VOV4.Xơ Đăng - Tung rôh lăm pôu păng ‘nâng Bulgaria, kong măng kố, tiô chôu Việt Nam, pôa Vương Đình Huệ, kăn xiâm hnê ngăn Kuô̆k hô̆i hiăng troh Pơlê kong kân Burgas.

VOV4.Xơ Đăng - Drêng troh Têt Trung thu, pôa Võ Văn Thưởng, Kăn xiâm hnê ngăn tơnêi têa nếo ai pơtroh kơthô troh mâu vâi muăn phô̆m vâ xông kân, mâu vâi muăn ki ối kŭn tung lâp tơnêi têa.

VOV4.Xơ Đăng - Tối tơdroăng xơpá dêi mâu nôu pâ ƀă vâi o hok tro, hơnăm hriâm kố, mâu thái cô a tơring Kon Plông, kong pơlê Kon Tum hiăng pơtối rak vế tơdroăng pế hmê kâ kơhâi dế ăm vâ chê 1.250 ngế hok tro a hngêi trung, châ xúa tơdroăng tŏng kum tiô pơkâ 116 hơnăm 2016 dêi Chin phuh. Mâu rôh kâ hmê ai tŭm tơdroăng hơ-ui pâ dêi mâu thái cô, mâu ngế ai tuăn hơ-ui hiăng kum vâi o dế rêm hâi mơhnhôk vâi o kơdôu mơ-eăm hriâm, kum mâu vâi o hok tro mơngế Rơteăng a kố châ hriâm a hngêi trung.

VOV4.Xơ Đăng - Kơxê hâi  lơ 26/9, a pơlê kong kơdrâm Kon Tum, Khu kăn xiâm 2 kong pơlê Kon Tum ƀă Chăm-pa-sắc, kong têa Lếo hiăng tơkŭm tối tơdroăng hiăng pêi pro tung tơrŭm cheăng pơla hdrối kô nah ƀă kĭ tơhrâ tung Hlá mơ-eá Chôu pâ ‘na tơrŭm cheăng tung la ngiâ.

VOV4.Xơ Đăng - Kơmăng lơ 26/9, jâ Võ Thị Ánh Xuân, Kăn xiâm phŏ hnê ngăn tơnêi têa, Kăn xiâm hnê ngăn Hô̆i đong pơkuâ râng kơxô̆ liăn tŏng kum vâi hdrêng Việt Nam hiăng veăng kơmăng khế mơniâ, diâp kơxuô tơmeăm ăm mâu vâi hdrêng a tơring Ea Hleo, kong pơlê Dak Lak.

VOV4.Xơ Đăng - Sap ing apoăng hơnăm troh nôkố, kuăn pơlê a tơring tíu tơkăng kong Đức Cơ, kong pơlê Gia Lai hiăng mơhnŏng lăm nâp dêi xêh ăm khu pơkuâ ngăn kŏng an vâ chê 70 toăng pháu, hơnêa ki pro ƀă hên mâu tơmeăm ki pơtôu. Dế nôkố, khu Kŏng an a pơlê cheăm hiăng tơrŭm ƀă mâu khu râ, kơvâ cheăng pơtối hnê tối, mơhnhôk kuăn pơlê mâ tá pro, rak ‘măn pháu hơnêa, tơmeăm pơtôu ki xâu xía vâ rak vế tơniăn ăm tơdroăng rêh ối pơlê pơla.

VOV4.Xơ Đăng - Kơxo lơ 26/9, a Tíu pêi cheăng Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa tơdah mâu Kăn teăng mâ kong têa Bulgaria, Khu râ kăn Khu tơrŭm châu Âu (EU), Pơhlăng ƀă Kazakhstan troh tơbleăng mơ-éa ki kal tơnêi têa.

VOV4.Xơ Đăng - Tung rôh lăm pôu păng ‘nâng Kŏng hòa Liên bang Brazil, a pơlê kong xiâm Brasilia, pôa Phạm Minh Chính, Ngế pro xiâm hnê ngăn Chin phuh hiăng tơdah kăn hnê ngăn Khu Kăn kuô̆k hô̆i tơrŭm Brazil - Việt Nam Márcio Honaiser ƀă mâu kăn Kuô̆k hô̆i ki tơrŭm cheăng.

VOV4.Xơ Đăng - A tíu pêi cheăng Ngế pro xiâm hnê ngăn tơnêi têa, tung roh lăm pôu pêi cheăng păng ‘nâng kong têa Bulgaria, pôa Vương Đình Huệ, Kăn xiâm hnê ngăn Kuô̆k hô̆i hiăng trâm mâ tơpui tơno Ngế pro xiâm hnê ngăn kong têa Bulgaria - pôa Nikolai Denkov.

VOV4.Xơ Đăng - Kơxo lơ 26/9, tung rôh pôu ƀă pêi cheăng a Việt Nam, kăn xiâm hnê ngăn Kuô̆k hô̆i Kăn pơkuâ Kuăn pơlê Cuba pôa Esteban Lazo Hernandez hiăng troh pôu Tíu xối tơbâ ton nah Tơnêi têa Đôi bờ Hiền Lương- Bến Hải ƀă Kơpong Chin phuh Kăch măng pơtân Kŏng hòa peăng hdroh Việt Nam a kong pơlê Quảng Trị.