VOV.Xơ Đăng – Kơxê măng lơ 20/11, pôa Hồ Quốc Dũng, Phŏ Ngế pro xiâm hnê ngăn Chin phuh hiăng troh Khánh Hòa, tơdrêng lăm séa ngăn tơdroăng kong mêi têa lân lu, hnê mơhno tơdroăng tŏng gum kuăn pơlê ƀă rơnêu kế tơmeăm khoăng tơ’nhê.

VOV.Xơ Đăng – Kơxê lơ 20/11, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa tơdah pôa Milos Vystrcil - Kăn xiâm hnê ngăn Kuô̆k hô̆i râ má môi Kuô̆k hô̆i Kŏng hoa Czëch dế ai roh lăm pôu pêi cheăng păng ‘nâng Việt Nam.

VOV.Xơ Đăng - Kơxê hâi lơ 20/11 a Kơpong cheăng kâ Phú Quốc, pôa Tô Lâm - Kăn xiâm pơkuâ hnê ngăn Đảng pơkuâ hâi pêi cheăng ƀă Khu kăn Tỉnh ủy An Giang ‘na tơdroăng hiăng pêi cheăng kal kí 10 khế hdrối ƀă tơdroăng tơbleăng pêi mâu Pơkâ ki kal tơƀrê khât dêiTíu xiâm.

VOV.Xơ Đăng - Tung pơla dêi pêi cheăng a Algeria, pôa Phạm Minh Chính Ngế pro xiâm hnê ngăn tơnêi têa hiăng pơkuâ hôp tơdrêng, tơdjêp ƀă Chin phuh ƀă mâu kong pơlê vâ tơbleăng mâu troăng hơlâ pêi tơdrêng tơkâ luâ xơpá xua kong mêi têa lân lu a Khánh Hoà, Gia Lai ƀă Dak Lak.

VOV.Xơ Đăng - Kong mêi kân hên hâi hiăng hluâ hiăng pro lân lu kân sap nah tá châi choi hlo, pro chât rơpâu rơpŏng kuăn pơlê a Dak Lak, Gia Lai, Khánh Hòa ƀă Lâm Đồng tro lâp lu trâu. Khu râ kăn pơkuâ ƀă khu lêng, kŏng an dế mơ’no plong tuk vâ tŏng gum kuăn pơlê hliăng tiâ.

VOV.Xơ Đăng - Tung tơdroăng pêi cheăng a Algeria, pôa Phạm Minh Chính, Ngế pro xiâm hnê ngăn tơnêi têa Algeria – pôa Sifi Ghrieb hiăng veăng Hôp tơpui tơno Cheăng kâ pơla Việt Nam – Algeria.

VOV.Xơ Đăng - Kơxo hâi lơ 20/11 a An Giang, pôa Tô Lâm, Kăn xiâm pơkuâ hnê ngăn Đảng, Kăn hnê ngăn Đảng lêng xiâm hiăng lăm pôu ƀă pơkuâ rôh pêi cheăng ƀă Khu xiâm pơkuâ ngăn lêng Kơpong Kăn sát têa kơxĭ 4 ƀă kăn ƀô̆, mâu lêng kơpong 5 dêi lêng tuk.

VOV.Xơ Đăng -  Kơxo hâi lơ 20/11 a Hngêi Kuô̆k hô̆i, pôa Vũ Đại Thắng, Kăn hnê ngăn Tỉnh Ủy, Ngế pơkuâ Khu kăn Kuô̆k hô̆i kong pơlê Quảng Ninh hiăng diâp 15 rơtal liăn kum ăm Gia Lai, Khánh Hòa ƀă Dak Lak tơkâ luâ xơpá xua kong mêi têa lân lu.

VOV.Xơ Đăng - Ƀă hên hok tro, nâl Ăng-glê cho môn hriâm ki pá păng ‘nâng. La a Hngêi trung râ má pái phôh thong, Thực hành Cao Nguyên (ối tung Hngêi trung Đại học Tây Nguyên), mâu chôu hriâm nâl kong têa ê chiâng chôu hriâm ki kal. Ƀă tơdroăng tơmiât pêi rơkê, kơhnâ ƀă túa ki hmâ, achê, thái hnê chư Phan Mạnh Tiến hiăng pro ăm tơdroăng hâk vâ tơrêm ƀai hriâm, gum hok tro châ tơkâ luâ ki pá ‘na nâl tơpui ƀă túa păn rak tơdroăng loi tơngah hâk vâ ƀă môn tơpui nâl Ăng-glê.

VOV.Xơ Đăng - Tung rôh pôu păng ‘nâng a kong têa Algeria, kơxê lơ 19/11/2025, pôa Phạm Minh Chính, Ngế pro xiâm hnê ngăn tơnêi têa hiăng tơpui tơno ƀă kăn xiâm pơkuâ kong têa Algeria cho pôa Abdelmadjjd Tebboune.