOV.Xơ Đăng - Pơtối tơdroăng lăm pôu păng ‘nâng Pơtáu kong têa Siam, a Pơlê xiâm Bangkok, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơdah pôa Thapana Sirivadhanabhakdi, Kăn pơkuâ Grup TCC, Kăn pơkuâ Grup pơkuâ ThaiBev (Siam).

VOV.Xơ Đăng - Hâi lơ 27/5, pôa Lê Tiến Châu, Phŏ Ngế pro xiâm hnê ngăn Chin phuh pơkuâ po rôh hôp ‘na tơdroăng séa ngăn tâi tâng mâu hlá mơ-éa luât.

VOV.Xơ Đăng - Hâi lơ 27/5, Khu xiâm ngăn tơdroăng pêi cheăng (Khu xiâm Tí tăng 'nâi plĕng Khu lêng Kuăn pơlê Việt Nam) pêi cheăng ƀă Vi ƀan hnê ngăn kong pơlê Dak Lak ‘na klêi kơ’nâi ‘mâi rơnêu mâu tơdroăng ki ối trâm, tá hâi pêi tro tiô pơkâ tung pêi pro hnoăng cheăng mơdât tơnăng ká xi xŏng ôh tá tro luât ôh tá tơbleăng ƀă ôh tá tiô pơkâ IUU tiô pơkâ thế dêi Vi ƀan châu Âu (EC).

VOV.Xơ Đăng -  Jâ Võ Thị Anh Xuân, Phŏ kăn xiâm hnê ngăn tơnêi têa tối nhên vâi hdrêng cho tung la ngiâ ah dêi tơnêi têa, ‘no mơnhông ăm vâi hdrêng cho ‘no mơnhông ăm tơdroăng xông tơbrê ton ta ah dêi tơnêi têa.