VOV4.Xơ Đăng - Hô̆i đong kong pơlê Dak Lak nếo tơbleăng ăm pêi pro Pơkâ troăng hơlâ mơ’no liăn cheăng tơdroăng tơkêa bro kơdroh trếo ‘mêi mơ’no lo pa kong, kơlo mơ’no lối 468 rơtal liăn, ƀă pói vâ kô kum kơdroh mơ’no trếo ‘mêi lo pakong xua hía kong ƀă kơdroh kong ing tơleăng mâu tơdroăng tung kơvâ pêi chiâk deăng, pêt kong ƀă hbrâ ví lĕm tro tâ ƀă kong prâi hơ’lêh.

VOV4.Xơ Đăng - Hâi lơ 7/11, klăng roh veăng Hneăng hôp Khu râ kăn xiâm Khâu tơrŭm Tiểu vùng Mekong po rơdâ roh má 8, pôa Phạm Minh Chính, Ngế pro xiâm hnê ngăn tơnêi têa hiăng ai roh tơpui tơno ƀă pôa Lý Cường, Ngế pro xiâm hnê ngăn kong têa Sinuâ.

VOV4.Xơ Đăng - Pôa Tô Lâm - Kăn xiâm pơkuâ hnê ngăn Đảng hiăng lăm pôu ƀă pơkuâ rôh pêi cheăng ƀă Khu kăn xiâm Đảng ƀô̆ ‘na Luât ‘na tơdroăng cheăng pơkuâ, hnê mơhno pêi pro tơdroăng cheăng dêi khu xiâm ing apoăng hneăng troh nôkố ƀă troăng hơlâ pêi tâi hneăng hôp má 13 dêi Đảng.

VOV4.Xơ Đăng - A hneăng hôp tơdroăng cheăng hriăn plĕng má 15, Hô̆i đong kong pơlê Dak Lak, tơkŭm po a hâi lơ 6/11, Vi ƀan kong pơlê Dak Lak hiăng ai mơ-éa tơbleăng tối hdrối ‘na pơkâ pêi mơ’no liăn cheăng tơdjuôm tơnêi têa hơnăm 2025.

VOV4.Xơ Đăng - Jâ Ngô Phương Ly, Kơdrâi dêi pôa Tô Lâm, Kăn xiâm pơkuâ hnê ngăn Đảng hiăng lăm pôu Lếo ƀă veăng Hôp tơpui tơno ‘na Pơchoh chêp hmân ếo tiô khôi vâi krâ nah ASEAN roh má 9.

VOV4.Xơ Đăng - Kơxê măng lơ 6/11, klăng roh veăng mâu hneăng hôp hên pâ a Côn Minh, kong têa Sinuâ, pôa Phạm Minh Chính, Ngế pro xiâm hnê ngăn tơnêi têa hiăng ai roh trâm mâ pơla péa pâ ƀă pôa Hun Manet, Ngế pro xiâm hnê ngăn kong têa Kul.

VOV4.Xơ Đăng - Kuô̆k hô̆i pêi cheăng a hngêi hôp kân, tơpui ‘na tơdroăng tơkêa Luât ‘mâi pơhlêh, ‘mot tơ’nôm mâu tơdroăng dêi Luât Chứng khóan, Luât Kế toán, Luât Kiểm toán tơniăn krê, Luât Liăn ngân tơnêi têa, Luât pơkuâ ngăn, xúa kế tơmeăm tơdjuôm, Luât Pơkuâ ngăn nâp hnoăng liăn mơhá, Luât ‘Măn kơdĭng tơnêi têa ƀă tơdroăng tơkêa Luât On tơhrik (‘mâi pơhlêh).

VOV4.Xơ Đăng - Kơxo lơ 6/11, pôa Tô Lâm, Kăn xiâm pơkuâ hnê ngăn Đảng hiăng pơkuâ po rôh hôp mâu kăn xiâm pơkuâ Đảng ƀă Tơnêi têa veăng tơpui tối tung mâu Kơxop hlá mơ-éa pơtroh Hneăng hôp 14 dêi Đảng.

VOV4.Xơ Đăng - Pôa Nguyễn Ngọc Lương, Kăn pơkuâ ngăn Tíu xiâm Đoân Droh rơtăm Kŏng san Hồ Chí Minh, châ pôk pro kăn pơkuâ hnê ngăn Đảng kong pơlê Gia Lai pơla hơnăm 2020 – 2025.

VOV4.Xơ Đăng - A mâu tơring kơpong hngế hngo dêi kong pơlê Dak Lak ai 210 to kông kuăn pơlê hmâ xoi tơkâ luâ la nôkố hiăng tơ’nhiê ó, tơ’lêi pro rơ-iô ăm mơngế ƀă rơxế ki tơkâ luâ, malối tung rơnó mêi khía.