VOV.Xơ Đăng - Kơxo lơ 24/6, Hô̆i đong kuăn pơlê dêi kong pơlê Lâm Đồng hneăng 10 tơkŭm po rôh hôp má mơ’nui dêi túa pêi cheăng Hô̆i đong kuăn pơlê 3 râ.

VOV.Xơ Đăng - Kơxo lơ 24/6, Hô̆i đong hnê ngăn kong pơlê Bình Định pơxiâm po hneăng hôp rôh má 25, hbrâ ăm tơdroăng ki tơkŭm môi kong pơlê Bình Định ƀă Gia Lai tiô Pơkâ dêi Kuô̆k hô̆i.

VOV.Xơ Đăng - Pêi pro Túa pơkâ ‘Tơdjuôm ivá têa tah hngêi tơ’nhiê, xi kơchoh tung lâp tơnêi têa a hơnăm 2025”, troh hâi lơ 24/6, kong pơlê Kon Tum hiăng tŏng gum têa tah hngêi tơ’nhiê, xi kơchoh ăm 2.740 rơpŏng, châ tâi tâng túa pơcháu.

VOV.Xơ Đăng - Tiô tơdroăng Pơkâ, tung 2 hâi, cho hâi kố ƀă kơxo ah, lơ 25 ƀă lơ 26/6/2025, mâu khu hnê ngăn râ cheăm, bêng ki nếo a kong pơlê Dak Lak tơkŭm pêi mơnúa ‘na tơdroăng cheăng ki hiăng tơ’mot hên cheăm bêng dêi pó. Vâ rak tơniăn ăm tơdroăng cheăng châ pêi pro tơ’lêi hlâu, ahdrối mê, Khu kăn hnê ngăn Đảng uỷ kong pơlê Dak Lak ƀă mâu khu râ, kơvâ cheăng hiăng pêi pro hên tơdroăng, môi tiah hnê mơhriâm, pơkâ hnê tối hnoăng cheăng ki kal. Khu chêh hlá tơbeăng Rơ’jíu Việt Nam ai chêh tối ‘na tơdroăng mê.

VOV.Xơ Đăng - Sap hâi lơ 24 – 27/6, pôa Phạm Minh Chính, Ngế pro xiâm hnê ngăn tơnêi têa rơtế Khu râ kăn teăng mâ râ xiâm Việt Nam kô veăng Hôp tơno tơdroăng kal tiah hmâ rêm hơnăm Mâu ngế ki djâ troăng ahdrối roh má 16 dêi Hôp tơpui tơno cheăng kâ lâp plâi tơnêi (Hôp tơno tơdroăng kal WEB Thiên Tân 2025) ƀă pêi cheăng a Sinuâ.

VOV.Xơ Đăng -  Kơxo lơ 24/6, Hô̆i đong kuăn pơlê kong pơlê Dak Lak hiăng pơxiâm po Hneăng hôp roh má 10, séa ngăn, pơkâ hên tơdroăng xiâm ối tung hnoăng, ahdrối kong pơlê Dak Lak nếo păng ‘nâng pêi cheăng sap ing hâi lơ 1/7.

VOV.Xơ Đăng -  Kơxo lơ 24/6, a Roh hôp má 27, Hô̆i đong kong pơlê Gia Lai hiăng tơbleăng Tơdroăng tơkêa bro xúa tơmeăm tơnêi têa a Hngêi pơkeăng kân kong pơlê tung pơkâ tơdjêp mơdró rơtế Kŏng ti pêi cheăng tiô rơnó Hngêi pơkeăng Bình An Gia Lai, ƀă tâi tâng kơlo mơ’no liăn cheăng tiô tối hdrối lối 350 rơtal liăn.

VOV.Xơ Đăng - Kơxê lơ 23/6, Khu hnê mơhno pêi pro tơkŭm môi kong pơlê Lâm Đồng, kong pơlê Bình Thuận ƀă kong pơlê Dak Nông hiăng tơkŭm pêi mơnúa ngăn a 6 to tíu pêi cheăng râ cheăm ki nếo.

VOV.Xơ Đăng - Kơxê kố lơ 23/6, a Nam Định, pôa Tô Lâm, Kăn xiâm pơkuâ hnê ngăn ngăn Đảng ƀă Khu kăn dêi Tíu xiâm lăm pêi cheăng ƀă Khu kăn Đảng mâu kong pơlê Nam Định, Hà Nam, Ninh Bình ‘na tơdroăng tơbleăng, pêi mâu tơdroăng pơkâ, tối mơgêi dêi Tíu xiâm ƀă mâu tơdroăng cheăng ki kal ‘na mơnhông cheăng kâ, rêh ối pơlê pơla  tơniăn cheăng lêng kring gak tơnêi têa,  tơniăn tung  3 kong pơlê.

VOV.Xơ Đăng - Hneăng tơdroăng mơgêi hriâm râ má pái phôh thong 2025, kong pơlê Gia Lai ai lối 16.200 ngế hok tro chêh inâi tơ’noăng, tung mê ai 704 ngế hok troh  ki ôh tá plah tơ’noăng hơnăm hdrối.