VOV4.Xơ Đăng - Kơnôm tơrŭm krá tơniăn pơla mâu kơ koan, khu râ ƀă ing tơdroăng vâ dêi kuăn pơlê, tơdroăng xía vâ, rong râ a vâi hdrêng a tơring Di Linh, kong pơlê Lâm Đồng hiăng pơ’lêh hên tung hơnăm 2024. Mâu tơdroăng hbrâ mơdât châ tơbleăng tơdêng, veăng ‘no hnoăng hên a tơdroăng rak vế ivá ƀă hmiân tơniăn ăm vâi hdrêng.

2.VOV4.Xơ Đăng - A tíu pêi cheăng dêi Kăn xiâm hnê ngăn tơnêi têa, jâ Võ Thị Ánh Xuân, Kăn xiâm phŏ hnê ngăn Tơnêi têa trâm mâ Khu kăn mơngế ai hnoăng dêi kong pơlê An Giang drêng troh hneăng lăm pôu pơlê kong xiâm Hà Nội mot a Hngêi ‘măn poăng pôa Hồ Chí Minh, Kăn xiâm hnê ngăn tơnêi têa hneăng apoăng.

VOV4.Xơ Đăng -  Khu râ kăn pơkuâ, kơvâ cheăng hiăng xĕn thâ hên rơpŏng kuăn pơlê kơpong rơ-iô.

VOV4.Xơ Đăng -  Kơxê lơ 17/9, pôa Phạm Minh Chính, Ngế pro xiâm hnê ngăn tơnêi têa, Kăn pơkuâ Khu hnê mơhno Tơnêi têa mâu tơmeăm khoăng, tơdroăng tơkêa bro ki kal tơnêi têa, ki xiâm kơvâ Troăng klông rơxế kơtâu (Khu hnê mơhno) pơkuâ roh hôp má 14 dêi Khu hnê mơhno.

VOV4.Xơ Đăng - Kơxê hâi lơ 17/9, a  Hà Nội, Học viện Chính trị quốc gia Hồ Chí Minh  hiăng tơkŭm po leh Tơbâ 75 hơnăm hâi mơjiâng dêi Học viện (9/1949-9/2024) ƀă tơdah Mê dai Pêi cheăng ối má Môi.

VOV4.Xơ Đăng - Kơxê hâi lơ 17/9, a pơlê kong kơdrâm Ƀuôn Ma Thuột po hôp mơgêi tối tơdroăng cheăng tơdế hneăng ki pêi pro tiô “Tơhrâ tơrŭm xua pro hơniâp ƀă mơnhông’’Pơla Khu ngăn vâi kơdrâi kong pơlê Dak Lak dêi (Việt Nam) ƀă Khu pêi tơdroăng cheăng ‘na Vâi kơdrâi kong pơlê Mondulkiri, kong têa Kul, pơla hơnăm 2022-2027.

VOV4.Xơ Đăng - Kơxo lơ 17/9, a Hngêi Kuô̆k hô̆i, tơkŭm po Hneăng hôp Đảng Đoân Kuô̆k hô̆i ƀă Khu pơkuâ mâu ngế pêi cheăng tung Đảng Chin phuh ‘na tơdroăng hbrâ ăm hneăng hôp má 8, Kuô̆k hô̆i hneăng má XV.

VOV4.Xơ Đăng - Kơxo lơ 17/9, a Tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tơdah Kăn teăng mâ mâu kong têa Sri Lanka, Áo ƀă 14 Kăn teăng mâ troh tơbleăng mơ-éa ki kal tơdah hnoăng cheăng a Việt Nam.

VOV.Xơ Đăng - Hâi lơ 16/9 a  Ƀơrô Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ rôh hôp ƀă mâu kăn xiâm, kơvâ cheăng ki tơdjâk troh, tơpui trâu troh tơdroăng tơbleăng Pơkâ 36 ‘na Tơdroăng pêi pro mơnhông krá tơniăn cheăng kâ Việt Nam troh hơnăm 2030, tơdroăng vâ pêi troh hơnăm 2045.

VOV4.Xơ Đăng - Hâi lơ 16/9, troh pôu ƀă pêi cheăng ƀă Khu xiâm ngăn kong pơlê ƀă hnoăng cheăng dêi mâu kăn ƀô̆, pôa Nguyễn Hòa Bình, Ngế pro xiâm phŏ hnê ngăn tơnêi têa má môi tối nhên“đi đo hâk vâ hiâm mơno hơ’lêh nếo tơmiât rơkê ƀă ôh tá ai tơpôu ăm dêi rơpó, ví mâu tơdroăng cheăng pêi dêi tơná”.