VOV.Xơ Đăng - Kơxo lơ 15/6, a Tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkuâ po rôh pêi cheăng ƀă kơvâ ngăn hnê hriâm ƀă hnê mơjiâng tuăn ngoâ rơkê rơtế ƀă mâu kơ koan ki ai tơdjâk troh ‘na tơdroăng cheăng hbrâ ăm hơnăm hriâm 2026 – 2027.

VOV.Xơ Đăng – A kĭng drô troăng prôk thôn pơlê hiăng hlo bâ eăng on séa, mâu kơnâng ki chúa hlá cơ khêi lơ mâu túa ki tơná pơkuâ ngăn dêi hyôh kong prâi dế mơnhông ngiâ méa thăm rế lĕm ro ăm hên pơlê cheăm a Dak Lak. Ing mâu tơdroăng cheăng pêi rêm hâi, achê tung rêh ối rêm hâi, mâu ngế pêi chiâk deăng ƀă kuăn pơlê dế tơveăng ‘no dêi ivá pro drêh lĕm ăm pơlê cheăm, pro mơnâ mâ ngăn ăm thôn pơlê, tơveăng gum mơjiâng mâu pơlê cheăm tơxâng rơhêng vâ troh pôu ngăn, troh rêh ối.

VOV.Xơ Đăng - Rơnó mêi têa kân lân lu pơxiâm laga hên tíu tơhnâp hiăng ai a mâu kơpong kuăn pơlê rêh ối ƀă troăng kân ki xiâm a Lâm Đồng.

VOV.Xơ Đăng - Klăng leh tơbâ 101 hơnăm Hâi Hlá tơbeăng Kăch măng Việt Nam, kơxê lơ 14/6, a Hngêi Kuô̆k hô̆i, pôa Lê Minh Hưng, Ngế pro xiâm hnê ngăn Chin phuh ƀă pôa Trần Thanh Mẫn, Kăn xiâm hnê ngăn Kuô̆k hô̆i rơtế pơkuâ trâm mâ kăn pơkuâ mâu kơ koan chêh hlá tơbeăng.

VOV.Xơ Đăng - Tung pơla tơrŭm pơla mâu kơpong, kong kế, tơnêi tíu rế hiá rế châ pêi pro ó rơdêi, mâu kong pơlê a Tây Nguyên ƀă kong tơbăng achê têa kơxĭ pa hdroh Tơdế Tơnêi têa dế po rơdâ tơrŭm cheăng, pêi mơjiâng ai pơxúa khât xua ing hnoăng tơveăng gum “kong kế ngiât ƀă têa kơxĭ drêh” vâ mơjiâng gok gâ mâu tơmeăm khoăng ăm kơvâ ôm hyô tơrŭm tơrôa pơla kơpong ki rơkê tơtro. Ing mâu hnoăng cheăng tơrŭm tíu ki vâ lăm troh, mơhnhôk tơdjâ veăng mơ’no liăn troh a tơdroăng mơjiâng mâu troăng prôk troh a tíu ôm hyô nếo, tơdroăng ki tơrŭm pơla kong kế ƀă têa kơxĭ, ti xê to chiâng ivá ki tơ’mot kơdrâm kơdrĕng kuăn mơngế, tơmối, mê ối po mơjiâng kơpong, tơnêi tíu ki vâ mơnhông tơtêk hên tâ nếo.

VOV.Xơ Đăng - Kơxê hâi lơ 11/10, a Hà Nội, Tíu pêi cheăng tăng ‘nâi plĕng, kum cheăng ăm Khu kăn xiâm tơkŭm po hôp tối mơgêi tâi tâng tơdroăng cheăng dêi Khu hnê mơhno ‘mâi pơ’lêh Luât Tíu xiâm sap mơjiâng troh nôkố ƀă khên kơdeăn mâu khu pú hên, mơngế ki ai hnoăng pêi cheăng kơhnâ rơkê tung tơdroăng ‘mâi hơ’lêh luât.

VOV.Xơ Đăng - Kơxê hâi lơ 11/6, Khu kăn Đảng kong pơlê Khánh Hòa tơkŭm po hôp tơbleăng mâu hlá mơ-éa chêh pơkâ tơdroăng ‘na kăn ƀô̆, pôa Tạ Hồng Quang pro Ngế cheăng tung khu kăn Đảng kong pơlê, Kăn hnê ngăn Đảng ủi, Kăn hnê ngăn Kuăn pơlê bêng Nha Trang châ rah xo, pro Ngế xiâm pơkuâ Khu pêi cheăng tăng ‘nâi plĕng, kum cheăng ăm Khu kăn Đảng kong pơlê Khánh Hòa.

VOV.Xơ Đăng – Dak Lak khŏm mơ-eăm châ mot tung top 15 kong pơlê, pơlê kong kân ‘na pơhlêh nếo, tơmiêt pêi rơkê.

VOV.Xơ Đăng – Kơxê hnah, lơ 11/6, a Hà Nội, pôa Lê Minh Hưng, Ngế pro xiâm hnê ngăn Chin phuh pêi cheăng ƀă Khu pơkuâ tơdroăng cheăng Đảng Pơlê kong kân Hà Nội ‘na tơdroăng pêi pro hnoăng cheăng mơnhông mơdêk cheăng kâ – rêh ối pơlê pơla, pơkâ tơtêk ‘’2 kơxô̆’’.

VOV.Xơ Đăng - Klêi môi hơnăm pêi pro tơdroăng “Hnê kuăn pơlê xúa kŏng ngê̆”, kong pơlê Lâm Đồng hiăng châ mơnhên hên tơdroăng ki châ tơƀrê tung mơdêk hlê plĕng ƀă tơdroăng ki xúa kŏng ngê̆ ăm kuăn pơlê, gum mơdêk pơhlêh xúa kŏng ngê̆ tâi tâng.