VOV4.Xơ Đăng - Kơxê lơ 22/11, tung rôh lăm pôu pêi cheăng a Kul, pôa Trần Thanh Mẫn, Kăn xiâm hnê ngăn Kuô̆k hô̆i tơnêi têa hiăng tơpui tơno ƀă pôa Samdech Techo Hun Sen, Kăn xiâm hnê ngăn Đảng Nhân dân Kul – Kăn xiâm hnê ngăn Kuô̆k hô̆i râ má môi Kul.

VOV4.Xơ Đăng - Tung rôh lăm pôu păng ‘nâng Kul, a Pơlê kong xiâm Phnom Penh, pôa Trần Thanh Mẫn, Kăn xiâm hnê ngăn Kuô̆k hô̆i prếi pôa Khuon Sudary, Kăn xiâm hnê ngăn Kuô̆k hô̆i Kul hiăng pơkuâ po leh hiăng mơjiâng pro klêi ƀă diâp Hngêi cheăng Kuô̆k hô̆i kong têa Kul.

VOV4.Xơ Đăng - Kơmăng hâi lơ 22/11, Đảng ƀô̆, mâu kăn ƀă Kuăn pơlê mâu hdroâng kuăn ngo tung kong pơlê Dak Lak hiăng po leh kân krip  tơbâ 120 hơnăm Hâi mơjiâng kong pơlê. Pôa Nguyễn Hòa Bình Ngế pro xiâm phŏ hnê ngăn tơnêi têa veăng leh ƀă tối tơbleăng a rôh leh.

VOV4.Xơ Đăng –  Kơxo hâi lơ 22/11, pôa Phạm Minh Chính, Ngế pro xiâm hnê ngăn Chin phuh ƀă kơdrâi pôa rơtế khu râ kăn teăng mâ râ xiâm Việt Nam, mơgêi lĕm tro roh pêi cheăng veăng Hneăng hôp khu râ kăn xiâm G20 ƀă lăm pôu păng ‘nâng tơnêi têa Kŏng hoa Dominica.

VOV4.Xơ Đăng - A rôh hôp ƀă khu chêh hlá tơbeăng, pôa Tô Lâm Kăn xiâm pơkuâ hnê ngăn Đảng ƀă Ngế pro xiâm hnê ngăn kong têa Malaysia  ăm ‘nâi, 2 tơnêi têa hiăng pơkâ mơdêk tơrŭm cheăng pơla Việt Nam-Malaysia tâk Tơrŭm cheăng tung tŭm tơdroăng.

VOV4.Xơ Đăng - Hâi lơ 21/11, pôa Trần Thanh Mẫn, Kăn xiâm hnê ngăn Kuô̆k hô̆i pơxiâm roh lăm pôu pêi cheăng păng ‘nâng kong têa Kul, veăng Hneăng hôp tâi tâng roh má 12 dêi Hneăng hôp lâp plâi tơnêi mâu đảng kal kí châu Á ƀă Roh hôp tâi tâng roh má 11 dêi Nghĭ viê̆n lâp plâi tơnêi xua Hiêm mơno ki ôh tá ‘nhó ƀă Hơniâp lĕm.

VOV4.Xơ Đăng - Klêi leh tơdah châ tơkŭm po kân krip tíu pêi cheăng dêi Ngế pro xiâm hnê ngăn kong têa Malaysia a Pơlê kong xiâm Kuala Lumpur, pôa Tô Lâm - Kăn xiâm pơkuâ hnê ngăn Đảng  hiăng hôp tơpui tơno ƀă Ngế pro xiâm hnê ngăn kong têa Malaysia.

VOV4.Xơ Đăng - Kơxo lơ 20/11 (tiô chôu Việt Nam), pôa Phạm Minh Chính, Ngế pro xiâm hnê ngăn Chin phuh ƀă Kơdrâi pôa, rơtế Khu râ kăn teăng mâ râ xiâm Việt Nam hiăng troh pơlê kong xiâm Santo Domingo, pơxiâm lăm pôu păng ‘nâng Kŏng hòa Dominica.

VOV4.Xơ Đăng - Kơxê lơ 20/11, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa hiăng ai rôh tơdah pôa Alen Simonyan - kăn xiâm hnê ngăn Kuô̆k hô̆i Armenia tung rôh pôu păng ‘nâng Việt Nam.

VOV4.Xơ Đăng - Kơxo lơ 21/11, pôa Tô Lâm, Kăn xiâm pơkuâ hnê ngăn Đảng ƀă Kơdrâi pôa rơtế Khu râ kăn teăng mâ râ xiâm Việt Nam lăm pôu păng ‘nâng kong têa Malaysia tiô rơkong krếo thế dêi pôa Anwar Ibrahim, Ngế pro xiâm hnê ngăn kong têa Malaysia ƀă Kơdrâi pôa.