VOV4.Xơ Đăng - Kơxo lơ 5/9, a tíu pêi cheăng Tíu xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng tơdah pôa Lưu Kiến Siêu, Ngế cheăng tung Tíu xiâm Đảng, Ngế xiâm pơkuâ khu tơpui kâ Tíu xiâm Đảng Kŏng san Sinuâ dế ai rôh pôu ƀă pêi cheăng a Việt Nam.

VOV4.Xơ Đăng - Pơtối tơdroăng lăm pêi cheăng a kong pơlê Gia Lai, kơxo lơ 5/9, a pơlê kong kơdrâm Plei Ku, pôa Võ Văn Thưởng, Kăn xiâm hnê ngăn tơnêi têa troh lăm pôu pêi cheăng a Ƀinh đoân 15 – đông lêng ai vâ chê 40 hơnăm pêi pro hnoăng cheăng mơjiâng mâu kơpong cheăng kâ cheăng lêng tung kong pơlê a Tây Nguyên ƀă peăng hdroh Quảng Bình.

VOV4.Xơ Đăng - Hâi lơ 5/9, pôa Phạm Minh Chính, Ngế pro xiâm hnê ngăn Chin phuh hiăng ai rôh trâm mâ pôa Xanana Gusmao, Ngế pro xiâm hnê ngăn kong têa Timor-Leste ƀă pôa Klaus Schwab, kăn xiâm hnê ngăn Rôh hôp Cheăng kâ kong têa ê (WEF) drêng veăng hôp a Rôh hôp khu râ kăn xiâm ASEAN rôh má 43 ƀă mâu rôh hôp ki ai tơdjâk troh ki ê a Jakarta, Indonesia.

VOV4.Xơ Đăng - Cho môi tung mâu tíu ki ai hnoăng nah a drô troăng Trường Sơn ki hên tơdroăng hơ’muăn tối, kơno têa kroăng Srêpok ối tung cheăm tơkăng kong Krông Na, tơring Ƀuôn Đôn, kong pơlê Dak Lak xuân u ối châ tơbâ vế mâu khế hơnăm ki apoăng tung hneăng tơplâ khên tơnôu dêi khu lêng ƀă kuăn pơlê pin. Ƀă tơdroăng ki châ mơnhên tối cho tơmeăm khoăng ki kơnía dêi tơnêi têa, Kơno têa kroăng Srêpok cho mơhno tối ivá ki rơdêi, ki khên tơnôu dêi hdroâng kuăn pơlê tung hneăng plâ xâ Mih tŏng xo tơnêi têa

VOV4.Xơ Đăng - Kơxo lơ 5/9, lâp lu kơpong tơnêi têa, hok tro kơdrâm kơdrĕng troh hngêi trung veăng leh pơxiâm po mot hơnăm hriâm nếo. Lối 22 rơtuh ngế hok tro tung lâp tơnêi têa hiăng mot hơnăm hriâm nếo 2023 – 2024.

VOV4.Xơ Đăng - Klăng roh veăng Hneăng hôp Khu râ kăn xiâm ASEAN roh má 43 a Jakarta, pôa Phạm Minh Chính, Ngế pro xiâm hnê ngăn Chin phuh hiăng ai roh trâm mâ tơpui tơno ƀă pôa Joko Widodo, Kăn xiâm pơkuâ kong têa Indonesia.

VOV4.Xơ Đăng - Drêng troh hâi leh mot hơnăm hriâm nếo 2023-2024, pôa Võ Văn Thưởng, Kăn xiâm hnê ngăn tơnêi têa pơtroh kơthô ăm kơvâ ngăn hnê hriâm.

VOV4.Xơ Đăng - Hâi lơ 4/9, jâ Trương Thị Mai, kăn pơkuâ tơrŭm Tơnêi têa hiăng ai rôh pêi cheăng ƀă Khu pơkuâ ngăn Đảng ƀô̆ kong pơlê Yên Bái.

VOV4.Xơ Đăng - Kơmăng hâi lơ 4/9 drêng veăng Hôp mâu Kăn xiâm ASEAN rôh má 43 ƀă mâu tơdroăng cheăng pêi tơdjâk troh Jakarta, Indonesia, pôa Phạm Minh Chính - Ngế pro xiâm hnê ngăn tơnêi têa  hiăng tơdah mâu kăn xiâm dêi Mâu Grup ki kân dêi Indonesia.

VOV4.Xơ Đăng - Mơđah tơbleăng um kơchuâ dêi ngế kơchuâ Xu Man – Ngế kơchuâ mơngế Bơhnéa a Tíu ‘măn rak kế tơmeăm kong pơlê Gia Lai dế tơ’mot hên mâu kuăn pơlê tơmối lăm troh ngăn.