VOV4.Xơ Đăng - Hâi lơ 15/12, Klăng roh leh tơbâ 70 hơnăm Pôa Hồ vêh ối ƀă pêi cheăng tung Kơpong Tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm pơkuâ hnê ngăn Đảng hiăng troh têk nhang tơbâ Pôa Hồ a Hngêi 67.

VOV4.Xơ Đăng - Kơxê hâi lơ 15/12, pôa Phạm Minh Chính - Ngế pro xiâm hnê ngăn tơnêi têa hiăng lăm ngăn mâu tíu pêi cheăng hlối pêi cheăng ‘na tơdroăng tơbleăng pêi tơdroăng tơkêa bro troăng kân tơdrăng Cần Thơ - Cà Mau pơla troăng Hậu Giang - Cà Mau.

VOV4.Xơ Đăng – Klêi kơ’nâi 6 hơnăm pêi pro Tơdroăng rêm cheăm môi tơmeăm (OCOP), kong pơlê Dak Nông hiăng chôa ‘lâng mơjiâng inâi ăm mâu tơmeăm khoăng ‘na chiâk deăng ki dâi lĕm khât. Ing mê, veăng gum thăm mơdêk tơrŭm cheăng mơjiâng túa cheăng vâ mơnhông pêi cheăng kâ ‘na chiâk deăng, hnoăng cheăng thôn pơlê krá tơniăn.

VOV4.Xơ Đăng - Peăng xêi hâi lơ 13/12, a Tíu pêi cheăng Kăn xiâm hnê ngăn, pôa Lương Cường - Kăn xiâm hnê ngăn tơnêi têa hiăng tơdah pôa Sofiane Chaib, Kăn teăng mâ kong têa Algeria troh koh pơ’lâng drêng hiăng tâi hneăng pêi cheăng teăng mâ a tơnêi têa Việt Nam.

VOV4.Xơ Đăng - Kơxo má hâi lơ 13/12, a Hà Nội, Đảng ƀô̆ Khô̆i kơ koan Tơnêi têa hiăng tơkŭm po Roh hôp Khu xiâm pơkuâ ngăn po rơdâ mơgêi Tơdroăng pơkâ kơxô̆ 18 a hâi lơ 25/10/2017 dêi khu xiâm pơkuâ hnê ngăn Tíu xiâm Đảng hneăng 12 “Mâu tơdroăng ki pơtối pơhlêh nếo, ‘mâi rơnêu, xing xoăng hnoăng cheăng khu pơkuâ ngăn dêi khu ngăn cheăng kal kí kal athế iâ ngế, tơdroăng cheăng pêi châ tơƀrê, dâi khât”.

VOV4.Xơ Đăng - Hâi lơ 13/12, Ƀinh đoân 15, ối tung Khu xiâm pơkuâ ngăn lêng tơkŭm po roh hôp trâm mâ drêng koh tơbâ 80 hơnăm Hâi mơjiâng Khu lêng kuăn pơlê Việt Nam ƀă 35 hơnăm Hâi leh kân hnoăng Kring vế tâi tâng kuăn pơlê, tơdroăng pơtâng ki nếo na rak vế, pêi pro hnoăng pêi cheăng kâ, pêi lo kế tơmeăm-kring vế rak tơniăn dêi khu đông lêng.

VOV4.Xơ Đăng - A Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i nếo ai rôh tơdah pôa Choi Joo Ho, Kăn xiâm pơkuâ Samsung Việt Nam.

VOV4.Xơ Đăng - Kơxo lơ 12/12, Khu tơkŭm po Tơ’noăng Hlá tơbeăng ‘na mơjiâng Đảng kong pơlê Dak Lak roh má VI, hơnăm 2024 hiăng tơkŭm po leh mơgêi ƀă diâp pri ăm mâu ngế chêh, mâu ƀai ki châ kâ pri.

VOV4.Xơ Đăng - Kơxê lơ 12/12, pôa Lương Cường, Kăn xiâm hnê ngăn tơnêi têa hiăng troh lăm pôu ƀă pêi cheăng ƀă Khu xiâm tơpui kâ.

VOV4.Xơ Đăng - Tĭnh ŭy Lâm Đồng nếo tơkŭm po hôp hlê plĕng, pêi pro tơdroăng pơhlêh nếo, rơnêu bro khu pêi cheăng tiô pơkâ pêi dêi Khu hnê mơhno Tơnêi têa ‘na mơgêi pơkâ kơxô̆ 18.