VOV4.Xơ Đăng - Kơxê lơ 6/1, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh, Ngế xiâm pơkuâ Khu hnê mơhno cheăng dêi Chin phuh ‘na “Mơgêi tơdroăng cheăng pêi pro Pơkâ kơxô̆ 18 dêi Tíu xiâm Tơnêi têa hneăng 12 ‘na pơtối pơhlêh nếo, xing xoăng khu tơrŭm cheăng tơnêi têa dêi khu pơkuâ tơdroăng kal kí iâ tơkŭm, pêi cheăng xêt tơƀrê” pơkuâ po Rôh hôp má tơheăm dêi Khu hnê mơhno cheăng.

VOV4.Xơ Đăng - Kơxê hâi lơ 6/1, pôa Tô Lâm, Kăn xiâm pơkuâ hnê ngăn Đảng, Kăn hnê ngăn Đảng lêng xiâm tơnêi têa hiăng troh lăm pôu hlối pêi cheăng ƀă Kuân đoân 34 - Kuân đoân  nếo mơjiâng ing Kuân đoân 3  ƀă Kuân đoân 4, tiô tơdroăng ‘’rah xo iâ mơngế, pêi cheăng rơdêi’’  tiô pơkâ dêi Khu xiâm Kal kí ‘na tơkŭm Khu lêng kuăn pơlê Việt Nam.

VOV4.Xơ Đăng - Kơxê hâi lơ 6/1, pôa Phạm Minh Chính, Ngế pro xiâm hnê ngăn tơnêi têa hiăng trâm mâ thái hnê kơtú cho Kim Sang Sik ƀă Khu kơtú ƀa long Việt Nam a Ƀơrô Chin phuh klêi khu kơtú ƀa long troh a Ƀơrô cheăng Chin phuh, ƀă hnoăng ki châ kâ ối má môi ASEAN Cup 2024.

VOV4.Xơ Đăng - Kơxê hai lơ 6/1, a tíu pêi cheăng Đảng pơlê kong krâm Buôn Hồ, Kăn hnê ngăn Đảng kong pơlê Dak Lak tơkŭm po hôp tơbleăng mâu pơkâ ‘na tơdroăng cheăng kăn ƀô̆.

VOV4.Xơ Đăng - Kơxo lơ 6/1, pôa Phạm Minh Chính, Ngế pro xiâm hnê ngăn tơnêi têa veăng Hneăng hôp mơgêi tơdroăng pêi cheăng hơnăm 2024 ƀă troăng pêi la ngiâ, hnoăng cheăng hơnăm 2025 dêi kơvâ tơpui kâ ƀă kong têa ê.

VOV4.Xơ Đăng - Kơxo lơ 6/1, Vi ƀan hnê ngăn kong pơlê Dak Nông tơkŭm po hôp tơbleăng tơdroăng kal ‘na tơdroăng cheăng kâ rêh ối pơlê pơla hơnăm 2024 ƀă túa pơkâ pêi tơdroăng cheăng tung hơnăm 2025 dêi kong pơlê.

VOV4.Xơ Đăng - Kơxo lơ 6/1, a Gia Lai, pôa Tô Lâm, Kăn xiâm pơkuâ hnê ngăn cheăng Đảng pơkuâ po rôh pêi cheăng ƀă tâi tâng kăn pơkuâ xiâm dêi kong pơlê ‘na tơdroăng mơnhông cheăng kâ rêh ối pơlê pơla a kong pơlê.

VOV4.Xơ Đăng - Tung pơla kố nah, tơdroăng pêi pro Pơkâ 18 ‘na rah xo bro lế lĕm tro ‘na khu pêi cheăng kơ koan hiăng chiâng hnoăng cheăng ki xiâm tung tơdroăng pơhlêh tơtro khu pêi cheăng tơnêi têa, mê a kong pơlê xuân Dak Lak xuân pêi pro tro tơdroăng mê há. Châ mơnhên cho môi roh pơhlêh, tơdroăng bro lế lĕm tro khu pêi cheăng ôh tá xê to pơkâ ‘na khu tơkŭm pêi pro mê ối cho troăng prôk ki kal vâ mơdêk châ tơƀrê tung pơkuâ, kơdroh tơdroăng ki tơvâ tơvân, nôkố mơjiâng khu cheăng kal kí rơkê cheăng, ƀeăn ƀĕng.

VOV4.Xơ Đăng - Kơmăng lơ 5/1, klêi kơ’nâi Khu kơtú ƀalong Tơnêi têa Việt Nam châ kâ ối má môi ASEAN Mitsubishi Electric Cup 2024, pôa Phạm Minh Chính, Ngế pro xiâm hnê ngăn tơnêi têa hiăng ai Kơthô kheăn kơdeăn.

VOV4.Xơ Đăng - Kơmăng lơ 5/1, pôa Tô Lâm, Kăn xiâm pơkuâ hnê ngăn Đảng hiăng troh veăng ƀă xông tơpui a Leh tơbâ 50 hơnăm Hâi tơleăng lĕm Phước Long, kong pơlê Bình Phước.