VOV.Xơ Đăng - Hneăng hôp roh má môi Tơpui tơno troăng pêi cheăng ton xŏn 3 tơ’nôm 3 râ Ngế xiâm tơpui kâ, Gâk kring tơnêi têa ƀă Kŏng an Việt Nam – Sinuâ.

VOV.Xơ Đăng - Kơxo lơ 16/3, pôa Tô Lâm, Kăn xiâm pơkuâ hnê ngăn cheăng Đảng pêi cheăng ƀă Khu pơkuâ Đảng ƀô̆ Pơlê kong kân Hải Phòng ‘na tơdroăng mơnhông cheăng kâ rêh ối pơlê pơla ƀă tơbleăng tơdroăng Pơkâ hneăng hôp XIV dêi Đảng.

VOV.Xơ Đăng - Kơmăng lơ 15/3, Hô̆i đong tâ phĭu rah xo kăn teăng mâ Kuô̆k hô̆i hiăng tơbleăng ‘na tơdroăng tâ phĭu rah xo kăn teăng mâ Kuô̆k hô̆i hneăng má XVI ƀă kăn teăng mâ Hô̆i đong kuăn pơlê rêm râ hneăng hơnăm 2026 – 2031 tung lâp tơnêi têa.

.VOV.Xơ Đăng - Kơxê lơ 15/3, pôa Lê Hoài Trung, Ngế xiâm Khu xiâm tơpui kâ hiăng tơkŭm tơpui tơno troăng pêi cheăng ton xŏn ƀă pôa Vương Nghị, Ngế xiâm tơpui kâ kong têa Sinuâ klăng roh péa tơnêi têa tơkŭm po Roh hôp má 17 Vi ƀan hnê mơhno tơrŭm cheăng pơla péa pâ ƀă Roh hôp má môi Tơpui tơno troăng pêi cheăng ton xŏn râ Ngế xiâm tơpui kâ, Gâk kring tơniăn tơnêi têa, Kŏng an Việt Nam – Sinuâ.

.VOV.Xơ Đăng - Tiô tơbleăng dêi Vi ƀan Tâ phĭu rah xo kăn pơkuâ pêi cheăng kong pơlê Dak Lak, lâp kong pơlê ai vâ chê 23 rơtuh ngế ki tâ phĭu veăng lăm tâ phĭu. Riân troh 19 chôu hâi lơ 15/3, kơxô̆ mơngế lăm tâ phĭu châ lối 99,9%.

.VOV.Xơ Đăng - Tung hâi lơ 15/3, hlá tơbeăng lâp plâi tơnêi ai chêh tối ‘na tơdroăng tâ phĭu rah xo kăn Kuô̆k hô̆i hneăng 16 ƀă kăn Hô̆i đong kuăn pơlê rêm râ hneăng hơnăm 2026-2031, tối nhên kô cho tơdroăng kak kí po tung pơla Việt Nam pơtối mơdêk mâu pơkâ mơnhông cheăng kâ- rêh ối pơla hơnăm la ngiâ.

VOV.Xơ Đăng - Kong măng lơ 15/3, kơxô̆ ngế kuăn pơlê lăm tâ phĭu pôk kăn Kuô̆k hô̆i hneăng XVI ƀă kăn Hô̆i đong hnê ngăn kuăn pơlê rêm râ pơla hơnăm 2026–2031 a kong pơlê Lâm Đồng châ 99,66%.

VOV.Xơ Đăng - Mâu tơdroăng hơkăng, tơplâ tơplong a kơpong Trung Đông ki dế xía vâ pơla kố dế pro tơdjâk kân ó khât troh cheăng kâ lâp plâi tơnêi, ki rơhêng vâ tối cho tê rôe têa châu têa kơxăng, troăng kơtâu dêi tuk a têa kơxĭ ƀă tơrŭm cheăng kâ kân ƀă lâp plâi tơnêi. Tung pơla dế ai tơdroăng xâu xía kố, mâu tơdroăng cheăng kâ ki kân pơrá tro tơdjâk, tro trâm xahpá kân. Ƀă kong pơlê Khánh Hoà, tíu ki ó rơdêi ‘na tơnăng ká xi xŏng a têa kơxĭ, tơ’mot tơmối mot ôm hyô ƀă mơ’no tê dêi kế tơmeăm ngi kong têa ê ai tơdjâk ki xahpá hên troh tơdroăng cheăng kâ, tê mơdró, ƀă kơlo ki pơcháu hnoăng cheăng dêi kong pơlê tung hơnăm 2026.

VOV.Xơ Đăng - Mâu hâi ki kố, mâu cheăm bêng a kong pơlê Khánh Hòa tơkŭm mơhnhôk kuăn pơlê lăm tâ phĭu, tăng ‘nâi túa pơkâ dêi rôh tâ phĭu, hriăn ngăn inâi, túa rêh kâ ối, pêi cheăng dêi mâu ngế ki tơbriât to pro kăn. Sap ing mơdêk hnoăng cheăng ngế ki châ kuăn pơlê loi tung kuăn pơlê hdroâng kuăn ngo Chăm, hnê tối ƀă nâl Raglai a peăng kong ngo troh ứng dụng kong ngê̆ tăng ‘nâi ‘na ngế ki tơbriât to pro kăn, hên túa pêi ki rơkê dế gum kuăn pơlê rah xo ngế ki ai tŭm hiâm mơno lĕm, rơkê.

VOV.Xơ Đăng - Hngêi pơkeăng kân kơpong Tây Nguyên, hngêi pơkeăng kân má môi kơpong hiăng kêi đeăng tâi tâng mâu tơdroăng hbrâ vâ tơniăn hâi tâ phĭu lơ 15/3 châ tơkŭm po lĕm tro tiô tro pơkâ. Ƀă ki phá tơ-ê dêi kơvâ khăm pơlât, hrĭng ngế kăn ƀô̆, ƀok thái pơkeăng, mơngế pêi cheăng rơtế ƀă ngế tamo châi ƀă nhŏng mơngế tamo châi kô veăng tâ phĭu a hngêi pơkeăng. Ƀă mâu ngế tamo châi ôh tá chiâng vâ prôk lăm, Tôh tâ phĭu kô djâ kơthung tâ phĭu troh a xoăng koi pơlât, tơniăn rêm ngế pơrá pêi pro hnoăng tơná ƀă hnoăng cheăng pơcháu kuăn pơlê pêi pro.