VOV.Xơ Đăng - Hnó pêi pro Khế Kŏng nhân hơnăm 2026, hâi lơ 7/6, a Gia Lai, Khu xiâm Khu Tơrŭm Droh rơtăm Việt Nam tơkŭm po Hâi tơkŭm xah hêi ro ‘’Droh rơtăm kŏng nhân – Troh lâp lu tơdroăng ki lĕm’’ ƀă hên tơdroăng ki pơxúa gum tơdroăng rêh ối mơngế pêi cheăng.

VOV.Xơ Đăng - Tiô rơkong krếo thế dêi pôa Lê Minh Hưng, Ngế pro xiâm hnê ngăn tơnêi têa, kơxê lơ 7/6, pôa Xỏn-xay Xi-phăn-đon, Ngế pro xiâm hnê ngăn kong têa Lếo pơkuâ djâ Khu râ kăn teăng mâ râ xiâm Chin phuh Lếo troh a Hà Nội, pơxiâm rôh lăm pôu pêi cheăng păng ‘nâng a Việt Nam.

VOV.Xơ Đăng - Kơxo lơ 8/6, pôa Lê Tiến Châu, Phŏ Ngế pro xiâm hnê ngăn tơnêi têa lăm troh a Tokyo, pơ xiâm lăm pôu Nhuk ƀă veăng Hôp tung la ngiâ châu Á rôh má 31.

VOV.Xơ Đăng - Pêi pro tiô troăng hơlâ dêi Đảng ƀă tơnêi têa ‘na xing xoăng pro rế lĕm, klêi tơ’mot thôn, tôh dân phô̆, kong pơlê Lâm Đồng pơkâ xăm dâng 50% kơxô̆ thôn, tôh dân phô̆ ki ai nôkố.

VOV.Xơ Đăng - A hneăng hôp tối môi tơdroăng kal xiâm pơla hdrối kố nah, Hô̆i đong hnê ngăn kong pơlê Dak Lak hiăng tối tơbleăng Tơdroăng pơkâ ki nhên châ ‘mâi rơnêu Hdró tơnêi tíu, kong kế dêi kong pơlê Dak Lak hneăng hơnăm 2021-2030, hnoăng cheăng pêi pro troh a hơnăm 2050. Kố châ ngăn cho troăng hơlâ ki kal kân má môi ki ton xŏn, krá kâk a la ngiâ ki kal ó păng’nâng, ôh tá xê to po rơdâ tơnêi tíu ki vâ mơnhông klêi kơ’nâi tơrŭm ƀă Phú Yên mê ối po mơjiâng túa cheăng ki vâ pêi lo kế tơmeăm, liăn ngân ki nếo, ing mê, mơdêk Dak Lak châ pơtối mơdêk dêi tơdroăng cheăng tơrŭm kơpong, tơ’mot hên khu mơdró kâ ƀă xông tơtêk a’ngêi tung hneăng ki nếo a la ngiâ.

VOV.Xơ Đăng - Kơ’nâi hôp pơla Khu xiâm mơjiâng pro ƀă mâu kăn hnê ngăn mâu kong pơlê Gia Lai, Dak Lak, Lâm Đồng ‘na troăng hơlâ ‘no liăn pro troăng kân kơtâu tơdrăng ing Pleiku - Buôn Ma Thuột - Gia Nghĩa, tơdroăng mơjiâng pro môi troăng kân tơdjêp Tây Nguyên dế tơ’mot hên ngế rơhêng tơmâng ing tơdroăng mâu kăn kong pơlê ƀă kuăn pơlê.

VOV.Xơ Đăng – Bú ối péa pâi hâi ‘nôi, lối 35.500 ngế hok tro kjong pơlê Dak Lak kô mot tơ’noăng mơgêi hriâm râ má pái phôh thông hơnăm 2026. Sap mâu lâp hriâm rơbot ƀai mơdek rĕng, hnê hriâm tơ’nôm tê kơ ê troh tơdroăng tăng ngăn mâu kơƀăng tăng, hriâm ăm mơngế ƀă pê klêi troăng hơlâ tơkŭm po tơ’noăng, tâi tâng kơvâ cheăng hnê hriâm dêi kong pơlê dế thâ pê klêi mâu tơdroăng ki hbrâ rôh mơ’nui, troăng hơlâ môi rôh tơ’noăng tơniăn, kơtăng ƀă pro hlâu má môi ăm hok tro.

VOV.Xơ Đăng - Sap ing hâi lơ 4 troh lơ 6/6, pôa Phạm Gia Túc, Phŏ Ngế pro xiâm hnê mơhno má môi Chin phuh pơkuâ djâ khu râ kăn teăng mâ Việt Nam lăm pôu pêi cheăng kong têa Rusi ƀă Hôp tơno Cheăng kâ Lâp plâi tơnêi Saint Petersburg roh má 29.

VOV.Xơ Đăng - Kơxê lơ 4/6, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ pêi cheăng ƀă Khu ngăn ‘na tơveăng gum, troăng hơlâ Tíu xiâm ƀă mâu kơ koan tơdjâk troh ‘na Tơdroăng tơkêa bro hơ’lêh nếo túa mơnhông tơnêi têa ngăn a khoa hok kŏng ngê̆, hơ’lêh nếo, hriăn plĕng ki nếo ƀă pơ’lêh kơxô̆.

VOV.Xơ Đăng - Hâi lơ 4/6, a tíu pêi cheăng Chin phuh, pôa Hồ Quốc Dũng Phŏ Ngế pro xiâm hnê ngăn tơnêi têa pơkuâ hôp rôh má môi dêi Tôh pêi cheăng dêi Chin phuh ‘na mơnhông kŏng ngê̆ troăng hơlâ pêi pro ƀă tơbleăng tơdroăng cheăng pêi mơnhông kŏng ngê̆ tiô troăng hơlâ hlá mơ-éa pơkâ dêi Ngế pro xiâm hnê ngăn Chin phuh ‘na pơcháu cheăng mơnhông kŏng ngê̆ troăng vâ pêi.