VOV.Xơ Đăng - A tíu pêi cheăng Kăn xiâm hnê ngăn tơnêi têa, jâ Võ Thị Ánh Xuân, Phŏ Kăn xiâm hnê ngăn tơnêi têa trâm mâ khu râ kăn teăng mâ Kăn hnê ngăn kŏng đoân ki rơkê má môi tung tơdroăng tơpui tơno ƀă tơpui tơno khu pú hên hơnăm 2026.

VOV.Xơ Đăng - Vi ƀan kong pơlê Dak Lak nếo pơkâ pơhlêh chôu pêi cheăng tơnêi têa tung kong pơlê.

VOV.Xơ Đăng - Klăng tơbâ 51 hơnăm Tơleăng lĕm peăng Hdroh, pro tơnêi têa tơrŭm môi, a Pơlê kong kân Hồ Chí Minh, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn Tơnêi têa rơtế ƀă khu kăn ki pêi dêi hnoăng cheăng hiăng troh têk nhang, tơbâ mâu kăn pơkuâ hneăng hdrối, mơhno hiâm mơno “niân trối hâi kố kơnôm hnoăng vâi krâ nah” ƀă mơnê mâu ivá veăng gum kân ăm tơdroăng cheăng kăch măng dêi hdroâng mơngế.

VOV.Xơ Đăng - Tung pơla lâp tơnêi têa pêi pro troăng nếo hdrối vâ troh tơbâ 51 Hâi plâ pro tơleăng lĕm peăng Hdroh, lâp tơnêi têa tơrŭm môi, môi rôh trâm mâ pêng păm tơdroăng rơrêk tung hiâm mơno nếo po a bêng Thủ Dầu Một, Pơlê kong kân Hồ Chí Minh. Rôh apoăng, mâu lêng kơdrâi dêi 5 khu lêng pĕng kơnŏng dêi kong pơlê Thủ Dầu Một rơxông tơplâ xâ Mih nah hiăng rơtế troh veăng hôp trâm mâ.

VOV.Xơ Đăng – Tung 2 rôh tơplâ xâ Pơhlăng ƀă xâ Mih hdi xo tơnêi têa, cheăm Gào, kong pơlê Gia Lai ƀă tơnêi tíu kong, cho ngo ngối, cho kơpong pro kăch măng (ƀă inâi Kơpong 9). Lêng ƀă kuăn pơlê tíu kố hiăng ƀlêi trâng mâu tơdroăng ki kân, veăng gum tơleăng lĕm peăng Hdroh, pro tơnêi têa tơrŭm chiâng môi, 2 xôh châ Tơnêi têa diâp inâi cheăm khên tơnôu. Luâ 50 hơnăm châ tơleăng, mâu ƀăng tơnêi kong a cheăm Gào hơnăm ki mê nah pơtối châ gak ngăn kơtăng, pơtroh ăm têa tôh mâu hdrê loăng pêt, gum kuăn pơlê mơnhông tơdroăng rêh ối phâi hơtôu.

VOV.Xơ Đăng –  Vâ tah lôi mâu tíu ki kreăng, po troăng ăm cheăng kâ kĭng têa kơxĭ tơtêk mơnhông mơdêk, kơxê lơ 28/4, pôa Đỗ Hữu Huy, Kăn hnê ngăn Vi ƀan kong pơlê Dak Lak ai roh pêi cheăng ƀă mâu kong pơlê kĭng têa kơxĭ peăng mâ hâi Lo.

VOV.Xơ Đăng –  Kơxê 28/4, a Pơlê kong kân Hải Phòng, pôa Lê Minh Hưng, Ngế pro xiâm hnê ngăn tơnêi têa ƀă Khu râ kăn teăng mâ Kuô̆k hô̆i Pơlê kong kân Hải Phòng tơkŭm po trâm mâ klêi kơ’nâi Hneăng hôp má Môi, Kuô̆k hô̆i hneăng má XVI.

VOV.Xơ Đăng - Kơxê hâi lơ 28/4, a tíu pêi cheăng dêi Kăn xiâm hnê ngăn tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ hâi leh diâp Pơkâ pôk 5 ngế kăn teăng mâ Tơnêi têa Kŏng hoa xah hô̆i chuh ngiah Việt Nam a kong têa ê.

VOV.Xơ Đăng - Kơxo lơ 28/4, a Hà Nội, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa, Kăn xiâm pơkuâ khu lêng kuăn pơlê, Kăn xiâm hnê ngăn Hô̆i đong Gâk kring tơnêi têa ƀă Gâk kring tơniăn pơkuâ Roh hôp má môi Hô̆i đong hneăng hơnăm 2026 – 2031.

VOV.Xơ Đăng - Kơxo lơ 28/4, a Cung Văn hóa Lao động Hữu nghị Việt – Xô (Hà Nội), pôa Trần Thanh Mẫn, Kăn xiâm hnê ngăn Kuô̆k hô̆i veăng ai mâ a Leh tơbâ 140 hơnăm Hâi Pêi cheăng lâp plâi tơnêi ƀă khĕn kơdeăn 101 ngế kăn hnê ngăn Công đoàn cơ sở ki kơhnâ rơkê hơnăm 2026.