VOV.Xơ Đăng - Hneăng tơ’noăng trung hok phôh thong hơnăm 2025 dế vâ chê troh. A mâu kong pơlê Tây Nguyên môi tiah Kon Tum ƀă Dak Lak, tơdroăng ki hriâm rơbot ƀai dế mot tung hneăng má mơ’nui, malối cho a mâu hngêi kơpong hngế hngo, tíu ki ai hên hok tro hdroâng kuăn ngo hriâm. Sap ing lâm hriâm ki kŭn a Tu Mrông troh mâu tíu tơ’noăng ki kân a Dak Lak, thái ƀă hok tro dế mơ-eăm rêm hâi. Kơvâ ngăn hnê hriâm kong pơlê hiăng hbrâ rơnáu tâi mâu túa pơkâ vâ hneăng tơ’noăng hơnăm kố po kơtăng, tơniăn ƀă tro pơkâ.

VOV.Xơ Đăng - Hneăng tơ’noăng mơgêi râ má pái phôh thong hơnăm 2024 – 2025 a Dak Nông ai 8.540 ngế hok tro veăng tơ’noăng.

VOV.Xơ Đăng - Hâi lơ 10/6, pôa Nguyễn Hòa Bình, Phŏ Ngế pro xiâm hnê mơhno má môi hiăng pêi cheăng ƀă Vi ƀan kong pơlê Dak Lak vâ tah lôi, tơleăng mâu roh xăm tối, xăm tơkêng ki lôi ton.

VOV.Xơ Đăng - Kơxê lơ 10/6, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa hiăng trâm mâ mâu ngê̆ nhân ki kơhnâ rơkê troh ing lối 5.400 pơlê tung lâp tơnêi têa, klăng roh leh tơbâ 20 hơnăm hâi mơjiâng Khu tơrŭm Pơlê pêi cheăng tiô khôi vâi krâ nah Việt Nam.

VOV.Xơ Đăng - Kơxê hâi lơ 10/6, a tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng hiăng tơdah pôa Alex Rogers, Kăn xiâm hnê ngăn pơkuâ tơdroăng Kal tung lâp plâi tơnêi dêi Grup Qualcomm (Mih).

VOV.Xơ Đăng - Tung rôh lăm pôu Pơhlăng, hâi lơ 10/6, pôa Phạm Minh Chính, Ngế pro xiâm hnê ngăn tơnêi têa ƀă kơdrâi pôa hiăng trâm kăn teăng mâ kuăn pơlê mơngế Việt Nam ƀă mâu kăn ƀô̆ mâu kơ koan teăng mâ a Pơhlăng.

VOV.Xơ Đăng - Pôa Phạm Minh Chính, Ngế pro xiâm hnê ngăn tơnêi têa nếo ai mơ-éa ki kal pơtroh Kăn xiâm mâu Khu xiâm: Kŏng an, Mơjiâng tơmeăm, Pêi chiâk deăng ƀă Kong prâi, Kơmăi kơmok tê mơdró; Kăn hnê ngăn Vi ƀan Kuăn pơlê mâu kong pơlê, pơlê kong kơdrâm ối tung tơnêi têa ‘na pơkuâ, rak tơniăn yă tơmeăm mơjiâng pro hngêi trăng.

VOV.Xơ Đăng - Kơxo lơ 9/6, a pơlê kong kơdrâm Việt Trì, pôa Tô Lâm, Kăn xiâm pơkuâ hnê ngăn Đảng pơkuâ roh pêi cheăng ƀă Khu pơkuâ hnê mơhno tơdroăng cheăng Đảng mâu kong pơlê Phú Thọ, Vĩnh Phúc ƀă Hoà Bình ‘na tơdroăng ki ai ƀă tơdroăng châ tơƀrê po rơdâ pêi pro mâu Pơkâ, Mơgêi dêi Tơnêi têa;

VOV.Xơ Đăng - Hâi lơ 9/6, drêng veăng hôp a Rôh hôp Khu râ kăn xiâm rôh má 3 dêi Khu lâp kong têa ‘na Têa kơxĭ a Pơhlăng, pôa Phạm Minh Chính, Ngế pro xiâm hnê ngăn Chin phuh hiăng ai 2 rôh trâm Kăn hnê ngăn Hô̆i đong Châu Âu Antinio Costa ƀă Kăn hnê ngăn Vi ƀan châu Âu Ursula von der Leyen.

VOV.Xơ Đăng - Ƀă hnoăng cheăng xiâm cho thăm mơdêk tơdroăng ki rơkê plĕng tung pơkuâ ngăn, rak vế tơdâng tung châ hnê hriâm ăm rêm ngế kuăn pơlê, ki rơhêng vâ tối cho kuăn ‘nĕng hdroâng kuăn ngo ki iâ mơngế, Đảng ƀă Tơnêi têa hiăng mơ’no hên troăng tơdjâ, hnoăng tŏng gum kơjo pêi pro vâ mơnhông ‘na hnê hjriâm a pơlê cheăm kơpơng hơngế hơngo, kơpong ki malối kơtiê xahpá môi tiah a Tây Nguyên. Roh hop “Ki păng’nâng ‘na hnê hriâm ƀă Hnê mơjiâng tuăn ngôa rơkê kơpong Tây Nguyên ƀă veăng hnê tối, mơjiâng Tơdroăng tơkêa pêi thăm mơdêk ki dâi rơkê ăm hnê hriâm, hnê mơjiâng tuăn ngôa rơkê ăm hdroâng kuăn ngo a Tây Nguyên” xua Khu xiâm ngăn’na hnê hriâm ƀă Hnê mơjiâng tuăn ngôa rơkê tơnêi têa tơkŭm po a kong pơlê Dak Lak nếo achê kố cho ki xiâm vâ mơnhên tơdroăng mê.