VOV4.Xơ Đăng - Kơxê hâi lơ 2/1, a pơlê kong kơdrâm Đà Lạt, kong  pơlê Lâm Đồng hiăng po hôp tơbleăng tơdroăng tơrŭm cheăng séa ngăn tơmeăm dâi lĕm pơla Pơlê kong kân Hồ Chí Minh ƀă 5 to kong pơlê kơpong Tây Nguyên.  Tơdroăng mê ai pơxá cho “Tick ngiât hnoăng cheăng” xua Pơlê kong kân Hồ Chí Minh tơbleăng sap khế 3/2024 nah. Ki xiâm hnê pêi pro châ tơniăn, krá ton ing kơchơ tê mơdró tiô tơdroăng pơkâ tơná ngế ki mê vâ dêi, ôh tá pơkí kơtôa ƀă athế tơdrăng khât.

VOV4.Xơ Đăng - Kơxo lơ 2/1, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa hiăng diâp kơlŏng Kăn teăng mâ tơnêi têa Kŏng hòa Xah hô̆i chuh nghiah Việt Nam ăm mâu kăn ƀô̆, kong chưk dêi Khu xiâm tơpui kâ hơnăm 2024.

VOV4.Xơ Đăng - Pêi pro hnê mơhno dêi Ngế pro xiâm hnê ngăn Chin phuh, rêm râ, mâu kơvâ cheăng dêi kong pơlê Dak Lak ƀă mâu tíu pêi cheăng pro troăng dế mơ-eăm tơbleăng mâu troăng hơlâ mơdêk rĕng vâ pro klêi troăng kân Khánh Hòa – Ƀuôn Ma Thuột. Mâu hâi apoăng dêi hơnăm nếo 2025, tá hâi Têt Lo hơnăm nếo, lối rơpâu ngế kŏng nhân a tíu pêi cheăng mê xuân ối kơhnâ pêi cheăng. Ki xiâm cho vâ troh mơ’nui hơnăm 2025 pro klêi 68 km troăng ki apoăng dêi tơdroăng tơkêa troăng kân Khánh Hòa – Ƀuôn Ma Thuột, veăng gum mơdêk cheăng kâ rêh ối pơlê pơla ăm kơpong Tây Nguyên.

VOV4.Xơ Đăng - Kơxo lơ 2/1, pôa Phạm Minh Chính, Ngế pro xiâm hnê ngăn tơnêi têa hiăng pơkuâ Roh hôp má 7 dêi Khu hnê mơhno Chin phuh ‘na ‘’mơgêi tơdroăng pêi pro Pơkâ kơxô̆ 18-NQ/TW Tơnêi têa hneăng má XII ‘na pơtối pơhlêh nếo, rah xo bro lế lĕm tro khu râ kăn pêi cheăng kal kí, pêi cheăng xêt khât, châ tơƀrê’’.

VOV4.Xơ Đăng – A kong pơlê Kon Tum, tơdroăng “Mố đô̆i hneăng hdrối gum dêi rơpó kơdroh kơtiê, pêi cheăng kâ rơkê” tơdjâk rơdêi tung hên kơvâ cheăng: pêt tơmeăm khoăng, păn mơnăn mơnoâ, tê mơdró, uâ pơliê tơmeăm pêi lo ing chiâk deăng gum mâu mố đô̆i hneăng hdrối mơdêk tơdroăng rêh ối ƀă gum mâu ngế tung khu ki ai tơdroăng rêh ối pá puât mơ-eăm hluăn ing kơtiê krá ton.

VOV4.Xơ Đăng - Pêi pro hnê mơhno dêi Ngế pro xiâm hnê ngăn Chin phuh, hnoăng cheăng tí tăng tŏng xo ngế ki hía klêi kơ’nâi rôh xía vâ tung pêi cheăng a hngêi kơmăi kơmok on tơhrik Đăk Mi 1, cheăm Đăk Choong, tơring Đăk Glei, kong pơlê Kon Tum xuân dế ối châ tí tăng.

VOV4.Xơ Đăng - A hneăng hôp chuyên đề rôh má 16, hneăng 10, pơla hơnăm 2021 – 2026, Hô̆i đong hnê ngăn kong pơlê Dak Lak hiăng tơbleăng 2 tơdroăng pơkâ ki kal tơdjâk troh kơvâ cheăng khăm pơlât ƀă troăng hơlâ tŏng gum rêh ối pơlê pơla a kong pơlê.

VOV4.Xơ Đăng - Kong pơlê Gia Lai dế pêi pro mâu troăng pơhlêh nếo ó rơdêi tung khu cheăng ƀă pro lế lĕm tro khu pêi cheăng tơnêi têa tiô hiâm mơno Pơkâ kơxô̆ 18 dêi Khu xiâm pơkuâ Đảng hneăng má XII, vâ pro lế lĕm tro tíu ki xiâm ƀă mơdêk xêt khât, châ tơƀrê tơdroăng pêi cheăng.

VOV4.Xơ Đăng - Klăng roh leh tơbâ 80 hơnăm hâi Mơjiâng khu lêng kuăn pơlê Việt Nam ƀă 35 hơnăm hâi Xah hêi ro gâk kring tơnêi têa tâi tâng kuăn pơlê, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hiăng trâm mâ Khu râ kăn teăng mâ ngế ai hnoăng Trung đoân 271, Kuân khu Trị Thiên.

VOV4.Xơ Đăng - A Hà Nội, Khu pơkuâ xiâm Tơnêi têa tơkŭm po hneăng hôp mơ’no tơdrêng tung um tiô troăng hyôh măng tơdjêp troh mâu tíu hrik hyôh măng tung lâp tơnêi têa mơgêi tơdroăng pêi cheăng Kơvâ tơdroăng xiâm Đảng ƀă tơdroăng cheăng dêi Khu hnê mơhno hbrâ mơdât kâ kơhveăm liăn ngân, mơ’nhê liăn tê kơtê, tơdroăng ki ôh tá lĕm tro râ kong pơlê hơnăm 2024, troăng pêi hnoăng cheăng hơnăm 2025.