VOV.Xơ Đăng - Hâi lơ 18/5, a Tíu xối tơbâ ton nah, mơhno túa lĕm tro tơnêi têa Hngêi pleăng Pôa Hồ cheăm Vân Hòa, kong pơlê Dak Lak tơkŭm po leh têk nhang tơbâ 136 hơnăm Hâi kot mâ Pôa Hồ Chí Minh.

VOV.Xơ Đăng - Kơmăng hâi lơ 18/5, leh tơbleăng mơjiâng Pơlê kong kân Đồng Nai cho dêi Tíu xiâm ƀă tơdah xo Mê dai pêi cheăng ối má Môi hiăng po kân krip veăng leh mê ai pôa Tô Lâm, Kăn xiâm hnê ngăn Đảng, Kăn xiâm hnê ngăn tơnêi têa.

VOV.Xơ Đăng - Tơbâ Hâi kot mâ Pôa Hồ Chí Minh, Kăn xiâm hnê ngăn tơnêi têa ki apoăng, hâi lơ 18/5, a Gia Lai, Khu lêng hneăng hdrối nah dêi Việt Nam tơkŭm po rôh trâm mâ mâu ngế kơhnâ tung hriâm tâp ƀă pêi pro tiô tuăn mơno túa pêi cheăng Hồ Chí Minh.

VOV.Xơ Đăng - Pêi cheăng ƀă Vi ƀan Khôi túa lĕm tro ƀă Pơlê pơla a kơxo lơ 18/5, pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế Vi ƀan pơtối pêi kêi đeăng khu pêi cheăng, rah xo bro lế lĕm tro khu pê cheăng, xing xoăng hnoăng cheăng tơtro, mơnhông tâi tâng ivá pêi cheăng dêi rêm ngế kăn ƀô̆.

VOV.Xơ Đăng - A pơlê Tây Nguyên, rơkong tơpui dêi krâ pơlê môi tiah idrâp chêng koăng tung dế kơmăng ton xŏn. Ôh tá eâ kal loa kân, ôh tá kal tơpui mơdêi, bu kal krâ pơlê tơpui chôa ‘lâng mê kuăn pơlê tơmâng, kuăn pơlê loi tơngah, xua klêi rêm rơkong tơpui mê cho tơdroăng ki loi tơngah châ tơbêng ƀă rơxông mơngế ƀă pơlê, ƀă chiâk deăng, ƀă rêm rơnó báu tum, rêm têa plông xiâ mê ai têa nếo. Ƀă xuân cho ing rơkong tơpui achê mê, troăng tơdjâ dêi Đảng, troăng veăng gum dêi Tơnêi têa hiăng mot rêm toăng hngêi xŏn, rêm hơpiâp on dêi kuăn pơlê mâu hdroâng kuăn ngo Tây Nguyên.

VOV.Xơ Đăng - Pôa Lê Minh Hưng, Ngế pro xiâm hnê ngăn tơnêi têa tối nhên, Hâi Khoa hok, Kŏng ngê̆ ƀă pơhlêh nếo tơmiât pêi rơkê Việt Nam ôh tá xê to rôh ô eăng mâu ngế ki rơkê plĕng, khu ki hriăn ngăn ‘na khoa hok mê ối veăng ‘mâi mơnhông tơdroăng hâk tơngăm ‘na tuăn ngoâ rơkê Việt Nam.

VOV.Xơ Đăng - Ihiâm “Tơrŭm kân rơdâ” dêi Pôa Hồ Chí Minh, Kăn xiâm hnê ngăn tơnêi têa hneăng apoăng cho môi tung mâu tơdroăng cheăng ki xiâm tung ihiâm mơno dêi Đảng, pơtih cho trối “kơxái prế kơnía ki krá kâk” tơrâng vế mơjiâng chiâng ivá rơdêi ƀă tơrêm tơdroăng ƀlêi chiâng dêi kăch măng Việt Nam. Ƀă kơpong Tây Nguyên, cho kơpong tơnêi ki kal xiâm, tíu ki tơkŭm hên hdrông hdrê nhŏng o rơtế rêh ối, i hiâm mơno tơrŭm hiăng châ mơjiâng pro ƀă mơhriâm, rơnêu pât chiâng ivá ki ó rơdêi tung dế tơrêm ngế dêi hdrông hdrê, nhŏng o, tơrŭm krá khâp pơlê pơla, kring vế tơniăn, mơjiâng pơlê cheăm mơnhông ƀă thăm ‘mâi mơnhông rế i krá tuăn loi dêi Kuăn pơlê ƀă Đảng.

VOV.Xơ Đăng - Tơdroăng mơjiâng pro 7 toăng hngêi trung phôh thong ai tíu kâ ối pơtê pơtối péa khu râ a mâu cheăm tơkăng kong peăng mâ hâ Lu kong pơlê Gia Lai xuân dế hrá klêi tâng vâ pơchông ƀă tơdroăng pơkâ.

VOV.Xơ Đăng - Sap hâi kố lơ 18/5, lâp troăng kân ăm phêp rơxế kơtâu têi Chí Thạnh – Vân Phong hluâ kong pơlê Dak Lak păng ‘nâng djâ xúa, gum pro kêi đeăng troăng klông tơdjêp kơpong Tây Nguyên ƀă kơpong tơbăng peăng Hdroh peăng tơdế Tơnêi têa.

VOV.Xơ Đăng - Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi, mot tung chal nếo, pơkâ mơnhông rơdêi ƀă krá tơniăn dêi tơnêi têa pơkâ thế Đăi hok Quốc gia Hà Nội thế mơ-eăm ƀă mơnhông ó rơdêi, tơxâng ƀă hnoăng cheăng dêi đăi hok quốc gia ối má môi.