VOV.Xơ Đăng - Kơxo lơ 23/7, a Hà Nội, pôa Tô Lâm, Kăn xiâm pơkuâ hnê ngăn Đảng, Kăn pơkuâ tơdroăng cheăng Đảng Mô đô̆i Tơnêi têa troh lăm pôu ƀă pơkuâ roh pêi cheăng ƀă Kơ koan xiâm Kal kí Khu mô đô̆i kuăn pơlê Việt Nam.

VOV.Xơ Đăng - Drêng vâ chê troh tơbâ 78 hơnăm Hâi mố đô̆i rong râ - hlâ hía lơ 27/7, kơxo hâi lơ 23/7, pôa Lương Cường rơtế ƀă mâu kăn lăm pêi cheăng dêi Tíu xiâm hiăng troh lăm pôu, hbru tơmeăm ăm mâu lêng tro rong a Tíu pơlât ngăn mâu lêng mố đô̆i ki tro rong Duy Tiên (bêng Duy Tiên, kong pơlê Ninh Bình).

VOV.Xơ Đăng - Kơxo lơ 23/7, pôa Phạm Minh Chính, Ngế pro xiâm hnê ngăn Chin phuh pơkuâ Roh hôp Chin phuh chuyên đê mơjiâng luât khế 7 hơnăm 2025 vâ séa ngăn, tơpui tung 8 tơdroăng xiâm mơjiâng luât, mê cho 7 tơdroăng tơkêa bro luât ƀă pơkâ dêi Chin phuh ‘na tơdroăng mơjiâng luât hơnăm 2026.

VOV.Xơ Đăng - Klêi kơ’nâi lăm troh a Cộng hòa Senegal, pôa Trần Thanh Mẫn - Kăn xiâm hnê ngăn Kuô̆k hô̆i ƀă kơdrâi pôa ƀă mâu kăn xiâm tơnêi têa pin hiăng lăm pôu, tơpui tơno ƀă mâu kăn ƀô̆, mâu ngế pêi cheăng teăng mâ hlối trâm mơngế Việt Nam a Senegal.

VOV.Xơ Đăng -  Kơxo hnah, lơ 23/7, pôa Hồ Đức Phớc, Phŏ Ngế pro xiâm hnê ngăn Chin phuh, kăn teăng mâ Kuô̆k hô̆i kong pơlê Gia Lai veăng roh hôp trâm mâ kuăn pơlê bêng Quy Nhơn, tơbleăng tơdroăng châ tơƀrê Hneăng hôp má 9, Kuô̆k hô̆i hneăng má XV.

VOV.Xơ Đăng –  Klêi kơ’nâi lối 20 hâi păng ‘nâng pêi cheăng khu râ kăn pơkuâ 2 râ, kong pơlê Lâm Đồng dế thăm tah lôi tơvâ tơvân, pơtối mơdêk rĕng tơdroăng kêi đeăng mâu tơdroăng vâ kum kuăn pơlê lĕm tro tâ.

VOV.Xơ Đăng –  Hâi lơ 22/7, (chôu kong têa vâi), pôa Trần Thanh Mẫn, Kăn xiâm hnê ngăn Kuô̆k hô̆i ƀă kơdrâi pôa rơtế ƀă Khu râ kăn teăng mâ râ kăn xiâm tơnêi têa pin hiăng troh pơlê kong xiâm Dakar, Senegal, pơxiâm roh lăm pôu pêi cheăng păng ‘nâng Senegal tiô rơkong krếo thế dêi Kăn xiâm hnê ngăn Kuô̆k hô̆i Kŏng hoa Senegal - El Malick Ndiaye.

VO.Xơ Đăng - Hâi lơ 22/7, Ngế pro xiâm hnê ngăn Chin phuh hiăng tơdah pôa Chan Chun Sing, Phŏ xiâm chêh tôm xo rơkong Đảng Hành động Nhân dân (PAP), Ngế xiâm Xing xoăng tơdroăng cheăng tơnêi têa, Ngế xiâm pơkuâ ngăn lêng Singapore troh koh drêng lăm pôu pêi cheăng a Việt Nam.

VO.Xơ Đăng - Rôh tơbâ 78 hơnăm hâi mâu lêng rong râ - hlâ hía, hâi lơ 22/7, Phŏ Kăn hnê ngăn Kuô̆k hô̆i, Thượng tướng Trần Quang Phương hiăng troh pôu khu hlối kơjo kum mâu rơpŏng ai ngế hlâ ai hnoăng tơnêi têa.

VO.Xơ Đăng - Hâi lơ 22/7, a Khu xiâm pơkuâ ngăn lêng kong pơlê Dak Lak tơkŭm po hneăng Hôp Đảng bô̆ roh má 1, hneăng 2025-2030, ƀă troăng hơlâ: “ Môi tuăn – Tơrŭm -  Rơkê – Tơƀrê - Xông rơdêi”.