VOV4.Xơ Đăng -Hơnăm kố hiăng mot tung hơnăm 46, Cử nhân điều dưỡng sản phụ khoa Y Hà, Ngế pơkuâ Hngêi pơkeăng cheăm Tu Mrông, tơring Tu Mrông hiăng châ 26 hơnăm pêi cheăng rak ngăn ivá kuăn pơlê a môi tung mâu kơpong ki xơpá má môi dêi kong pơlê Kon Tum. Cho ngế kuăn hdroâng kuăn ngo Rơteăng, nâ Y Hà ôh ti xê tơkâ luâ mâu tơdroăng ki pá puât vâ hriâm tâp mê ối chiâng tíu loi tơngah vâ gum hên vâi krâ kuăn pơlê kơpong kong ngo Tu Mrông châ xúa mâu tơdroăng tung khăm pơlât tơniăn tâ.

VOV4.Xơ Đăng - Kơxê hâi lơ 26/2, klêi kơ’nâi leh tơdah păng ‘nâng, pôa Phạm Minh Chính, Ngế pro xiâm hnê ngăn Chin phuh tơpui tơno ƀă Ngế pro xiâm hnê ngăn kong têa New Zealand - pôa Christopher Luxon.

VOV4.Xơ Đăng - Kơxo lơ 26/2, a pơlê kong kơdrâm Pleiku, kong pơlê Gia Lai, Kuân đoân 34 tơrŭm ƀă Hlá tơbeăng Khu lêng kuăn pơlê tơkŭm po tơpui tơno dó inâi ‘’Ƀlêi trâng Tây Nguyên – Po apoăng ăm ƀlêi trâng tâi tâng’’.

VOV4.Xơ Đăng - Kơmăng lơ 26/2, a Tíu xiâm Hneăng hôp lâp plâi tơnêi, Pơlê kong kân Hà Nội hiăng tơkŭm po Leh tơbâ 70 hơnăm Hâi Ƀok thái pơkeăng Việt Nam (27/2/1955 – 27/2/2025) ƀă dó inâi: ‘’Tơdroăng rơhdruê ngế khên tơnôu  ếo rơbông’’.

VOV4.Xơ Đăng - Kơxê hâi lơ 26/2, a Tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng hiăng tơdah Ngế pro xiâm hnê ngăn kong têa New Zealand – pôa Christopher Luxon – Kăn hnê ngăn Đảng kong têa New Zealand, klăng roh Ngế pro xiâm hnê ngăn kong têa New Zealand lăm pôu păng ‘nâng Việt Nam ƀă veăng Hôp tơpui tơno la ngiâ ASEAN roh má 2.

VOV4.Xơ Đăng - Leh mơđah tơbleăng Kơphế Ƀuôn Ma Thuột rôh má 9 hơnăm 2025, ƀă inâi ‘Ƀuôn Ma Thuột – Tíu troh dêi kơphế lâp plâi tơnêi”, kô po sap ing hâi lơ 09/3/2025 – 13/03/2025.

VOV4.Xơ Đăng - Tơbâ 70 hơnăm hâi Ƀok thái pơkeăng Việt Nam, kơxo lơ 26/2, a Tíu pêi cheăng Kăn xiâm hnê ngăn Tơnêi têa, pôa Lương Cường, Kăn xiâm hnê ngăn tơnêi têa trâm mâu kăn ki kơhnâ rơkê kơvâ ngăn pơkeăng ƀă diâp inâi “Ƀok thái pơkeăng kuăn pơlê” hơnăm 2024 ăm 46 ngế krê.

VOV4.Xơ Đăng - Kơxo lơ 26/2, tung rôh po Hneăng hôp La ngiâ ASEAN 2025 hiăng po rôh hôp tâi tâng khu râ kăn xiâm ƀă tơdroăng ki veăng hôp dêi pôa Phạm Minh Chính, Ngế pro xiâm hne ngăn Chin phuh, pôa Anwar Ibrahim, Ngế pro xiâm hnê ngăn kong têa Malaysia, pôa Christopher Luxon, Ngế pro xiâm hnê ngăn kong têa New Zealand ƀă pôa Jose Ramos-Horta, kăn xiâm pơkuâ kong têa Timor Leste.

VOV4.Xơ Đăng - Hâi lơ 26/2, pôa Phạm Minh Chính, Ngế pro xiâm hnê ngăn Chin phuh hiăng pêi cheăng ƀă pôa Anwar Ibrahim, Ngế pro xiâm hnê ngăn kong têa Malaysia drêng Ngế pro xiâm hnê ngăn kong têa kố lăm pôu Việt Nam ƀă veăng hôp tơpui tơdroăng tung la ngiâ ASEAN rôh má 2 a Hà Nội.

VOV4.Xơ Đăng - Dak Lak dế ối má môi tung lâp tơnêi têa ‘na pêt loăng plâi sầu riêng, châ lối 33.000 ha chiâk deăng, plâi châ lối 300.000 tâ̆n a hơnăm 2024 nah. La, drêng ai tơdroăng pơkâ ‘na mơnhên, séa ngăn hôm pêi pro krúa lơ ôh plâi kâ, séa ngăn kố rế hía rế pro kơtăng ing mâu kong têa ê ki vâ rôe plâi, malối Sinuâ, kơvâ cheăng kố dêi kong pơlê dế trâm hên pơloăng mơnúa kân. Vâ hlê nhên tâ mâu pơloăng mơnúa mê ƀă tơdroăng vâ pêi pro tro troăng hơlâ ƀă kơvâ cheăng, ngế chêh hlá tơbeăng ai tơpui tơno ƀă pôa Vũ Đức Côn - Kăn hnê ngăn Khu pêt plâi sầu riêng Dak Lak.