VOV4.Xơ Đăng - A kơpong Tây Nguyên, tơdroăng dêi hâi lăm pro mô đô̆i dế kơdrâm phiu ro, Rơtăm hâk vâ, tơnăng pleăng xêh mot pro mô đô̆i, tung mê ai hên vâi rơtăm hdroâng kuăn ngo, cho đảng viên, ƀă mâu sinh viên hiăng mơgêi đăi hok.

VOV4.Xơ Đăng - Pơtối mâu tơdroăng a Hneăng hôp khu râ kăn xiâm Chin phuh Lâp plâi tơnêi 2025 a Dubai, Mâu kong têa Arab Thống nhất, hâi lơ 12/2, pôa Bùi Thanh Sơn, Phŏ Ngế pro xiâm hnê ngăn tơnêi têa hiăng ai mâu ƀai xông tơpui ki kal.

VOV4.Xơ Đăng - Tơpui tơno a tôh ‘na Tơdroăng tơkêa bro Luât Tơbleăng mơ-éa pơkâ luât (‘mâi rơnêu), kơxo lơ 12/2, pôa Trần Thanh Mẫn, Kăn xiâm hnê ngăn Kuô̆k hô̆i tối nhên, kal thăm pôu râng hnoăng cheăng troh tá tui lui dêi mâu kơ koan chêh luât.

VOV4.Xơ Đăng - Tơpui a rôh po Hneăng hôp ôh tá tối hdrối rôh má 9 (Kuô̆k hô̆i hneăng 15) kơxo lơ 12/2, pôa Trần Thanh Mẫn, Kăn xiâm hnê ngăn Kuô̆k hô̆i ăm ‘nâi, Hneăng hôp kố ai pơxúa kal khât, vâ rĕng séa ngăn, pơkâ hên tơdroăng ki kal pêi pro tơdrêng.

VOV4.Xơ Đăng - Ôm hyô ngăn nhâ loăng, chiâk deăng túa nếo, ăm hlo hên a Đà Lạt, kong pơlê Lâm Đồng tơ’mot hên ngế tơmối hâk troh vâ lăm ngăn. La xua tơvâ hên tơdroăng pơkâ, malối ôh tá chiâng phêp mơjiâng pro mâu tơmeăm khoăng a tơnêi pêi chiâk pro túa ôm hyô ki ‘mot tơmối mê pá vâ châ tơƀrê. Luât tơnêi tíu hơnăm 2024 xêt ƀă hiăng po tơngah troăng hơlâ ki nếo, gum ăm tơdroăng ôm hyô ngăn ‘na chiâk deăng dêi kong pơlê kố châ mơnhông rơdêi tung la ngiâ.

VOV4.Xơ Đăng - Tơpui a tôh, pôa Lương Cường, Kăn xiâm hnê ngăn tơnêi têa tối nhên xiâm tơdroăng ki thế pro rế lĕm rah iâ mơngế pêi cheăng, vâ tơdroăng cheăng pêi xêt, tơƀrê, pơxúa. Tơdroăng tơkŭm rah nếo mơngế pêi cheăng ăm tơnêi têa tro tâ, tơƀrê tâ.

VOV4.Xơ Đăng -  Hâi lơ 11/2, tung tơdroăng veăng Hneăng hôp khu râ kăn xiâm Chin phuh Lâp plâi tơnêi 2025 a Mâu kong têa Arab Thống nhất UAE, pôa Bùi Thanh Sơn, Phŏ Ngế pro xiâm hnê ngăn tơnêi têa hiăng ai mâu roh trâm mâ ƀă pôa Mansour bin Zayed Al-Nahyan, Phŏ Kăn xiâm pơkuâ kong têa UAE.

VOV4.Xơ Đăng - Pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp tơpui mơnhông khoa hok, kŏng ngê̆, pơ’lêh nếo hriê̆n plĕng ki nếo ƀă mơngế pêi cheăng rơkê mơnhông cheăng kâ.

VOV4.Xơ Đăng - Vi ƀan hnê ngăn kuăn pơlê kong pơlê Gia Lai nếo pơtroh ăm Hô̆i đong kuăn pơlê kong pơlê Hneăng má 12 ‘na tơdroăng nếo pro rế lĕm mâu kơ koan cheăng ăm tơnei têa dêi Vi ƀan kuăn pơlê kong pơlê, tiô troăng pơkâ thế tah 5 tíu pêi cheăng ƀă mơjiâng pro 2 tíu pêi cheăng ki nếo.

VOV4.Xơ Đăng - Hâi lơ 11/2, Khu pơkuâ tơdroăng cheăng Đảng kong pơlê Gia Lai hiăng tơbleăng ‘na tơdroăng pơtê cheăng hdrối hơnăm chiâng vâ pơtê cheăng ƀă 3 kăn ƀô̆ ối tung khu kăn pơkuâ tiô tơdroăng pói vâ krê.