VOV.Xơ Đăng - Hâi kố, lơ 22/1, Hneăng hôp Kăn teăng mâ lâp tơnêi têa dêi Đảng mot hâi pêi cheăng má Pŭn.

VOV.Xơ Đăng - Ngế pơkuâ Rơ’jíu xiâm Việt Nam VOV pơkâ thế mâu ngế chêh hlá tơbeăng thế tơmâng chêh, xup xo nhên, tro, ai tơ’nôm mâu tơdroăng rơtâ tá dêi hneăng Hôp kân vâ veăng ‘no hnoăng mơhno tuăn loi a mâu tơdroăng kal ai tơpui a hneăng Hôp, malối cho ƀai tơbleăng dêi pôa Tô Lâm - Kăn xiâm pơkuâ hnê ngăn Đảng ƀă mâu ƀai chêh tơbleăng dêi mâu kăn.

VOV.Xơ Đăng - Pơtối Hneăng hôp kân khu kăn lâp tơnêi têa rôh má XIV dêi Đảng, kơxo lơ 21/1, mâu kăn tơpui tơno a Hô̆i trương ‘na mâu mơ-éa Hneăng hôp XIV dêi Đảng.

VOV.Xơ Đăng - Ing mâu tơmeăm khoăng dêi tơdroăng tơkêa bro châ tơbleăng rơdêi tung lâp tơnêi têa, malối cho mơdêk GDP hơnăm 2025 châ 8,02% ăm hlo um méa mơnhông dêi Việt Nam tung mâu hơnăm hdrối mơhno ăm hlo nhên. Mê ôh tá xê to ăm hlo ki tâk ‘na cheăng kâ, dêi mâu kơxô̆ ki ăm hlo tơviah ‘na pơkâ ƀă ivá kâi chiu pá dêi tơdroăng cheăng kâ, mê ối cho mơhno nhên mâ ngăn troăng hơlâ, tuăn tơmiât hơ’lêh nếo  ƀă pơkâ pêi pro dêi Đảng ƀă Tơnêi têa.

VOV.Xơ Đăng -  Hneăng hôp kân khu kăn teăng mâ lâp tơnêi têa roh má XIV dêi Đảng, tơdroăng phiu ro, loi tơngah troh lâp lu ing mâu pơlê kơpong kuăn pơlê hdroâng kuăn ngo peăng Mâ hâi Luô troh mâu pơlê tơnăng ká xi xŏng a têa kơxĭ peăng Mâ hâi Lo.

VOV.Xơ Đăng - Hâi lơ 21/1, hneăng Hôp kân mâu kăn tung lâp tơnêi têa rôh má 14 dêi Đảng hiăng troh hâi pêi cheăng má péa. Tiô tơdroăng, hâi kố kô hôp plâ hâi tơpui tơno a Hngêi hôp kân ‘na tơdroăng tơbleăng mâu tơdroăng chêh tung hlá mơ-éa pơtroh ăm hneăng Hôp.

VOV.Xơ Đăng - Cho kơpong ki tro têa kân lân lu, méluâ hiăng châ pêi pro “Cheăng pêi thâ Quang Trung”, vâi krâ-nhŏng o ki ối pêa mâ hâi lo Gia Lai xuân ối tô tuăn xua tơdroăng ki hyôh kong prâi pơhlêh. Tơkŭm vêh ngăn Hneăng hop kân mâu kăn teăng mâ lâp tơnêi têa má XIV dêi Đảng, kuăn pơlê a tíu kố hiăng pơtroh i hiâm mơno ƀă mâu troăng hơlâ ki kân dêi Hneăng hôp kân kô po troăng ăm tơdroăng ki vâ hmâ ƀă ki tơƀrê tung hbrâ mơdât kong prâi pơhlêh ôh tá ‘nâi ahdrối.

VOV.Xơ Đăng - Hâi lơ 20/1, a rôh pơxiâm hôp, teăng mâ Khu kăn xiâm Đảng hneăng 13, pôa Tô Lâm - Kăn xiâm pơkuâ hnê ngăn Đảng hiăng tối tơbleăng ‘na mâu tơdroăng chêh pơtroh ăm Hneăng hôp 14 dêi Đảng Kŏng san Việt Nam.

VOV.Xơ Đăng - Tơmâng vâ ‘nâi plĕng ‘na hneăng hôp kân 14 dêi Đảng, kuăn pơlê mâu pơlê Tây Nguyên loi khât hlối tơngah a mâu tơdrăng pơkâ hriĕn plĕng ki nếo pro xiâm mơnhông cheăng kâ krá kak ăm tơnêi têa xuân môi tiah kơpong hdroâng kuăn ngo.

VOV.Xơ Đăng - Măng tĭng hdrối, Đô̆i K53, Khu pơkuâ lêng kong pơlê Quảng Ngãi tơkŭm châ 5 to kơxêng kiâ mố đô̆i hlâ a Lếo prếo Kul.