VOV.Xơ Đăng –  Kơxê lơ 9/4, a Hà Nội, Ƀơrô Kăn xiâm hnê ngăn tơnêi têa tơrŭm ƀă Khu xiâm Kŏng an, Khu xiâm tơpui kâ ƀă Hngêi tơleăng kuăn pơlê râ xiâm tơkŭm hôp khu chêh hlá tơbeăng Tơdroăng pơkâ 457 dêi Kăn xiâm hnê ngăn tơnêi têa ‘na pêi pro kơdroh tơdroăng xôi mơ’no lo hngêi phâk hdrối hâi khế pơkâ ăm ngế ki tro kroăng phâk ai hâi khế, phâk troh tá hlâ ah klăng roh 51 hơnăm Tơleăng lĕm peăng hdroh tơnêi têa.

VOV.Xơ Đăng –  A Roh hôp má Môi, Kuô̆k hô̆i hneăng má XVI, kơxê lơ 9/4, pôa Lê Minh Hưng, Ngế pro xiâm hnê ngăn Chin phuh tối tơbleăng mơnhên tơ’nôm tơdroăng châ tơƀrê pêi pro pơkâ mơnhông cheăng kâ – rêh ối pơlê pơla hơnăm 2025; tơdroăng pêi pro pơkâ mơnhông cheăng kâ – rêh ối pơlê pơla ƀă liăn ngân tơnêi têa mâu khế apoăng hơnăm 2026.

VOV.Xơ Đăng - Kơ xê hâi lơ 9/4, a Hà Nội, tung tơdroăng po kơchô Ôm hyô Lâp plâi tơnêi Việt Nam - VITM 2026, kong pơlê Gia Lai tơrŭm ƀă Khu ngăn Ôm hyô Việt Nam po Hôp mơhnhôk ôm hyô, tơ’mot hên ngế vâ ‘nâi plĕng dêi khu mơdró khu ‘no liăn pêi cheăng pro tơmeăm khoăng tơnêi têa ƀă mâu tíu pêi cheăng ki ê.

VOV.Xơ Đăng - Kơxo hâi lơ 9/4, a tíu pêi cheăng Chin phuh, pôa Lê Minh Hưng, Ngế pro xiâm hnê ngăn tơnêi têa pơkuâ hôp pơla mâu kăn Chin phuh ƀă mâu kăn Đảng ủi Chin phuh.

VOV.Xơ Đăng - Kơxo hâi lơ 9/4, a tíu pêi cheăng Chêh hlá tơbeăng ƀă Tíu mơ’no Rơ’jiu - Um tơvi Quảng Ninh, peăng tơdroăng tơ’noăng Mơ’no tơdrêng tung rơ’jiu pơxiâm po Tơ’noăng mơ’no tung rơ’jíu lâp tơnêi têa má XVII xua Rơ’jíu xiâm Việt Nam tơrŭm ƀă Vi ƀan kuăn pơlê kong pơlê Quảng Ninh tơkŭm po.

VOV.Xơ Đăng - Pơhlêh to kơnâ dêi yă têa châu têa kơxăng tung pơla hdrối kố nah dế tơdjâk troh tơdroăng cheăng pêi pro hên kế tơmeăm a kong pơlê Dak Lak, tung mê ai tơdroăng tơkêa bro troăng kân Khánh Hòa – Buôn Ma Thuột. Mâu tíu pêi cheăng hiăng hbrâ rơnáu ‘mâi pơhlêh túa pơkâ pêi, tơkŭm pro rơkê, vâ kơdĭng kơxô̆ liăn ‘no hrê la xuân ối rak tơniăn tơdroăng ki pro.

VOV.Xơ Đăng - Cheăng rak vế tơniăn, gâk kring a mâu tơraih tơƀai a Gia Lai dế châ mâu khu ki ai tơdjâk troh tơbleăng pêi tâi ihiâm mơno, vâ rak ngăn tơmối châ tơƀrê tung tơdroăng dêi Hơnăm Ôm Hyô tơnêi têa – Gia Lai 2026.

VOV.Xơ Đăng - Pôa Trần Thanh Mẫn, Kăn xiâm hnê ngăn Kuô̆k hô̆i ăm ‘nâi, tơdroăng dêi Luât rôh kố athế xoăng râ, xoăng hnoăng pơkuâ tŭm têk, ăm kăn pơkuâ pơlê kong kân Hà Nội tiô pơkâ: Hà Nội pơkâ, Hà Nội pêi, Hà Nội pôu râng dêi hnoăng.

VOV.Xơ Đăng - Hlo tơdroăng ki yă tê mâu kế tơmeăm vâ pro hngêi to kơnâ, Vi ƀan hnê ngăn kong pơlê Gia Lai hiăng pêi cheăng ƀă mâu khu râ, kơvâ cheăng ƀă khu mơdró kâ vâ tăng troăng lêi tah mâu xơpá, tơniăn cheăng mơjiâng pro tơmeăm.

VOV.Xơ Đăng – Hâi khế la ngiâ, kong pơlê Dak Lak pơtối pêi pro kơtăng séa ngăn, pơxâu phâk kơtăng tơdroăng pro xôi ƀă mơdêk pơtâng tối vâ mơdêk hlê plĕng kuăn pơlê tơnăng ká xi xŏng, la ngiâ tah ‘’theh trĭng’’ krá tơniăn