VOV4.Xơ Đăng - Kơxê hâi lơ 30/12, a tíu pêi cheăng Chin phuh, pôa Phạm Minh Chính - Ngế pro xiâm hnê ngăn Chin phuh hiăng tơdah pôa Saleumxay Kommasith - Ngế pro xiâm phŏ hnê ngăn kong têa Kŏng hoa Yân chuh Nhân yân Lếo drêng lăm pôu pêi cheăng a Việt Nam.

VOV4.Xơ Đăng - Kơxê hâi lơ 30/12, a Hà Nội, po Hôp Khu kăn Đảng bô̆ Khô̆i mâu kơ koan xiâm tơnêi têa rôh má 19, vâ mơgêi tơdroăng cheăng hơnăm 2024, tơbleăng tơdroăng cheăng pêi hơnăm 2025. 

VOV4.Xơ Đăng - Vi ƀan kuăn pơlê kong pơlê Dak Lak  pơkâ thế mâu kơ koan khu râ pơkuâ cheăng tơbleăng nhên kơxô̆ hlá mơ-eá mơnhên ăm phêp mâu tíu pêi cheăng  ai tiô tơdroăng pơkâ ăm phêp pêi krúa kế kâ, mơdró hmŏng to tung kong pơlê, hlối pâ thế tăng troăng hơlâ rak ngăn mâu tíu mơjiâng pro, tê mơdró  hmŏng to tung la ngiâ.

VOV4.Xơ Đăng - Kăn xiâm pơkuâ hnê ngăn cheăng Đảng tối nhên khu ki rơkê plĕng cho khu ki teăng mâ ăm khu ki ai tuăn mơno rơkê, khu ki rơkê dêi kuăn pơlê ƀă hdroâng kuăn ngo, cho môi tung mâu tơdroăng ki ƀă ivá mơ-eăm kal má môi pro pơxúa mơnhông tơƀrê ƀă tơdroăng kro mơdrŏng ăm tơnêi têa.

VOV4.Xơ Đăng - Mâu hơnăm achê kố, tơdroăng mơjiâng Đảng tung khu tê mơdró pa kong khu tê mơdró tơnêi têa a kong pơlê Dak Lak ai mâu tơdroăng mơnhông châ tơƀrê hôm. Rêm hơnăm, mâu khu tơrŭm Đảng tung khu tê mơdró pơrá tơ’mot châ ƀă hluâ pơkâ châ pơcháu. Châ tơƀrê kố gum tung tơdroăng mơjiâng khu tê mơdró rế tơniăn, tơdrêng amê mơnhên ivá mơhnhôk dêi Đảng tung mâu khu tê mơdró krê.

VOV4.Xơ Đăng - A pơlê kong kơdrâm Huế, kong pơlê Thừa Thiên Huế nếo tơkŭm po Leh tơbleăng Pơkâ dêi Kuô̆k hô̆i ‘na mơjiâng pơlê kong kơdrâm Huế ối tung tơnêi têa, ƀă tơbleăng Pơkâ dêi Vi ƀan pơkuâ Kuô̆k hô̆i ‘na tơdroăng rah xo tíu cheăng ối tung râ tơring, râ cheăm dêi pơlê kong kơdrâm Huế hneăng hơnăm 2023 – 2025.

VOV4.Xơ Đăng - Hơnăm 2024 khu râ kăn pơkuâ mâu kong pơlê Tây Nguyên mơnhên cho hơnăm ki châ tơƀrê hluâ pơcháu, pêi pro hnoăng cheăng ki kal ‘na mơnhông cheăng kâ – rêh ối pơlê pơla, ai kơnâ kal khât tung pêi pro ƀlêi chiâng Pơkâ Hneăng hôp Đảng ƀô̆ kong pơlê, tung mê ki má môi cho tơdroăng pêi pro tơdâng tơ’mô mâu troăng pêi tung Tơdroăng pơkâ xiâm tơnêi têa tung mơnhông cheăng kâ – rêh ối pơlê kơpong kuăn pơlê hdroâng kuăn ngo ƀă kong ngo hneăng má I sap hơnăm 2021 troh hơnăm 2025, ƀă châ hên tơdroăng châ tơƀrê ki kal, tơdroăng rêh ối ‘na pêi lo kế tơmeăm khoăng ƀă hiâm mơno dêi kuăn pơlê mâu hdroâng kuăn ngo Tây Nguyên châ mơdêk hên, tơdroăng kơdroh tah kơklêa kơdroh kơtiê châ pêi pro dâi khât.

VOV4.Xơ Đăng - Nôkố, mâu khu ki mơjiâng pro dế thâ rĕng mơhnhôk mâu ngế pêi cheăng, rơxế, kơmăi kơmok vâ mơjiâng pro troăng tung kơdâm tơnêi Phượng Hoàng a troăng ăm phêp rơxế kơtâu rêi Khánh Hòa - Ƀuôn Ma Thuột.

VOV4.Xơ Đăng - Tiô tối hdrối khu kăn cheăng tung Chin phuh kô châ rah iâ mơngế ing 30 chu ối 21 tíu pêi cheăng xiâm mê cho: 13 khu xiâm, 4 kơ koan tơdâng Khu xiâm ƀă 4 kơ koan cho tung Chin phuh.

VOV4.Xơ Đăng - Kơnôm ai tơdroăng pơkuâ ngăn, hnê mơhno dêi Khu pơkuâ hnê ngăn cheăng Đảng kong pơlê Kon Tum, Khu pơkuâ hnê ngăn cheăng Đảng kong pơlê Đăk Glei ƀă hnoăng pêi pro dêi rêm râ ngăn ‘na cheăng Đảng cheăm, mê 2 to cheăm ki kơtiê má môi dêi kong pơlê Kon Tum cho cheăm Mường Hoong ƀă cheăm Ngọc Linh, tơring Đăk Glei hiăng mơnhông châ hluăn ing kơtiê ki ‘ló mơnê ‘nâng. Kơxô̆ rơpŏng kơtiê hiăng chu kơdroh lối 10% rêm hơnăm, tâk châ 10 xoh tâng vâ pơchông ngăn ƀă kơlo kơtiê vâ riân ngăn tơdjuôm dêi lâp tơnêi têa.