VOV4.Xơ Đăng - A rôh tơdah pôa Jim Chalmers, Ngế xiâm ngăn liăn ngân Australia, péa ngế xiâm ngăn liăn ngân hiăng tơpui ‘na tơdroăng cheăng tung la ngiâ cheăng kâ Đông Nam Á troh hơnăm 2040 dêi Australia; tơrŭm ‘na kong prâi hơ’lêh ƀă liăn ngân krá tơniăn.

VOV4.Xơ Đăng - Pơlê kong kơdrâm Đà Lạt, Lâm Đồng dế thâ rơnêu bro tíu kơdrâm kuăn pơlê rêh ối tê mơdró, hbrâ mâu tơdroăng xiâm vâ tơkŭm po hên tơdroăng ki kal tung khế 12 la ngiâ vâ tơmiât troh leh tơbâ 130 hơnăm mơjiâng ƀă mơnhông.

VOV4.Xơ Đăng - Mâu hơnăm hdrối mê hía nah, khu kăn ƀô̆, lêng gak tíu tơkăng kong dêi Đông Dak Ruê, ối tung Mô đô̆i gak tơkăng kong dêi kong pơlê Dak Lak hiăng rak tơniăn lĕm tơdroăng “Kuăn roăng mô đô̆i gak tíu tơkăng kong”, “Chông djâ chêng o troh hngêi trung”, “Hngêi trung phâi tơtô” lơ mâu túa pêi cheăng kâ, pêt báu klâng, păn ro kăn, hbru kum hdrê pu pái ƀă hên hĕng mâu tơdroăng cheăng ki ê kum kuăn pơlê kơdroh kơklêa xăm kơtiê, tơniăn tơdroăng rêh kâ ối.

VOV4.Xơ Đăng - Kơxê hâi lơ 13/11, a tíu pêi cheăng dêi Kăn xiâm hnê ngăn tơnêi têa, Kăn xiâm hnê ngăn tơnêi têa Võ Văn Thưởng tơdah Đăi tươ̆ng Tea Seiha, Ngế pro xiâm phŏ hnê ngăn, Ngế xiâm pơkuâ ngăn lêng kong têa Kul dế pôu pêi cheăng a Việt Nam.

VOV4.Xơ Đăng - Xuân tung kơxê lơ 13/11, Ngế pro xiâm hnê ngăn tơnêi têa Phạm Minh Chính hiăng tơdah Đăi tươ̆ng Tea Seiha, Ngế pro xiâm phŏ hnê ngăn, Ngế xiâm pơkuâ ngăn lêng kong têa Kul dế ối pôu, pêi cheăng a Việt Nam.

VOV4.Xơ Đăng - Hâi lơ 13/11, Kăn xiâm phŏ hnê ngăn tơnêi têa Võ Thị Ánh Xuân hiăng veăng hôp hâi leh Kân tơrŭm môi tuăn tâi tâng hdroâng mơngế a kơpong kuăn pơlê ối a kơtâu Bà  Chăng A, cheăm Châu Thới, tơring Vĩnh Lợi, kong pơlê Bạc Liêu.

VOV4.Xơ Đăng - Kơxê hâi lơ 13/11, khu xiâm ngăn ‘na Chiâk deăng ƀă mơnhông thôn pơlê dêi Lâm Đồng ăm ‘nâi hiăng ai hlá mơ-éa chêh pơtroh ăm Vi ƀan kong pơlê pơkâ thế ai luât pơkâ tŏng kum môi iâ liăn rơkâ ing liăn ngân tơnêi têa ăm mâu ngế, khu tơrŭm cheăng, khu mung liăn vâ xĕn tah, pơ’lêh, ‘mâi rơnêu hngêi nhĕng lo ing kơpong kơphô̆ Đà Lạt.

VOV4.Xơ Đăng - Pêi pro troh tơbâ 41 hơnăn Hâi hnoăng cheăng thái cô Việt Nam, kơxo lơ 13/11, kăn xiâm hnê ngăn tơnêi têa Võ Văn Thưởng hiăng troh pôu ƀă rơkâu hâi hnoăng cheăng thái cô Việt Nam a hngêi trung Đại học Khoa học Xã hội và Nhân văn (Đại học Quốc gia Pơlê kong kân Hồ Chí Minh).

VOV4.Xơ Đăng - Kơxo hnah, lơ 13/11, a tíu pêi cheăng Khu xiâm pơkuâ lêng, Đăi tươ̆ng Phan Văn Giang, Kăn cheăng tung Khu xiâm kal kí, Kăn xiâm phŏ pơkuâ cheăng lêng kơvâ cheăng Đảng tơnêi têa, Ngế xiâm pơkuâ lêng Việt Nam pơkuâ leh tơdah Đăi tươ̆ng Tea Seiha, Ngế pro xiâm hnê ngăn tơnêi têa, Ngế xiâm pơkuâ lêng kong têa Kul lăm pôu pêi cheăng a Việt Nam.

VOV4.Xơ Đăng - Kơxo lơ 13/11, a Hà Nội hiăng po Rôh hôp tơrŭm hang lơng cheăng kâ pơla 5 to kong pơlê, pơlê kong kân mê cho Hà Nội, Hải Phòng, Quảng Ninh, Lào Cai (Việt Nam) ƀă Bân Nam (Sinuâ) rôh má 10; tơkŭm lối 200 ngế kăn tơpui ‘na tơdroăng ‘no liăn pêi cheăng, tê mơdró; Mơhno túa lĕm tro, khăm pơlât, hnê hriâm, ôm hyô; Troăng prôk pơto chơ tơmeăm, logistic.