VOV.Xơ Đăng - Kơxo hâi lơ 25/5, a tíu pêi cheăng Chin phuh, pôa Lương Cường Kăn xiâm hnê ngăn tơnêi têa hiăng tơdah jâMen Sam On- Kăn xiâm hnê ngăn Hô̆i đong tơnêi têa Măt trâ̆n Tơrŭm tuăn mơnhông tơnêi  têa kul, Kăn xiâm hnê ngăn Khu tơrŭm cheăng pơla Kul - Việt Nam dế pơkuâ djâ khu kăn xiâm  Kul lăm pôu ngăn kiâ pôa Trần Đức Lương, Kăn xiâm hnê ngăn tơnêi têa hneăng hdrối.

VOV.Xơ Đăng – Hneăng tơ’noăng mơgêi Râ má pái phôh thong hơnăm 2025 hiăng vâ chê troh. Kố cho roh apoăng hneăng tơ’noăng châ tơkŭm po tiô Tơdroăng Hnê hriâm phôh thong hơnăm 2018 ai hên tơdroăng ki pơhlêh nếo tung hnê mơhriâm. Kơvâ ngăn ‘na hnê mơhriâm ƀă Hnê mơjiâng tuăn ngôa rơkê kong pơlê Dak Lak hiăng hbrâ pơkâ pêi pro hên troăng hơlâ ki thăm mơdêk ki dâi lĕm dêi tơdroăng mơhriâm, hbrâ rơnáu lĕm tơniăn tuăn mơno ƀă tơdroăng ki hlê plĕng ăm hok tro drêng vâ mot tung hneăng tơ’noăng ki kal kố.

VOV.Xơ Đăng – Hâi lơ 20 khế 5 hơnăm 2025, pôa Trần Đức Lương, Kăn xiâm hnê ngăn tơnêi têa hneăng hdrối kơtê ihiâm a Hà Nội, rêh châ 88 hơnăm. Tơdroăng ki kơtê ihiâm cho tơdroăng hía kân dêi Đảng,Tơnêi têa.

VOV.Xơ Đăng - Hâi lơ 20 khế 5 hơnăm 2025, pôa Trần Đức Lương, Kăn xiâm hnê ngăn tơnêi têa hneăng hdrối hiăng hlâ a Hà Nội, hiăng châ 88 hơnăm. Tơdroăng ki kơtê i hiâm dêi pôa cho tơdroăng ki hía hĕng kân kĭn dêi Đảng, Tơnêi têa ƀă kuăn pơlê Việt Nam, ing mê, chôu ‘măn tơdroăng ki mơjo hơ-ui pâ trâu rơdâ tung hiâm tuăn kuăn pơlê tung lâp tơnêi têa. Pôa Trần Đức Lương cho kăn pơkuâ xiâm ki djâ troăng, mê vâ cheăng a mâu kơvâ ki lâi, ing kih sư địa chất kơhnâ khât, pêi krâu rơhí rơhó to troh a Kăn xiâm hnê ngăn tơnêi têa, pôa pơrá mơhno tối, chôu ‘măn mâu tơdroăng ki trâu rơdâ, kơhnâ khât, ‘no hên hnoăng kân kĭn ăm troăng hơlâ ki mơjiâng ƀă mơnhông tơnêi têa, kring vế Tơnêi têa.

VOV.Xơ Đăng

VOV4.Xơ Đăng - Kơxê lơ 23/5, a Tíu pêi cheăng Chin phuh, pôa Nguyễn Chí Dũng, Phŏ Ngế pro xiâm hnê ngăn tơnêi têa pơkuâ po rôh hôp ‘na klâ xoăng râ, xoăng hnoăng dêi Khu xiâm Khoa hok ƀă Kong ngê̆ tiô pơkâ dêi Luât tơrŭm Chin phuh, Luât tơrŭm khu kăn pơkuâ kong pơlê ƀă khu tơrŭm khu kăn pơkuâ kong pơlê 2 râ.

VOV4.Xơ Đăng - Pôa Lê Thành Long, Phŏ ngế pro xiâm hnê ngăn tơnêi têa pêi cheăng ƀă Khu xiâm ngăn hnê hriâm ƀă hnê mơjiâng tuăn ngôa rơkê  troh veăng hôp tơpui Pơkâ ‘na xoăng hnoăng dêi mâu kăn kong pơlê tung tơdroăng hnê hriâm tiô tơdroăng tơkŭm mâu kăn kong pơlê péa râ.

VOV4.Xơ Đăng - Kơxo lơ 23/5, ilâng kiâ mố đô̆i tơring Đức Cơ, kong pơlê Gia Lai hiăng po leh tâp ‘mế 23 to kơxêng kiâ Khu lêng ki pleăng dêi hnoăng ƀă khu ki rơkê Việt Nam, hlâ a tơnêi têa Kul ing mâu rôh tơplâ.

VOV4.Xơ Đăng - Kơxo hâi lơ 23/5, a pơlê kong kơdrâm Ƀuôn ma Thuột, Vi ƀan kuăn pơlê kong pơlê Dak Lak tơkŭm po leh kân tơbâ 50 hơnăm hâi mơjiâng Mố đô̆i gak tơkăng kong dêi kong pơlê (23/5/1975 – 23/5/2025) ƀă tơdah xo Huân chương Rak vế Tơnêi têa ối má Pái.

VOV.Xơ Đăng - Pơtối tơdroăng hôp roh má 9, kơxo hâi lơ 23/5, Kuô̆k hô̆i hôp tơpui tơno a tôh ‘na hên tơdroăng kal, tung mê ai tối tơ’nôm tơdroăng pêi tiô pơkâ mơnhông cheăng kâ, rêh ối, liăn ngân tơnêi têa hơnăm 2024; tơdroăng pêi pro pơkâ mơnhông cheăng kâ - rêh ối ƀă liăn ngân tơnêi têa mâu khế apoăng hơnăm 2025.