VOV.Xơ Đăng - Kơxo lơ 2/6, a Pơlê kong kơdrâm Ƀuôn Ma Thuột (Dak Lak), Ƀaoh hiêm xah hô̆i Việt Nam po Hôp tơbleăng ƀă diâp Pơkâ ‘na hnoăng cheăng kăn ƀô̆ ối tung Ƀaoh hiêm xah hô̆i kơpong XXVI, cho tíu pêi cheăng nếo mơjiâng tung tơdroăng ki tơkŭm Ƀaoh hiêm xah hô̆i Dak Lak ƀă Phú Yên.

VOV.Xơ Đăng - Khu ngăn hnê hriâm ƀă hnê mơjiâng tuăn ngoâ rơkê kong pơlê Kon Tum ăm ‘nâi, tơdroăng ki tơ’noăng mot hriâm apoăng râ hơnăm kố châ kong pơlê rĕng po tâ 1 khế vâ rak tơniăn pêi pro troăng hơlâ klâ xoăng, ‘mot tơkŭm mâu tíu pêi cheăng rêm râ.

VOV.Xơ Đăng - Kơxo lơ 2/6 a Gia Lai, pôa Tô Lâm, Kăn xiâm pơkuâ hnê ngăn cheăng Đảng pơkuâ djâ khu kăn ki pêi dêi hnoăng cheăng dêi Tơnêi têa pôu ƀă pơkuâ rôh pêi cheăng ƀă Khu pơkuâ ngăn Đảng Gia Lai ƀă khu pơkuâ ngăn Đảng Bình Định ‘na tơdroăng ki pêi pro Pơkâ Rôh hôp má 11 Khu pơkuâ xiâm Đảng hneăng 13 dêi 2 to kong pơlê.

VOV.Xơ Đăng - Kơxo lơ 2/6, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa – Kăn xiâm hnê ngăn Hô̆i đong Gâk kring tơnêi têa ƀă gâk kring tơniăn pơkuâ Roh hôp má 6 Hô̆i đong gâk kring tơnêi têa ƀă gâk kring tơniăn hneăng hơnăm 2021 – 2026.

VOV.Xơ Đăng -  A tơring Chư Păh, kong pơlê Gia Lai, Khu xiâm pơkuâ Đoân Droh rơtăm Kŏng san Hồ Chí Minh hiăng tơkŭm po Leh lo lăm pêi cheăng droh rơtăm pleăng hnoăng cheăng rơnó pơtê hriâm râ Tơnêi têa ƀă môi tuăn pêi pro khế pêi cheăng tŏng gum vâi hdrêng hơnăm 2025.

VOV.Xơ Đăng -  Tiô tối hdrối tơdroăng Roh hôp má 46, Vi ƀan Pơkuâ Kuô̆k hô̆i tơpui tối ‘na tơdroăng pêi xiâm ki kal, tung mê ai Tơdroăng tơkêa bro rah xo bro lế lĕm tro tíu pêi cheăng tơnêi têa râ kong pơlê hơnăm 2025.

VOV.Xơ Đăng - Klăng hâi lâp plâi tơnêi vâi hdrêng (1/6), pôa Tô Lâm, Kăn xiâm pơkuâ hnê ngăn Đảng troh lăm pôu mơhnhôk ƀă diâp kơxuô tơmeăm kơdrâm kơdrĕng mâu vâi o hok tro hngêi trung Râ má péa Nguyễn Đình Chiểu ƀă Râ má péa Xã Đàn, pơlê kong xiâm Hà Nội.

VOV.Xơ Đăng - Pơhlêh kơxô̆, cho cheăng tung kơmăi kơnôm ai troăng hyôh internet ôh tá xê to tơdroăng cheăng krê dêi kơvâ kŏng ngê̆, mê hiăng ƀă dế mot tung rêh ối, pêi cheăng kâ. A Dak Lak, pơhlêh kơxô̆ dế hiăng châ pêi pro tung mâu kuăn pơlê kơnôm ing mâu phôn râng kŏng ƀă mâu khu ki tơdjêp Zalo dêi kơtâu kơtéa, tôh kơphô̆. Mơnhên tối “kuăn pơlê ‘nâi xúa pơhlêh kơxô̆” cho tơdroăng ki xiâm ƀă tơdoăng ki mơnhông pơlê pơla rơkê xúa kơmăi tơdjêp ƀă hyôh internet, tơdrêng amê, pơkâ tơdroăng ki ƀlêi chiâng dêi tơdroăng cheăng mê a 3 râ: khu kăn pơkuâ ngăn ƀă hyôh kơmăi, pêi cheăng kâ hyôh kơmăi ƀă rêh ối, cheăng kâ pơlê pơla ƀă hyôh kơmăi chal nếo, mê kong pơlê Dak Lak dế thăm pêi pro rơdêi ‘na tơdroăng cheăng kố.

VOV.Xơ Đăng - Hâi lơ 30/5, a Tíu xiâm Pơkuâ hnê ngăn cheăng Đảng, pôa Tô Lâm, Kăn xiâm pơkuâ hnê ngăn hiăng tơdah pôa Thongsalith Mangnomek, Kăn hnê ngăn Ƀơrô xiâm Đảng Nhân yân Kăch măng Lếo dế ai roh lăm pôu pêi cheăng a Việt Nam.

VOV.Xơ Đăng - Kong pơlê Dak Lak hiăng thăm mơdêk tơdroăng hnê khĕn, tối pơtâng, mơdât tơdroăng ki ôu hât a mâu tíu pêi cheăng, tíu rêh kâ ối.