VOV4.Xơ Đăng - Kơxo lơ 16/9, a Tíu pêi cheăng kăn xiâm hnê ngăn tơnêi têa, Ƀơrô cheăng Kăn xiâm hnê ngăn tơnêi têa tơrŭm ƀă Viê̆n seá arak luât kuăn pơlê xiâm tơkŭm po Leh tơbleăng ƀă diâp Pơkâ pôk Ngế phŏ pơkuâ ngăn Viê̆n seá arak luât kuăn pơlê xiâm.

VOV4.Xơ Đăng - Tung mâu hâi ki kố a kong pơlê Kon Tum, Dak Lak tơdroăng ki veăng tơlo liăn ngân, veăng tŏng mâu kuăn pơlê a mâu kong pơlê, pơlê kong kơdrâm Pêa Kơnhŏng ki tro têa kân lân lu xua khía mơhot plong mot hiăng châ ai hên khu râ, kơvâ cheăng, kơdrâm kơdrĕng mâu kăn ƀô̆ ƀă kuăn pơlê a mâu kong pơlê kố veăng pêi pro.

VOV4.Xơ Đăng - Têt Trung thu dế vâ chê troh, pơla kố, kơchơ mơdró kơƀăn ƀă tơmeăm xah hêi Trung thu a kong pơlê Dak Lak pơxiâm po tơbleăng hên. Tơdroăng rak tơniăn krúa kế kâ dế châ mâu kơ koan, khu râ pơkuâ cheăng séa ngăn krâu khât. Tung pơla séa ngăn, mâu khu râ pơkuâ cheăng hiăng tơrŭm hlối hnê tối troh a mâu tíu mơjiâng pro, tê mơdró hnê mâu pơkâ dêi luât ‘na tê mơdró kơƀăn ƀă tơmeăm xah hêi ƀă athế châ rak tơniăn, krúa lĕm kế kâ.

VOV4.Xơ Đăng - Kơmăng lơ 15/9, Tơdroăng ‘’Kơđiah hmê a kơnâng’’ Ƀuôn Ma Thuột, kong pơlê Dak Lak, tơkŭm po Kơmăng nhak Blouse rơbông, mơhnhôk tơdroăng tŏng gum 15.000 hnoăng hmê diâp ăm kuăn pơlê peăng Kơnhŏng tơnêi têa tro tơdjâk xua kong mêi khía mơhot roh má 3.

VOV4.Xơ Đăng - Hâi lơ 15/9, pôa Phạm Minh Chính, Ngế pro xiâm hnê ngăn Chin phuh pơkuâ hneăng hôp ƀă mâu kong pơlê tro tơdjâk xua kong mêi khía mơhot roh má 3, tơpui ‘na troăng rơnêu, tŏng gum kuăn pơlê, khu tê mơdró tơdjâk tơdroăng rêh ối.

VOV4.Xơ Đăng - Drêng rôh lăm pêi cheăng a Dak Lak, hâi lơ 15/9, pôa Nguyễn Hòa Bình, Ngế pro xiâm phŏ hnê ngăn tơnêi têa hiăng troh lăm ppu hngêi trung râ má môi, hngêi trung râ má péa Hoàng Việt, a pơlê kong kơdrâm Ƀuôn Ma Thuột.

VOV4.Xơ Đăng - Klêi kơ’nâi 4 hâi tơkŭm veăng tơlo, khu tŏng gum a kong pơlê Kon Tum hiăng xo châ chât tâ̆n tơmeăm ing mâu tíu pêi cheăng, khu mơdró ƀă mâu khu ai tuăn hơ-ui veăng gum kuăn pơlê ki trâm pá xua khía mơhot têa tân lu peăng Kơnhŏng.

VOV4.Xơ Đăng -  Kơxê lơ 13/9, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng tơdah Khu râ kăn mâu Kăn xiâm hnê ngăn Hô̆i đong hnê mơhno tê mơdró ASEAN (ASEAN BAC) klăng roh veăng Hneăng hôp roh má 101 dêi ASEAN BAC a Hà Nội.

VOV4.Xơ Đăng - Klăng roh leh Têt Trung thu 2024, hâi lơ 13/9, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng pơtroh kơthô ăm mâu vâi hdrêng Việt Nam a tung tơnêi têa ƀă rêh ối a kong têa ê, mâu vâi hdrêng mơngế kong têa ê a Việt Nam.

VOV4.Xơ Đăng - Kơxo hâi lơ 13/9, Khu xiâm kal kí hôp ăm hnê tối ‘na: Tơdroăng tơkêa mơgêi hôp 5 hơnăm pêi pro tiô Pơkâ kơxô̆ 45 dêi Khu xiâm kal kí hneăng 12 ‘na tơdroăng mơjiâng ƀă mơnhông pơlê kong kân Hải Phòng troh hơnăm 2030 , mâ ngăn troh hơnăm 2045.