VOV.Xơ Đăng - Kơxê hâi lơ 28/4, a tíu pêi cheăng dêi Kăn xiâm hnê ngăn tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ hâi leh diâp Pơkâ pôk 5 ngế kăn teăng mâ Tơnêi têa Kŏng hoa xah hô̆i chuh ngiah Việt Nam a kong têa ê.

VOV.Xơ Đăng - Kơxo lơ 28/4, a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa, Kăn xiâm pơkuâ khu lêng kuăn pơlê, Kăn xiâm hnê ngăn Hô̆i đong Gâk kring tơnêi têa ƀă Gâk kring tơniăn pơkuâ Roh hôp má môi Hô̆i đong hneăng hơnăm 2026 – 2031.

VOV.Xơ Đăng - Kơxo lơ 28/4, a Cung Văn hóa Lao động Hữu nghị Việt – Xô (Hà Nội), pôa Trần Thanh Mẫn, Kăn xiâm hnê ngăn Kuô̆k hô̆i veăng ai mâ a Leh tơbâ 140 hơnăm Hâi Pêi cheăng lâp plâi tơnêi ƀă khĕn kơdeăn 101 ngế kăn hnê ngăn Công đoàn cơ sở ki kơhnâ rơkê hơnăm 2026.

VOV.Xơ Đăng - Pôa Lê Minh Hưng, Ngế pro xiâm hnê ngăn Chin phuh nếo ai rôh pêi cheăng ƀă Khu xiâm ngăn Túa lĕm tro, Tơ’noăng Ivá ƀă Ôm hyô; pơkâ thế Khu xiâm kố kal athế khŏm mơ-eăm tâ, hbrâ rơnáu tâ, kơtăng tâ; achê tâ, pêi tơƀrê tâ nếo tung tơdroăng cheăng dêi tơná.

VOV.Xơ Đăng - Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pêi cheăng bă khu kăn Đảng Pơlê kong kân Hồ Chí Minh ‘na tơdroăng pêi pro tiô pơkâ hneăng hôp má 14 dêi Đảng.

VOV.Xơ Đăng - Lăm ngăn hên mâu kế tơmeăm tơkêa bro ki kal, pôa Hồ Văn Mười, Kăn hnê ngăn Vi ƀan kong pơlê Lâm Đồng pơkâ thế mơdêk rĕng tơdroăng ki xo tơnêi vâ pro troăng, hlối rak ngăn kơtăng tơdroăng ki liăn cheăng tơdjuôm, tơkŭm ‘mâi mơnhông mâu tơdroăng ki xơpá ‘na chêh pro mơéa, vâ pro ivá ăm thăm mơnhông.

VOV.Xơ Đăng - Gia Lai dế mơdêk tah lôi pá puât tơvâ tơvân tăng tơnêi vâ pro troăng kân ăm phêp rơxế kơtâu têi Quy Nhơn – Pliku, tơdrêng amê mơdêk tơdroăng tơkêa bro ki xiâm, tơmiêt troh mơ’no liăn cheăng 100% kơxô̆ liăn mơ’no cheăng tơnêi têa.

VOV.Xơ Đăng - Klêi kơ’nâi vâ chê 10 khế pêi cheăng tiô túa cheăng ki nếo 2 râ, ki ai păng ‘nâng a kong pơlê Lâm Đồng ăm hlo, tơdrêng ƀă pơcháu hnoăng cheăng ó rơdêi, mơnhên khât ƀă rah xo iâ mơngế pro pơkuâ, pơkal athế thăm mơdêk ki cheăng châ xêt khât, tơƀrê khât tung pơkuâ ngăn dế mơ’no mâu tơdroăng ki rế hía rế kal má môi. Tung pơla mê, thăm mơdêk tơdroăng ki pơhlêh xúa kơxô̆ ôh ta xê to troăng hơlâ ki kal xiâm athế pêi pro mê, ối cho troăng hơlâ ki xiâm, gu, tơdjêp vâ tơrŭm cheăng krá tơniăn pơla rêm râ khu kăn hnê ngăn, thăm mơdêk ki dâi lĕm khât hnoăng ki tŏng gum kuăn pơlê ƀă khu mơdró kâ, vâ ing mê, prôk troh a tơdroăng hnê ngăn tiô chal nếo, tơdrăng khât ƀă châ tơƀrê hên tâ.

VOV.Xơ Đăng - Tơdroăng ki tơrŭm cheăng tung kong kế kân rơdâ ƀă têa kơxĭ drêh lĕm prêi rơbông dế mơjiâng chiâng ivá ki nếo ăm kơvâ Ôm hyô Tây Nguyên ƀă Kong tơbăng achê têa kơxĭ pa hdroh Tơdế Tơnêi têa. Ing mâu inúa ngo ki pêt loăng hngó dêi Đà Lạt troh a rơlâu rơlŏn dêi têa kơxĭ a Mũi Né, ing tơdrá chêng koăng dêi kong ngo Ban Mê troh a mâu hmốu san hô ki lĕm krip tung Hòn Yến-Dak Lak ƀă hên mâu tíu ki ê, môi kơpong ki lĕm mơnâ mâ ngăn tung kơvâ ôm hyô ki nếo châ mơjiâng pêi pro. Ôh ta xê to mâu tíu ki vâ troh dêi kuăn pơlê ki iâ êt mê cho tơdroăng cheăng ki kân kĕng pơla “kong ngo” ƀă “têa kơxĭ”, ing mê dế mơjiâng chiâng môi troăng prôk “mot tung i hiâm mơno lĕm khâp”, mơhno tối tơdroăng ki vâ gum ăm kơvâ ôm hyô dêi kơpong kố kô châ pơhlêh hên tung hnoăng cheăng ki nếo.

VOV.Xơ Đăng –  Pŭn khế apoăng hơnăm, mơ’no liăn cheăng tơnêi têa a Dak Lak hrá, ối má 32/34 kong pơlê, pơlê kong kơdrâm.