VOV.Xơ Đăng - A roh tâi tâng 4 hneăng hôp tơpui tơno ‘na Liăn ngân ƀă Cheăng kâ krúa lĕm, tơkŭm po hâi lơ 8/6 a kong têa Monaco, pôa Phạm Minh Chính, Ngế pro xiâm hnê ngăn tơnêi têa mơnhên Việt Nam đi đo cho khu tơrŭm ki loi tơngah, hbrâ rơtế mâu kong têa lâp plâi tơnêi tung mơ-eăm gâk kring têa kơxĭ.

VOV.Xơ Đăng – Rak vế, pêi pro troăng pơkâ dêi Khu xiâm ngăn Đảng ‘na mơnhông cheăng khoa hok, kŏng ngê̆ ƀă xúa hyôh internet, mâu kong pơlê, cheăm a Tây Nguyên dế kơhnâ khât tung tơdroăng pơkâ pêi pro tiô túa ki rơkê plĕng nếo, tơtro ƀă tơdroăng ki ai păng ‘nâng. A Gia Lai, tơdroăng cheăng “Uân pơxiâm hriâm cheăng pêi tung hyôh internet” hiăng châ pơkâ pêi pro ƀă hnoăng cheăng xiâm cho vâ hnê tối, mơjiâng ki rơkê plĕng ƀă túa pêi pro troh ăm tơrêm ngế kuăn pơlê, tơrêm pơlê pơla, maluâ a pơlê cheăm ối kơpong hơngế, kơpong hơngo.

! VOV.Xơ Đăng - Ôh tá xê to rơneăm rơnuâ um a ếo pơtâk kuăn ngo ki hmâ xâp tung mâu hâi mơdĭng, hmôu jiâ ếo pơtâk Tây Nguyên nôkố hlo hên tâ a mâu rôh mơđah ếo pơtâk lĕm pơchoh tiô túa nếo, chiâng ché ki xiâm tung mâu ếo pơtâk chêp xâp mơđah, mâu ếo pơtâk chêp tiô túa nếo nôkố lơ mâu ếo pơtâk hmâ xâp rêm hâi. Ing mê, ếo pơtâk teăn hiăng ai túa pêi pro nếo, pơ’lêh tơdroăng ki mơhno drêng xâp ‘’u ối’’ tơdrêng ƀă rơxông nếo.

VOV.Xơ Đăng -  Kơxo lơ 5/6, pôa Phạm Minh Chính, Ngế pro xiâm hnê ngăn tơnêi têa ƀă kơdrâi pôa rơtế Khu râ kăn teăng mâ râ kăn xiâm Việt Nam hiăng troh pơlê kong xiâm Tallinn, pơxiâm roh lăm pôu pêi cheăng păng ‘nâng Kŏng hoa Estonia tiô rơkong krếo thế dêi pôa  Kriste Michal, Ngế pro xiâm hnê ngăn kong têa Estonia.

VOV.Xơ Đăng - Kơxo hâi lơ 5/6 a tíu pêi cheăng xiâm Đảng xua ing hnoăng pơkuâ hôp dêi pôa Tô Lâm, Kăn xiâm pơkuâ hnê ngăn Đảng, Ngế xiâm hnê mơhno hneăng hôp má môi Khu hnê mơhno Xiâm tơnêi têa 'na tơdroăng pê klêi pơkâ ƀă luât.

VOV.Xơ Đăng - Kơxo hâi lơ 5/6, a Tíu pêi cheăng Xiâm tơnêi têa, pôa Lương Cường, Kăn xiâm hnê ngăn tơnêi têa pơkuâ Hôp pêi cheăng ƀă Khu kăn Đảng kong pơlê Quảng Ninh ‘na tơdroăng pêi pro tiô Pơkâ hôp rôh má 11  Khu kăn Xiâm Đảng hneăng XIII.

VOV.Xơ Đăng - Hâi lơ 4/6, pôa Trần Hồng Hà, Kăn hnê ngăn Vi ƀan kong pơlê Lâm Đồng pơkuâ Hneăng hôp mơ’no tơdrêng tung um tiô troăng hyôh măng lâp kong pơlê mơnhên pêi pro pơkâ pêi cheăng kâ – rêh ối pơlê pơla 5 khế apoăng hơnăm 2025; hnoăng cheăng, troăng pêi khế 6/2025.

VOV.Xơ Đăng - Kơxê lơ 4/6, a Tíu pêi cheăng Kăn xiâm hnê ngăn tơnêi têa, jâ Võ Thị Ánh Xuân, Phŏ Kăn xiâm hnê ngăn tơnêi têa trâm mâ khu ngế teăng mâ 100 ngế ki pleăng mơheăm hên xôh má môi lâp tơnêi têa 2025.

VOV.Xơ Đăng - Pôa Tô Lâm, Kăn xiâm pơkuâ hnê ngăn Đảng pơkuâ roh pêi cheăng ƀă Khu pơkuâ tơdroăng cheăng Đảng pơlê kong kân Cần Thơ ƀă Khu hnê mơhno mâu kong pơlê Sóc Trăng ƀă Hậu Giang ‘na tơdroăng po rơdâ pêi pro mâu tơdroăng pơkâ, mơgêi dêi Khu xiâm tơnêi têa.

VOV.Xơ Đăng - Kơxo má lơ 5/6, pôa Phạm Minh Chính, Ngế pro xiâm hnê ngăn Chin phuh ƀă Kơdrâi pôa rơtế ƀă Khu râ kăn xiâm Việt Nam lo ing pơlê kong xiâm Hà Nội vâ veăng hôp a Rôh hôp Đại dương Khu lâp kong têa rôh má 3 (UNOC 3)