VOV.Xơ Đăng - Kơxê lơ 17/6, a Tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ rôh pêi cheăng ƀă Hnê mơhno má môi Khu hnê mơhno Mơgêi 100 hơnăm Đảng pơkuâ Kăch măng Việt Nam (1930 – 2030), mơnhên troăng prôk la ngiâ pơkuâ mơnhông Tơnêi têa tung 100 hơnăm pơtối (1930 – 2030) ƀă mơgêi 40 hơnăm pêi pro Cương lĩng mơjiâng Tơnêi têa tung rơxông to Chuh ngiah xah hô̆i.

VOV.Xơ Đăng - Tung rôh lăm pôu kong têa Rusi veăng hôp mâu Kăn xiâm drêng troh tơbâ 35 hơnăm ASEAN - Rusi, pôa Lê Minh Hưng Ngế pro xiâm hnê ngăn Chin phuh hiăng trâm pôa Rustam Minnikhanov, ngế pơkuâ Kŏng hoa Tatarstan a pơlê kong kân Kazan.

VOV.Xơ Đăng - Drêng troh tơbâ 101 hơnăm Hâi Hlá tơbeăng Kăch măng Việt Nam lơ 21/6, hên kơ koan, tíu pêi cheăng, khu mơdró hiăng troh lăm pôu ƀă rơkâu Rơ’jíu xiâm Việt Nam (VOV), tối nhoăm ƀă mâu hnoăng veăng ‘no dêi Rơ‘jíu tung tơdroăng cheăng tối tơdroăng nếo ai, hnê ƀă púi vâ pơtối mơdêk tơrŭm cheăng tung la ngiâ.

VOV.Xơ Đăng - Hâi lơ 17/6, pôa Lê Minh Tiến, Ngế pơkuâ ngăn Kơpong rak tơmeăm khoăng kong kế Ea Sô, kong pơlê Dak Lak ăm ‘nâi, nếo châ hlo mêm ƀă ro kong tung kơpong rak ngăn tơmeăm khoăng kong kế.

VOV.Xơ Đăng - Hneăng hôp Khu kăn vâi kơdrâi Lâp tơnêi têa rôh má XIV, pơla hơnăm 2026 – 2031 ing hâi lơ 17/6 troh 18/6/2026 a Hà Nội.

VOV.Xơ Đăng - Kơxo lơ 17/6, a Hngêi hôp Khu xiâm pơkuâ ngăn lêng po rôh hôp kân krip cho Rôh hôp khu kăn lâp tơnêi têa Khu ngăn mố đô̆i hơnăm hiăng krâ Việt Nam rôh má VIII hneăng hơnăm 2026 – 2031 ƀă inâi: Mơdêk túa ki lĕm “Mố đô̆i Pôa Hồ”, cho tơdroăng “Tơdrăng – Tơrŭm – Djâ troăng ahdrối – Pơhlêh nếo”; mơjiâng Khu ngăn Mố đô̆i hơnăm hiăng krâ Việt Nam krúa, rơdêi, pêi klêi hnoăng cheăng châ pơcháu.

VOV.Xơ Đăng - Hâi lơ 16/6, Vi ƀan kuăn pơlê kong pơlê Dak Lak tơkŭm po hôp chuyên đề mơdêk pêi tơƀrê tơdroăng ‘mâi hơlêh pêi cheăng pro hlá mơ-éa ‘no liăn pêi cheăng tê mơdró vâ pơxúa ăm tơdroăng mơnhông cheăng kâ - rêh ối hơnăm 2026.

VOV.Xơ Đăng - Hâi lơ 16/6, a Hngêi Kuô̆k hô̆i pôa Trần Thanh mẫn Kăn xiâm hnê ngăn Kuô̆k hô̆i  tơdah pôa Bodo Ramelow Phŏ kăn xiâm hnê ngăn Kuô̆k hô̆i  kong têa Alơmăng lăm pôu Việt Nam.

VOV.Xơ Đăng - Tơbâ 101 hơnăm Hâi hlá tơbeăng kăch măng Việt Nam (lơ 21/6), kơ xê hâi lơ 16/6 a tíu pêi cheăng Kăn xiâm hnê ngăn Tơnêi têa, pôa Tô Lâm Kăn xiâm pơkuâ hnê ngăn Đảng Kăn xiâm hnê ngăn tơnêi têa  hiăng ai rôh trâm mâ 101 ngế chêh hlá tơbeăng châ kâ Pri Hlá tơbeăng tơnêi têa ing mâu hơnăm rơtế ƀă mâu ngế chêh hlá tơbeăng hơnăm hiăng krâ.

VOV.Xơ Đăng –  Kơxê lơ 16/6, pôa Lê Minh Hưng, Ngế pro xiâm hnê ngăn tơnêi têa ƀă khu râ kăn teăng mâ râ kăn xiâm Việt Nam hiăng troh a tơraih tơƀai lâp plâi tơnêi Kazan a pơlê kong kân Kazan dêi kong têa Rusi, pơxiâm tơdroăng veăng Hôp tơno tơdroăng kal xiâm Râ kăn xiâm leh tơbâ 35 hơnăm tơrŭm cheăng ASEAN - Rusi ƀă mâu tơdroăng pêi cheăng pơla péa pâ tiô rơkong krếo thế dêi pôa Vladimir Putin, Kăn xiâm pơkuâ kong têa Rusi.