VOV4.Xơ Đăng - Kơmăng hâi lơ 28/6, pôa Phạm Minh Chính, ngế pro xiâm hnê ngăn Chin phuh ƀă khu kăn xiâm tơnêi têa Việt Nam hiăng lo ing pơlê kong xiâm Bắc Kinh, Sinuâ hiăng klêi hneăng lăm pôu kong têa Sinuâ ƀă veăng hôp tiah hmâ mâu kăn rơkê rôh má 14 dêi hneăng Hôp tơpui Cheăng kâ lâp plâi tơnêi (WEF).

VOV4.Xơ Đăng - Hâi kố lơ 29/6, ai lối 1 rơtuh ngế hok tro tung lâp tơnêi têa mot tơ’noăng hâi má 2 xuân cho hâi tơ’noăng má mơ’nui dêi hneăng tơ’noăng mơgêi hriâm râ má pái phôh thong hơnăm 2023.

VOV4.Xơ Đăng - Kơxê lơ 28/6, pôa Võ Văn Thưởng, Kăn xiâm hnê ngăn tơnêi têa ƀă mâu kăn teăng mâ Kuô̆k hô̆i Pơlê kong kân Đà Nẵng trâm mâ kuăn pơlê pơlê kong kân, tối tơbleăng tơdroăng châ tơƀrê hneăng hôp má 5, Kuô̆k hô̆i má XV.

VOV4.Xơ Đăng - Tiô tơdroăng vêh rah xo khu pêi cheăng, khu gak ngăn kong dêi kong pơlê Dak Nông kô kơdroh 4 inâi pro kăn pơkuâ gak ngăn kong. Tơdroăng kố châ Khu pơkuâ ‘na pêi chiâk deăng ƀă mơnhông thôn pơlê kong pơlê tơbleăng kơxê lơ 28/6.

VOV4.Xơ Đăng - Kơxo lơ 28/6, a Pơlê kong xiâm Bắc Kinh, pôa Phạm Minh Chính, Ngế pro xiâm hnê ngăn Chin phuh veăng hôp a Rôh hôp Tơrŭm mơ’no liăn cheăng ƀă tê mơdró Việt nam – Sinuâ xua Hô̆i đong Pơkâ mơdêk tê mơdró kong têa Sinuâ ƀă Khu xiâm pơlâ ƀă ‘No liăn cheăng Việt Nam tơkŭm po.

VOV4.Xơ Đăng - Kơxo hâi lơ 28/6, pơtối lăm pôu kong têa Sinuâ, pôa Phạm Minh Chính, Ngế pro xiâm hnê ngăn tơnêi têa tơdah mâu kăn tơrŭm cheăng Sinuâ  xua pôa Viên Mẫn Đạo, Ngế xiâm phŏ ngăn Khu kăn Tơrŭm cheăng tơpui kâ dêi kuăn pơlê Sinuâ pơkuâ djâ mâu kăn.

VOV4.Xơ Đăng - Pôa Martin Candinas, Kăn hnê ngăn Hô̆i đong Tơnêi têa Swiss hiăng troh Hà Nội pơxiâm rôh lăm pôu păng ‘nâng Việt Nam sap ing hâi lơ 27 troh 30/6 tiô rơkong krếo thế dêi pôa Vương Đình Huệ, kăn xiâm hnê ngăn Kuô̆k hô̆i.

VOV4.Xơ Đăng - A tơring Čư̆ Kuin, cho tíu nếo klêi ai khu ‘mêi mot plâ pro 9 ngế kăn ƀô̆ ƀă kuăn pơlê hlâ, mâu lêng kŏng an kring gak a tung ƀă pa gong hngêi trung tơ’noăng vâ tơniăn ăm hneăng tơ’noăng.  

VOV4.Xơ Đăng - Kơxo lơ 28/6, lối 14 rơpâu ngế hok tro kong pơlê Gia Lai mot tung rôh tơ’noăng môn ki apoăng dêi hneăng tơ’noăng râ má pái phôh thong 2023, môn Ngữ văn.

VOV4.Xơ Đăng - Kơxê lơ 27/6, a Đại lễ đường Nhân dân, pơlê kong xiâm Bắc Kinh, kong têa Sinuâ, pôa Phạm Minh Chính, Ngế pro xiâm hnê ngăn Chin phuh hiăng tơpui tơno ƀă kăn xiâm pơkuâ hnê ngăn Đảng Khu pơkuâ Tíu xiâm Đảng Kŏng san Sinuâ, Kăn hnê ngăn tơnêi têa Kŏng hòa nhân dân Trung Hoa cho pôa Tập Cận Bình.