VOV. Xơ Đăng - Kơxo hâi lơ 9/5 a tíu pêi cheăng Chinh phuh, pôa Phạm Minh Chính Ngế pro xiâm hnê ngăn tơnêi têa pơkuâ hôp Chin phuh ‘na tơdroăng xing xoăng pro rế lĕm, tơkŭm ‘mâi pro tíu pêi cheăng rêm râ ƀă mơjiâng túa tơrŭm cheăng a kong pơlê 2 râ.

VOV.Xơ Đăng - A tíu pêi cheăng kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa hiăng pơkuâ po rôh leh tơbleăng ƀă diâp pơkâ dêi kăn xiâm hnê ngăn tơnêi têa pôk mâu kăn phŏ hnê ngăn Ƀơrô cheăng kăn xiâm hnê ngăn tơnêi têa.

VOV. Xơ Đăng - Drêng troh leh Phật đản- Phật lịch 2569 - Dương lịch 2025, kơxo hâi lơ (9/5), Khu kăn pơkuâ hnê ngăn Đảng dêi kong pơlê, Hô̆i đông Kuăn pơlê, Vi ƀan Kuăn pơlê, Vi ƀan Măt trâ̆n tơnêi têa Việt Nam kong pơlê Dak Lak hiăng lăm pôu, rơkâu Khu ngăn Tơdroăng khôp Phop Việt Nam kong pơlê ƀă mâu tíu pơkuâ khôp Phop a Buôn Ma Thuột.

VOV.Xơ Đăng – Tung mâu tơdroăng mơ-eăm ôh tá la lâi pơtê dêi khu tiô khôp Phop Việt Nam ƀă mâu kăn Pơlê kong kân Hồ Chí Minh tung tơdroăng chêh inâi tơkŭm po Tĭng kân Vesak Khu lâp kong têa hơnăm 2025 hiăng châ mâu kuăn pơlê khôp Phop tung lâp plâi tơnêi tơmâng xo ƀă khĕn kơdeăn. Ing mê ăm hlo, Tơdroăng Khôp Phop Việt Nam rế rơdêi chiâng hlá cờ ki djâ troăng a hdrối tung mơhno troăng pêi pro mâu tơdroăng tung lâp plâi tơnêi dêi Tơdroăng khôp Phop lâp plâi tơnêi, tung hnoăng khĕn kơdeăn ki pơxúa ‘na tơdroăng hnê rơkong Xeăng Phop xua vâ hơniâp lĕm ƀă hnê ăm kuăn pơlê tơdroăng ối rêh lĕm.

VOV.Xơ Đăng –  Kơxê lơ 8/5, a Tíu pêi cheăng Chin phuh Rusi a pơlê kong xiâm Moscow, pôa Tô Lâm, Kăn xiâm pơkuâ hnê ngăn Đảng hiăng ai roh trâm mâ ƀă pôa Mikhail Mishustin, Ngế pro xiâm hnê ngăn kong têa Rusi.

VOV.Xơ Đăng - Kơxê hâi lơ 8/5 (tiô chôu kong têa Rusi), pôa Tô Lâm, Kăn xiâm pơkuâ hnê ngăn Đảng ƀă kơdrâi pôa ƀă mâu kăn xiâm tơnêi têa têa pin hiăng troh a tơriah tơƀai Vnukovo 2, Moscow pơxiâm pôu pêi cheăng a kong têa Rusi ƀă veăng leh tơbâ 80 hơnăm Hâi plâ ƀlêi trâng tung rôh tơplâ ƀlêi trâng kân kring vế tơnêi têa tiô rơkong krếo thế dêi pôa Vladimir Putin.

VOV.Xơ Đăng - Hâi lơ 8/5/2025, drêng rôh Singapore tơkŭm po klêi hneăng tâ phĭu râh xo kăn Kuô̆k hô̆i rôh má 14 ƀă ki ƀlêi trâng cho peăng Đảng Hành động Nhân dân (PAP), pôa Phạm Minh Chính Ngế pro xiâm hnê ngăn tơnêi têa hiăng krếo phôn kơ ngế chêh tôm xo rơkong PAP, Ngế pro xiâm hnê ngăn kong têa Singapore pôa Lawrence Wong.

VOV.Xơ Đăng – Tung toăng hngêi a Pơlê kong kơdrâm Thủ Đức, Pơlê kong kân Hồ Chí Minh, pôa Lâm Xuân Quang, mố đô̆i hneăng hdrối hiăng ‘măn chôu môi râ rơdâ dâng 300 m2 vâ pro Tíu mơhno túa lĕm tro Hồ Chí Minh”. Tíu kố châ pôa tơmiât vâ pêi klêi kơ’nâi vâ chê tơdế chal. Pôa Ôh ti xê to rak vế krâu ăm to dêi tơná mê ối lôu péa tơdah tơmối tung tơnêi têa ƀă kong têa ê troh ngăn, tăng ‘nâi ‘na tơdroăng rêh ối dêi Pôa Hồ Chí Minh, kăn xiâm hnê ngăn tơnêi têa hneăng apoăng.

VOV.Xơ Đăng - Hâi lơ 8/5, Khu xiâm pơkuâ mô đô̆i kong pơlê Dak Lak tơkŭm po Hneăng hôp mơgêi ƀă kheăn kơdeăn mâu ngế ki kơhnâ rơkê tung 10 hơnăm pêi pro Pơkâ dêi Khu xiâm kal kí ‘na ‘’Pêi pro rơdêi hriâm tâp ƀă pêi tiô troăng tơdjâ, hiâm mơno, troăng pêi Hồ Chí Minh’’.

VOV.XơĐăng - Hâi kơ 8/5, a tíu pêi cheăng Chin phuh, pôa Nguyễn Chí Dũng, Phŏ Ngế pro xiâm hnê ngăn tơnêi têa hôp ƀă mâu khu xiâm kơvâ cheăng ‘na ‘mâi hơ’lêh, tơ’nôm hlá mơ-éa luât tơdroăng Pơkâ ‘na chêh inâi tê mơdró.