VOV4.Xơ Đăng - Drêng tơbâ 69 hơnăm Hâi Ƀok thái pơkeăng Việt Nam, Kăn xiâm hnê ngăn tơnêi têa Võ Văn Thưởng pôu, rơkâu mâu Ƀok thái pơkeăng a kong pơlê Hà Nam.

VOV4.Xơ Đăng - Hâi lơ 26/2, hâi má 2 tung roh leh hâi mot pro lêng, ai 7 kong pơlê, pơlê kong kơdrâm tơkŭm po pơcháu tơdah lêng mê cho: Thanh Hóa, Nghệ An, Hà Tĩnh, Quảng Trị, Quảng Bình, Thừa Thiên Huế ƀă pơlê kong kân Hà Nội.

VOV4.Xơ Đăng - A tơring tơkăng kong Ƀuôn Đôn hiăng po hên tơdroăng cheăng tŏng kum rêh ối pơlê pơla tơmiât troh kuăn pơlê kơpong tơkăng kong ƀă lêng tơkăng kong xua Khu pơkuâ ngăn Đoân Dak Lak tơkŭm po, ối tung tơdroăng Khế pái tơkăng kong ƀă lo lăm pêi cheăng Khế Droh rơtăm hơnăm 2024.

VOV4.Xơ Đăng - Kơxo lơ 26/2, khu ki ai tơdjâk troh kong pơlê Kon Tum dế pơtối séa ngăn, pêi pro nhên rôh tơklô̆m rơxế a troăng ki ó a kong măng hâi lơ 25/2 a troăng kân Hồ Chí Minh pro 2 ngế hlâ.

VOV4.Xơ Đăng - A pơlê Kret Krot, cheăm H’Ra, tơring ‘Mang Yang, kong pơlê Gia Lai, môi lâm hnê chư châ po sap ing mơ’nui hơnăm 2023 nah. Kố cho troăng pêi ki eăng bâ dêi Trung ŭi Lê Tuấn Thành, Kŏng an cheăm H’Ra, tơring ‘Mang Yang. Mâu lêng hơnăm ối nếo kố hiăng tâng lâm hnê ƀă pói vâ hnê chư vâ kuăn pơlê hdroâng kuăn ngo Bơhnéa a kố chiâng pơchuât, chiâng chêh.

VOV4.Xơ Đăng - Kơxo lơ 25/2, a Kơpong Chôu ‘măn tơmeăm ton nah Tơnêi têa Truông Bồn, tơring Đô Lương, kong pơlê Nghệ An, Khu xiâm pơkuâ Đoân droh rơtăm Kŏng san Hồ Chí Minh tơkŭm po Leh pơxiâm pêi pro Khế Droh rơtăm hơnăm 2024 ƀă Têt pêt loăng Hơngui Giáp Thìn 2024.

VOV4.Xơ Đăng - A cheăm tơkăng kong Ea Ƀung, tơring Ea Súp, kong pơlê Dak Lak, mâu đông Mố đô̆i gâk tơkăng kong Dak Ruê ƀă Yok Bruê, tơrŭm ƀă kăn pơkuâ cheăm tơkŭm po “Hâi mơdĭng Tơkăng kong tâi tâng kuăn pơlê hơnăm 2024”.

VOV4.Xơ Đăng - Hâi lơ 25/2, lối rơtuh ngế droh rơtăm dêi 30 to kong pơlê, pơlê kong kân hơniâp ro lăm pro mố đô̆i, pêi pro hnoăng cheăng pro lêng. Kố cho rôh pơcháu, xo lêng ki apoăng. 4 to kong pơlê kơpong Tây Nguyên Kon Tum, Gia Lai, Dak Lak ƀă Dak Nông hơniâp ro pêi pro leh pơcháu tơdah xo lêng hơnăm 2024.

VOV4.Xơ Đăng - A Pơlê Mơhno túa lĕm tro - Ôm hyô mâu hdroâng kuăn ngo Việt Nam (Đồng Mô, Sơn Tây, Hà Nội), Kăn xiâm hnê ngăn tơnêi têa Võ Văn Thưởng veăng ai mâ a rôh pơxiâm po Hâi mơdĭng Mơngiơk Hngui tung lâp kơpong Tơnêi têa hơnăm 2024 xua Khu xiâm ngăn túa lĕm tro, Tơ’noăng ivá ƀă Ôm hyô tơkŭm po.

VOV4.Xơ Đăng - Klêi kơ’nâi rơnó pơtê Têt Lo hơnăm nếo, mâu hâi apoăng hơnăm nếo, a mâu tíu pêi cheăng, hngêi kơmăi dêi hên khu mơdró kâ tung lâp kong pơlê Dak Lak hiăng hơniâp ro tung tơdroăng pêi cheăng, pêi chiâk pêi deăng. Ƀă tơdroăng ki pói tơngah ing mơdró kâ, ƀă hiâm tuăn ki tơngah nếo, ivá mơno kơdo mơ-eăm tơkâ luâ xahpá, mâu khu mơdró kâ Dak Lak púi vâ môi hơnăm nếo châ ai hên tơdroăng ƀlêi trâng nếo.