VOV.Xơ Đăng - Kơxê măng hâi lơ 9/12, a Hngêi Kuô̆k hô̆i, pôa Trần Thanh Mẫn - Kăn xiâm hnê ngăn Kuô̆k hô̆i veăng Leh mơgêi hôp tơpui tơdroăng cheăng pêi dêi Khu kăn kơdrâi Kuô̆k hô̆i Việt Nam hneăng 15.

VOV.Xơ Đăng - Kơxo hâi lơ 9/12, a Đà Lạt, Hô̆i đong kuăn pơlê kong pơlê Lâm Đồng hneăng 10, hneăng hơnăm 2021-2026 pơxiâm po rôh hôp má 7 tiah hmâ mơ’nui hơnăm 2025 ƀă hên tơdroăng ki kal.

VOV.Xơ Đăng - Mâu tơdroăng tơvâ tơvân dêi mâu lêng kring gak kuăn pơlê  kong pơlê mơhno nhên ing tơdroăng khía mơhot kân kơxô̆ 13 plong mot ƀă rôh têa lân lu kân, tơdrêng ƀă tơdroăng pơkâ ‘mâi mơnhông tâi tâng tơdroăng cheăng lêng kring gak - mâu lêng, cho tơdroăng châ tối nhên a rôh hôp mơgêi tơdroăng cheăng pêi dêi lêng, mâu lêng kong pơlê hơnăm 2025 xua Vi ƀan kuăn pơlê dêi kong pơlê Dak Lak tơkŭm po.

VOV.Xơ Đăng –  Kơxê lơ 9/12, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ Roh hôp roh má 25, Khu hnê mơhno Tơnêi têa ‘na hbrâ mơdât tơnăng ká xi xŏng ôh tá tro luât, ôh tá tơbleăng ƀă ôh tá tiô pơkâ (IUU).

VOV.Xơ Đăng - Kơxê hâi lơ 9/12, a tíu pêi cheăng Xiâm Đảng, pôa Tô Lâm - Kăn xiâm pơkuâ hnê ngăn Đảng hiăng tơdah pôa Sergey Shoigu - Kăn xiâm chêh tôm xo rơkong Hô̆i đong kring tơniăn kong têa Rusi tung tơdroăng lăm pôu pêi cheăng a Việt Nam.

VOV.Xơ Đăng - Hâi lơ 9/12, Kuô̆k hô̆i mơdoh chôu tơpui tơno a hngêi hôp kân 'na mâu hlá mơéa pơchuât tơbleăng hnoăng cheăng dêi Kăn pơkuâ hngêi tơleăng kuăn pơlê, Viê̆n trưởng viê̆n Séa ngăn kuăn pơlê, hnoăng cheăng hbrâ mơdât mâu ngế pro xôi ƀă pro xôi luât; hnoăng cheăng pêi pro tơdroăng pơkâ; hnoăng cheăng hbrâ mơdât kâ kơ hveăm liăn ngân hơnăm 2025.

VOV.Xơ Đăng - Môi chât môi khế hdrối nah, kong pơlê Gia Lai ‘no liăn pêi cheăng tơdjuôm bu châ lối 58%, iâ ó tâng vâ pơchông ƀă túa pơcháu. Tơdroăng kố hiăng châ tối nhên a rôh hôp hneăng hôp má 5, Hô̆i đong hnê ngăn kong pơlê po a hâi lơ 8/12 a bêng Pleiku.

VOV.Xơ Đăng - Kơxê hâi lơ 8/12, a tíu pêi cheăng Xiâm Đảng, pôa Tô Lâm -Kăn xiâm pơkuâ hnê ngăn Đảng hiăng tơdah pôa Aleksey Komissarov - Ngế xiâm pơkuâ Học Viện Kăn xiâm pơkuâ kong têa Rusi dế lăm pôu pêi cheăng a Việt Nam.

VOV.Xơ Đăng - Hôp tơpui “Xua kơmăi kơmok tăng ‘nâi plĕng mâu tơdroăng tung tối tơbleăng kong tô mơdrăng, tá ai têa ăm kơpong Tây Nguyên ƀă pơ’lêh kơxô̆ tung tơdroăng mơ’no hngêi kơmăi on tơhrik” po a kong xêi hâi lơ 8/12 a kong pơlê Lâm Đồng.

VOV.Xơ Đăng - Hơnăm 2025, kong pơlê Quảng Ngãi pêi châ a kơlo tâk cheăng kâ 10,2%, ối má môi kơpong pêa hdroh Tơdế Tơnêi têa ƀă Tây Nguyên.