VOV.Xơ Đăng - Kơxê lơ 5/5, a tơring tơkăng kong Đức Cơ (Gia Lai), Ƀinh đoàn 15 po mơnhên tối tơƀrê túa tơrŭm rơpŏng krá ton pơla rơpŏng kŏng nhân mơngế Xuăn ƀă rơpŏng hdroâng kuăn ngo a kong pơlê (khĕn cho túa “Tơrŭm rơpŏng”.

VOV.Xơ Đăng - Sap ing hâi pơtâng tối ‘na tơdroăng ’mot kong pơlê Dak Lak ƀă Phú Yên, tiô tơdroăng pơkâ kô klêi ahdrối hâi lơ 1/7, tíu xiâm pơkuâ ngăn kong pơlê kô pro a pơlê kong kơdrâm Buôn Ma Thuột, hên mâu hâi hdrối mê hía nah, tơdroăng tê rôe tơnêi a kơpong kố hiăng pơtối mơdêk hên ó nếo. Yă tơnêi tâk kơnâ, tơdroăng tê rôe tơnêi, hngêi trăng tâk hên, rơtế ƀă tơdroăng kal rơhêng vâ pro mâu hlá mơ-éa dêi kuăn pơlê xuân tâk hên, ing mê, hiăng pro chiâng kơdrâm kơdrĕng mơngế lăm pro hlá mơ-éa ki ai tơdjâk troh tơnêi tơníu.

VOV.Xơ Đăng - Tiô rơkong krếo thế dêi Kăn xiâm pơkuâ Kŏng hòa Kazakhstan Kassym-Jormat Tokayev, hâi lơ 5/5, pôa Tô Lâm, Kăn xiâm pơkuâ hnê ngăn cheăng Đảng prế kơdrâi pôa rơtế ƀă Khu râ kăn xiâm tơnêi têa pin lo ing tơraih tơƀai Lâp plâi tơnêi Nội Bài pôu râ Tơnêi têa troh Kŏng hoa Kazakhstan.

VOV.Xơ Đăng - Tiô Khu xiâm pơkuâ liăn ngân, sap apoăng hơnăm kố, Việt Nam ai lối 42.700 tơdroăng tơkêa bro FDI ai xêt khât, tâi tâng kơxô̆ liăn kĭ châ lối 510 rơtal dollars. Tíu mơ’no liăn cheăng a Việt Nam hiăng đi đo châ pơhlêh ing tơdroăng pro hlá mơ-éa, pêi kêi đeăng luât, pro lĕm troăng klông ƀă mơdêk ki rơkê mơngế pêi cheăng. Kơnôm tiah mê, Việt Nam hiăng chiâng tíu troh ki má môi dêi mâu grup pơkuâ lâp plâi tơnêi ki kân. Kơnôm tiah mê, Việt Nam hiăng chiâng tíu troh ki má môi dêi mâu grup pơkuâ lâp plâi tơnêi kân. Tiah mê, tung Troăng pêi cheăng ton xŏn mơhnhôk FDI tung chal nếo dêi Việt Nam kal mâu troăng pêi ki lâi?

VOV.Xơ Đăng -  Roh pơtê leh 30/4 ƀă lơ 1/5 kố, Đà Lạt – Lâm Đồng pơtối mơhnhôk hrĭng rơpâu roh tơmối, tung mê tơmối lâp plâi tơnêi tâk 75% tâng pơchông ƀă roh kố hơnăm nah.

VOV.Xơ Đăng -  Kơxo kố, lơ 5/5, Hneăng hôp má 9, Kuô̆k hô̆i hneăng má 15 păng ‘nâng pơxiâm po a Hngêi Kuô̆k hô̆i, Hà Nội.

VOV.Xơ Đăng - Kơxê lơ 4/5, a Tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng tơdah pôa Anura Kumara Dissanayaka, Kăn xiâm pơkuâ kong têa Sri Lanka – Kăn pơkuâ Đảng Măt trâ̆n Giải phóng Nhân yân Sri Lanka (JVP), klăng roh lăm pôu râ Tơnêi têa troh a Việt Nam ƀă veăng Tĭng kân Phật đản Khu lâp kong têa (Vesak).

VOV.Xơ Đăng - Hâi lơ 4/5, pôa Phạm Minh Chính, Ngế pro xiâm hnê ngăn Chin phuh pơkuâ hôp tiah hmâ Chin phuh séa ngăn, ăm veăng tối ‘na tơdroăng cheăng kâ - rêh ối pơlê pơla khế 4 ƀă 4 khế apoăng hơnăm kố.

VOV.Xơ Đăng – Mơnhông pro rơkê ăm mơngế pơkuâ, mơngế cheăng, mê kong pơlê Dak Lak hiăng vêh mơnhên cho 1 tung 3 tơdroăng cheăng kân xiâm, pôu râng hnoăng cheăng xiâm tung pơla mơnhông pêi cheăng kâ - rêh ối pơlê pơla. Mâu hơnăm hdrối mê hía nah, kong pơlê hiăng kơhnâ khât tung tơdroăng rak vế, pêi pro tiô troăng pơkâ, troăng tơdjâ dêi Đảng ƀă Tơnêi têa vâ pêi pro mâu hnoăng cheăng kố. Maluâ ti mê, troh nôkố, tơdroăng ki châ tơƀrê kố xuân tá hâi teăm tro tiô hiâm mơno pói rơhêng vâ, tơdroăng kố hiăng pơkâ mơ’no hên tơdroăng, pơkal athế pơtối tí tăng ‘nâi plĕng, lêi tah lôi ki tơvâ tơvân mê.

VOV.Xơ Đăng -Tung rơnó tô mơdrăng, khăng khoăng, hên tơnêi kong a kong pơlê Gia Lai hiăng châ rak vế ngăn tơniăn drêng kong dế tôu téa tiah nôkố, vâ tơniăn pôi ta tro on chếo kâ kong.