VOV.Xơ Đăng - Pơtối hôp má 48, kơxê hâi lơ 12/8, Vi ƀan Pơkuâ Kuô̆k hô̆i ăm hnê tối tơmâng xo klêi mê tối nhên ‘na Hlá mơ-éa chêh Luât Pêi cheăng séa ngăn dêi Kuô̆k hô̆i ƀă Hô̆i đong kuăn pơlê ‘mâi rơnêu.

VOV.Xơ Đăng - Vi ƀan kuăn pơlê dêi kong pơlê Gia Lai nếo tơbleăng pơkâ tơkŭm po Leh pơxiâm pro tơmeăm khoăng ƀă leh hiăng pro kêi hên tơmeăm khoăng, tơdroăng tơkêa bro ki kal ai pơxúa koh tơbâ 80 hơnăm Kăch măng Khế 8 ƀă hâi Mơjiâng Tơnêi têa Kŏng hoa Xah hô̆i chuh ngiah Việt Nam (2/9/1945 - 2/9/2025).

VOV.Xơ Đăng - Kơxo lơ 12/8, a Hà Nội, pôa Phạm Minh Chính, Ngế pro xiâm hnê ngăn Chin phuh pơkuâ po rôh tơpui tơno ƀă mâu khu mơdró kâ Nhuk dế ‘no liăn pêi cheăng tê mơdró a Việt Nam.

VOV.Xơ Đăng - Kơxo hâi lơ 12/8, a pơlê kong xiâm Seoul, Hàn Quốc, pôa Tô Lâm - Kăn xiâm pơkuâ ngăn Đảng, pôa Kim Min Seok - Ngế pro xiâm hnê ngăn kong têa Hàn Quốc veăng hôp tơrŭm cheăng pơla Việt Nam - Hàn Quốc ƀă pơxá “Tơrŭm cheăng mơnhông pêi chiâk tung rơxông nếo”.

VOV.Xơ Đăng - Kơxo hâi lơ 12/8, Khu xiâm ngăn ‘na kuăn ngo ƀă ‘na loi tĭng tơkŭm po Hôp tung lâp tơnêi têa ‘na tơdroăng cheăng kuăn ngo, ‘na loi tĭng klêi tơ’mot xing xoăng rế lĕm khu pêi cheăng ƀă tơkŭm pêi cheăng dêi mâu kăn kong pơlê 2 râ.

VOV.Xơ Đăng - Kơxê lơ 11/8, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa tơdah Trung tươ̆ng Vongsone Inpanphim, Phŏ kăn pơkuâ ngăn lêng, Kăn pơkuâ Khu xiâm kal kí Khu lêng kuăn pơlê Lếo dế ai rôh pôu ƀă pêi cheăng a Việt Nam.

VOV.Xơ Đăng - Pôa Tô Lâm - Kăn xiâm pơkuâ hnê ngăn Đảng hiăng ai rôh hôp ƀă pôa Kim Min Seok - Ngế pro xiâm hnê ngăn kong têa Hàn Quốc.

VOV.Xơ Đăng - Hâi lơ 11/8, a Cần Thơ po a Hneăng hôp mâu kăn Đảng ƀô̆ Kuân khu 9 rôh má 11, hneăng hơnăm 2025- 2030.

VOV.Xơ Đăng - Kơxê hâi lơ 11/8, tung rôh lăm pôu, pêi cheăng a Gia Lai, pôa Nguyễn Trọng Nghiã - Ngế pơkuâ tăng ‘nâi mâu tơdroăng Kal kí ƀă Mơhnhôk cheăng xiâm tơnêi têa hiăng ai rôh pêi cheăng ƀă Khu pơkuâ Mố đô̆i gak tơkăng kong dêi kong pơlê Gia Lai.

VOV.Xơ Đăng - Kơxê hâi lơ 11/8, Vi ƀan hnê ngăn kuăn pơlê kong pơlê Dak Lak tơkŭm po rôh pêi cheăng ƀă Khu xiâm ngăn liăn ngân ƀă mâu kong pơlê vâ tah xơpá ‘na liăn ngân, mơdêk rĕng pêi pro tiô Pơkâ 178 ƀă  67.