VOV4.Xơ Đăng - Kơxo hâi lơ 6/2, a Hngêi pêi cheăng Kuô̆k hô̆i po hôp Khu kăn Đảng ủy Kuô̆k hô̆i ƀă Khu kăn Đảng ủy Chin phuh ‘na rôh hôp ôh tá xê tiah hmâ rôh má 9, Kuô̆k hô̆i hneăng 15.

VOV4.Xơ Đăng - Đà Lạt - Lâm Đồng cho tíu ki rơdêi ‘na tơdroăng ki pêi chiâk deăng xúa kơmăi kơmok chal nếo, tung mê ai hên hdrê reăng Đà Lạt hiăng chiâng inâi ki châ ô eăng lâp lu tung lâp tơnêi têa. Laga, ‘na tơdroăng ki mot tơrŭm cheăng ƀă tê mơdró ƀă lâp plâi tơnêi, cheăng pêt a kong pơlê kố dế trâm tơdroăng ki tơbriât ó kân ‘nâng, yă tê ôh tá tơniăn, mâu hdrê reăng châ tê ôh tá tơniăn ƀă kơdroh ivá tơbriât tá tung mâu kơchơ tê mơdró tung tơnêi têa. Vâ reăng chiâng kơvâ cheăng xiâm krá tơniăn, ai ivá rơdêi châ tơbriât tê tung lâp plâi tơnêi, kong pơlê Lâm Đồng dế chêh pro túa, troăng tơmiât ‘na tơdroăng ki tơkŭm pêt ƀă “po khoă” kơmăi kơmok ăm kơvâ cheăng ki kố, mơ-eăm ăm reăng châ tê ngi kong têa ê châ tơdế, ôh ta xê tê bu châ iâ, ai 11% môi tiah dế pơla kố.

VOV4.Xơ Đăng - Kơxê lơ 5/2, Rôh hôp má môi Khu pơkuâ ngăn Đảng ƀô̆ Chin phuh, pơla hơnăm 2020 – 2025 châ po xua tơdroăng ki pơkuâ dêi pôa Phạm Minh Chính, Ngế pro xiâm hnê ngăn Chin phuh.

VOV4.Xơ Đăng - Klăng roh apoăng hơnăm nếo Ất Tỵ 2025, Khu kăn pơkuâ hnê ngăn Đảng ƀă Vi ƀan kong pơlê Dak Lak hiăng mơjiâng hên khu râ kăn pêi cheăng xua Khu râ kăn pơkuâ hnê ngăn Đảng ƀă Vi ƀan pơkuâ djâ hiăng lăm pôu ƀă diâp kơxuô tơmeăm Têt mâu tíu cheăng, khu tê mơdró tung kong pơlê.

VOV4.Xơ Đăng - Pơtối mâu tơdroăng cheăng tung roh pêi hnoăng cheăng a Hà Giang, kơxê măng lơ 5/2, pôa Tô Lâm, Kăn xiâm pơkuâ hnê ngăn Đảng ƀă Khu râ kăn pêi cheăng hiăng troh lăm pôu mơhnhôk kuăn pơlê mâu hdroâng kuăn ngo tơring Quản Bạ, diâp kơxuô tơmeăm mâu rơpŏng ai hnoăng tơnêi têa tung kong pơlê.

VOV4.Xơ Đăng - Kơxo lơ 5/2, pôa Phạm Minh Chính, Ngế pro xiâm hnê ngăn tơnêi têa pơkuâ po rôh hôp Chin phuh tiah hmâ khế 1/2025.

VOV4.Xơ Đăng - Kơxo lơ 5/2, pôa Tô Lâm, Kăn xiâm pơkuâ hnê ngăn cheăng Đảng veăng ai mâ a leh tơbleăng Têt pêt loăng “Plâ rơxông chôu pâ hnoăng Pôa Hồ” – Rơnó Hơngui Ất Tỵ hơnăm 2025 a pơlê kong krâm Mỹ Hảo, kong pơlê Hưng Yên.

VOV4.Xơ Đăng - Drêng troh apoăng rơnó Hơngui Ất Tỵ 2025, kơxo hâi lơ 5/2, pôa Tô Lâm, Kăn xiâm pơkuâ hnê ngăn Đảng ƀă mâu kăn xiâm hiăng troh têk nhang tơbâ khu pơtáu Hùng a Tíu tơbâ ton nah Tơnêi têa ki tơviah Đền Hùng (pơlê kong kơdrâm Việt Trì, kong pơlê Phú Thọ).

VOV4.Xơ Đăng - Tơbâ 95 hơnăm hâi mơjiâng Đảng Kŏng san Việt Nam (03/02/1930 - 03/02/2025), a kơpong ôm hyô ton nah Tơnêi têa ki tơviah Tân Trào, tơring Sơn Dương, kong pơlê Tuyên Quang, Khu xiâm Đoân Droh rơtăm Kŏng sản Hồ Chí Minh tơrŭm ƀă Vi ƀan kuăn pơlê kong pơlê Tuyên Quang tơkŭm po Leh mơhnhôk Têt pêt loăng “Đi đo pâ Pôa Hồ” rơnó Hơngui Ất Tỵ ƀă mơhnhôk tơ’noăng koh hâk hneăng hôp Đảng rêm râ troh hneăng hôp mâu kăn tung lâp Tơnêi têa rôh má 14 dêi Đảng.

VOV4.Xơ Đăng – Kơxo lơ 5/2, a Hngêi Kuô̆k hô̆i, pơxiâm po Roh hôp má 42 dêi Vi ƀan pơkuâ Kuô̆k hô̆i.